我要面對這個事實... 波子離開了~!!

兔爸返咗嚟一個星期, 每日都會CHECK住寄養姐姐SEND嚟嘅EMAIL, 佢哋三個一直都好好, 估唔到今日收到一個震驚嘅消息...

波子離開咗我哋喇~~~~~~~~~~~~~

點解你唔等爸爸返嚟先走呀????? 你孤獨地一個上路... 就咁走咗去... 我哋都好傷心, 姐姐話你之前一切好正常, 點解... 點解你要走?????
係咪爸爸媽媽做得唔夠好?? 點解你有事我哋一直都唔察覺??
爸爸媽媽對你唔住...... 對唔住... 波子豬~!!

姐姐話你瞓住咁走, 好安祥, 你係咪真係冇痛苦?? 爸爸媽媽唔想你再有痛苦, 希望你去到彩虹橋過得開開心心, 唔好再怕事, 識多啲朋友仔陪你玩啦~ 爸爸媽媽唔可以再陪倒你喇~!! 我哋會永永遠遠掛住你~!!

==========================================================================================
波子... 生於2008年9月9日, 還有幾日就一歲, 本來兔爸打算同佢慶祝, 但這一切已再沒可能了。 寄養姐姐話波子一直都好正常, 直到出事嘅一個小事前波子都仲食緊嘢, 隔咗一陣之後, 姐姐放佢出嚟玩就發覺佢唔郁, 抱起佢就已經離開咗喇~!!
姐姐都覺得好震驚, 即時放咗佢入雪櫃, 第二日帶咗佢去醫院, 醫生為佢解剖, 發覺佢膀胱同小腸分別都有一個腫瘤, 而小腸嘅腫瘤已經有一個梨咁大, 醫生話有可能係出世就已經有呢個腫瘤, 亦有可能係之前有一次唔食嘢嘅時候開始, 不過, 腫瘤喺兔仔嘅身上唯一嘅發現就係要"湯"開兔仔檢驗, 所以, 唔關上次睇醫生嗰間診所嘅事, 依家已經將腫瘤嘅細胞拎咗去化驗等待結果。
波子嘅離開我哋都好唔捨得, 但其實原來佢身上有咁大個腫瘤, 如果咁... 要佢長命下去繼續捱苦我更加不忍, 波子要選擇離開重過新生活, 做爸爸媽媽嘅都會支持佢哋決定, 只要佢開心就夠了。
==========================================================================================

波子: 「各位哥哥、姐姐, 波子要走喇~ 我會掛住爸爸媽媽, 掛住你哋每一位! 再見喇~!!」

shock! 耐冇上黎, 一開就見到呢個消息 ...
波子好乖, 佢特登等兔爸唔響身邊時離開, 都係想減少你地既傷心. 所以你地要快d恢復, 尤其兔爸, 節哀順變唔好太傷心啊.
波子e+應該響彩虹橋, 過緊冇病痛既新生活. 祝福波子~

"波子, Mom and Dad will miss you forever!! Love you always. Take care of yourself, thanks for all the memories. You will be in our hearts forever."

波子媽唔好傷心...
波子會一直係你心入面生活落去
只要佢知道你錫佢佢就已經覺得好開心架啦.放心啦..
加油呀!

波子~去到彩虹橋記得搵didi~
佢會帶你食好多好野!!

波子爸媽你地要堅強d~有你地波子呢世兔都已經好滿足...

原本已經一年了
還記得剛剛回家的小波子那個樣
絕育手術後一直未康復的大個仔波子
轉眼間波子就離開我們了
rip

多謝咁多位~ 波子嘅腫瘤報告已經出咗, 醫生話腫瘤已經出現左最少三個月, 估計係波子可能曾經受過傷而令個腫瘤細箘感染而造成, 問及波子有冇曾經打過交或被打, 但係一定冇可能, 因為我O地唔會將波子同湯丸,COOKIE一齊放出O黎玩, 唯一比較時間吻合就係3月尾做O既絕育手術, 個醫生攪到波子傷口發炎成個幾月先好返, 除O左呢次O既事係令波子受到最大O既加傷害, 我諗唔倒其他, 但如果真係的話, 我真係感到自己好錯, 因為係我揀錯醫生俾波子。

我知道我依家再講乜都冇用, 因為波子真係走o左喇~ 唯一我同兔爸決定o左同波子做一個手泥印, 將佢永留o係我o地身邊。

[ 本帖最後由 波子 於 2009-9-4 09:37 AM 編輯 ]

波子真係好叻,有咁大個瘤都生活左咁耐,佢一定好辛苦!

呢2日冇點睇,出左去見工,今晚睇返,估唔到................#^56^#
琳琳,你地放心啦,波子咁乖,會帶住你地既愛起彩虹橋果度開開心心咁生活落去架!!!
佢仲會保佑佢既爸爸媽媽,仲有弟妹

好突然...............
波子媽/波子爸你地都唔好太傷心
波子有你地已經係世上最幸福

波子去到彩虹橋會開開心心

E D 野真係主人幾盡責都好難發現到佢有咁O既病......

所以波子兔爸兔媽唔好咁傷心啦......起碼波子出世到佢走左都仲有你地鍚過~

你地已經做得好好架啦~

好突然...............好突然
我唔想接受..
霖霖姐姐...點解會咁咖.
點會...冇可能咖..

好突然...

其實每次見到兔友既兔地離開,自己都會諗下果一刻係咩感受...
每次其實都會唔開心...所以好明白...

波子~去到彩虹橋要開開心心呀~~:038:

你開心d啊...#^56^#

波子係一隻好可愛既兔兔...
佢既離開兔爸兔媽都好唔開心
不過我諗波子係天堂一定會過得好開心
兔爸兔媽唔好太難過...