我要面對這個事實... 波子離開了~!!

兔爸返咗嚟一個星期, 每日都會CHECK住寄養姐姐SEND嚟嘅EMAIL, 佢哋三個一直都好好, 估唔到今日收到一個震驚嘅消息...

波子離開咗我哋喇~~~~~~~~~~~~~

點解你唔等爸爸返嚟先走呀????? 你孤獨地一個上路... 就咁走咗去... 我哋都好傷心, 姐姐話你之前一切好正常, 點解... 點解你要走?????
係咪爸爸媽媽做得唔夠好?? 點解你有事我哋一直都唔察覺??
爸爸媽媽對你唔住...... 對唔住... 波子豬~!!

姐姐話你瞓住咁走, 好安祥, 你係咪真係冇痛苦?? 爸爸媽媽唔想你再有痛苦, 希望你去到彩虹橋過得開開心心, 唔好再怕事, 識多啲朋友仔陪你玩啦~ 爸爸媽媽唔可以再陪倒你喇~!! 我哋會永永遠遠掛住你~!!

==========================================================================================
波子... 生於2008年9月9日, 還有幾日就一歲, 本來兔爸打算同佢慶祝, 但這一切已再沒可能了。 寄養姐姐話波子一直都好正常, 直到出事嘅一個小事前波子都仲食緊嘢, 隔咗一陣之後, 姐姐放佢出嚟玩就發覺佢唔郁, 抱起佢就已經離開咗喇~!!
姐姐都覺得好震驚, 即時放咗佢入雪櫃, 第二日帶咗佢去醫院, 醫生為佢解剖, 發覺佢膀胱同小腸分別都有一個腫瘤, 而小腸嘅腫瘤已經有一個梨咁大, 醫生話有可能係出世就已經有呢個腫瘤, 亦有可能係之前有一次唔食嘢嘅時候開始, 不過, 腫瘤喺兔仔嘅身上唯一嘅發現就係要"湯"開兔仔檢驗, 所以, 唔關上次睇醫生嗰間診所嘅事, 依家已經將腫瘤嘅細胞拎咗去化驗等待結果。
波子嘅離開我哋都好唔捨得, 但其實原來佢身上有咁大個腫瘤, 如果咁... 要佢長命下去繼續捱苦我更加不忍, 波子要選擇離開重過新生活, 做爸爸媽媽嘅都會支持佢哋決定, 只要佢開心就夠了。
==========================================================================================

波子: 「各位哥哥、姐姐, 波子要走喇~ 我會掛住爸爸媽媽, 掛住你哋每一位! 再見喇~!!」

#^37^# 波子你去到彩虹橋要好好生活落去啊!!!
甘細個就有個甘既病 真係好可惜!!
波子媽你都吾好甘傷心了....要堅強呀!!

願波子永遠留在兔爸兔媽心中，留下的只有快樂回憶！！

波子，再見了，好好走你的路，路上見到豆豆的話，要跟他一起快樂生活，同佢講聲豆爸好掛住佢！！

振驚既消息...估唔到小波子咁快就要離開我地..#^37^#
你要好好係彩虹橋生活呀~~你爸爸媽媽同我地都會掛住你~~
要識多D朋友仔呀~~~我同LUCKY為你送上最好既祝福~!!
波子爸媽~你地都唔好太難過了~振作呀~!! #^65^#

點解會咁架:050:
波子媽你要堅強呀
我知你一定好唔開心
咁耐冇見波子已經好卦住佢
依家又.....
波子爸媽唔好咁難過喇
我同畢仔送上祝福
希望波子一路走好
去到彩虹橋過新既生活
開開心心!!!

波子媽 不要太傷心!!!!
願波子係彩虹橋開開心心

係呀~~~波子媽媽爸爸你地唔好太傷心啦
波子係彩虹橋一樣會開開心心,識到好多朋友嫁

點解會發生d咁突然o既事架~ #^37^#
我係見到你fb先知道,
波子媽我知道你一定好傷心, 好心痛......
不過, 你唔好再咁喇!
波子都唔想見到你咁架!!
你哋仲要照顧湯丸同cookie仔架~

波子你咁乖, 一定會喺彩虹橋到識到好多朋友仔,
你要喺彩虹橋到保佑你爸爸媽媽同埋細佬妹呀!

[ 本帖最後由 hamster1013 於 2009-9-2 07:41 PM 編輯 ]

多謝大家嘅關心!! 其實最難過係兔爸, 佢覺得係佢掉低咗波子喺寄養姐姐度, 連佢哋最後都唔能夠喺佢身邊~!!但我覺得波子好生性, 咁耐都一直好好喺兔爸身邊, 等待兔爸返嚟香港嘅時候先離開, 目的係唔想兔爸親眼目睹佢離開而唔返嚟香港, 佢真係好乖仔。

我哋知道波子唔想我哋傷心先會選擇靜靜咁離開, 所以, 我哋唔會辜負波子對我倆嘅好意, 我哋會振作, 好好生活, 好好照顧湯丸同Cookie!!

真係好突然呀~~
兔爸不要太傷心

好慘..節哀順變啦..#^56^#

咁突然既....
波子媽同兔爸你地要堅強....
你地都唔好太難過牙....

波子要好好係彩虹橋生活呀....
要識多D朋友仔...

R.I.P.....
希望波子在彩虹橋開開心心啦......:050: :050: :050:

希望波子係彩虹橋開心吧!
你地都否好太傷心啦..

波子唔想見到你地唔開心架..