突然的15分鐘...再見了

本來今日朝早帶大仔jelly去脫牙做手術

約左9:15am~等下講下詳細10:00am走

回家10:30am立即清洗兔籠, 等大仔返黎都有好地方休息

跟手洗埋細兔berry個籠

差不多12:00 診所打黎話jelly痳醉藥後突然呼吸困難

心跳很微弱, 嘗試叫醒佢, 因為隻痳醉藥可以打返另一隻藥落去就醒返

點知診所又打黎話唔得, 搶救緊....

整件事前後15mins.....



走了....jelly走了...



兩隻兔兔, 有d人多數新黎新養ge都會多人錫

反而我更愛大兔jelly.....

jelly只得兩歲而已, 還可以養到6~8歲的....



都是我不好......唔帶你去做手術就冇事.....

都是我的錯......



昨晚我還幫他剪指甲, 梳毛....

今早帶他出門途中他還乖乖的, 摸摸他的頭他的下巴

診所裡乖乖吃草.....

沒有了......再沒有了....全部不會再出現了



在家中放他怎樣走, 他都乖乖的, 不會亂咬東西

行完就回籠裡.....

沒有了......再沒有了....全部不會再出現了



狗仔行, 兔兔應該跳的, 但他有時都會狗仔方式行

好可愛, 走算跳跳都好輕柔柔的

我常說他是美男子, 因為身形好靚

唔似細b肥豬豬成個波咁...

沒有了......再沒有了....全部不會再出現了



我在用電腦他走出來時

都會用鼻子輕輕頂頂我 (細b沒有的)

我在用電腦他走出來時

他會企身雙手放左我腳上 (細b沒有的)

慢慢雙手滑下來.....

沒有了......再沒有了....全部不會再出現了



飲水舌頭撞碰波子的聲音 (細b沒有的)

bb抱方式乖乖放鬆睡著

他的毛毛那種毛公仔的味道 (細b沒有的)

摸上手軟軟的感覺 (細b沒有的)

還有很多很多細b沒有的行為, 因為jelly就是jelly

獨一無二的....我第一隻的兔兔

最深愛的兔兔, 連berry都不能代替...

沒有了......再沒有了....全部不會再出現了

原帖由 lingyan 於 2009-9-3 09:16 PM 發表
唔好自責，有d事係整定，世事無常，
就算你唔帶佢脫牙，或者又會變成另一種情況。

或者咁樣諗，jelly 真係太乖巧，上天要讚賞佢，
下世投胎變成人同你做朋友呢~

-------
或者先向診所方面了解，再下定論。
...

我知道全身痳醉係有風險
我隻兔兔小時做絕育都冇事
係呢次先有事...

我都冇怪責醫生...

只係到e+都接受不到他的離去

因為佢細個返黎
我知道兔兔好細膽
而且bb時好易死
所以我果陣連續7日都冇點訓過
晚上訓到2~3個鐘就醒一次睇下佢
落雨打雷更不用說....

因為之前第一次養的動物係狗
當時岩岩養ge時候我好細個得小學生年紀
全家都是第一次養

起初養ge時間小小病就帶佢睇醫生
整整下家人唔再帶佢睇
比人ge藥佢食, 食好就唔理
因為媽聽醫生講d藥都係人果d藥
果陣我都中學了
講真, 我果陣真係好單純
家人話咁樣, 我信架

到狗狗3~4歲都仲有帶佢出街行
之後就冇, 家人唔再帶
在家行動範圍都細左好多
我同哥都睇唔過眼
但我身形小又輕, 根本係比狗狗拉得動
因為我養的是沙皮狗
同家人講又係比爸媽話

到上兩年前狗狗大病, 我堅決要帶佢去睇醫生
爸爸話唔比, 我死都要
因為那時我都成人了, 不再是小女孩
睇完每日食藥我都按時餵佢
諗住好返...點知
兩三個月後的一個朝早

媽媽話狗狗又痾又嘔又叫
訓又唔係坐又唔係
同佢清潔完一個鐘後媽再見佢時已經訓左係地
媽以為佢休息點知....原來....走了
但媽說以上的說話已太遲
都是狗狗走了才叫醒我和哥

媽話未試過聽到佢叫到咁
我話點解你唔叫聲我地
媽一句"點知姐~第一次養狗算係咁啦~我點識分, 都養左10年"

如果我小時懂照顧狗狗, 狗狗可更長命
所以到我養jelly, 我同自己講要比狗狗養得更好
咩小小病都睇左醫生先

明天朝約了時間火化, 希望唔會再喊啦
因為我已經哭了整整一天
連工都冇返...對住berry都冇心機
我都唔知可以點對住berry好
因為對佢的愛跟jelly完全不同....

當然我不會放棄berry(6個月大), 只係唔知點面對佢好...

今日朝早已經幫jelly做了火化
都帶左返屋企了

其實berry一d都唔知
因為我唔會將佢地夾埋一齊
因為berry會打jelly, 脾氣臭
jelly就對berry冇野

只係jelly咩都唔知"做咩要帶我去診所"
佢咩都唔知, 又係一個唔識ge地方
之後仲要打左痳醉, 咁就訓左
而且係就咁走左, 咩都唔知

jelly係我第一次出黎做野儲錢買返黎ge第一隻動物
起初家人都唔比養, 但係比我說服了
所以我特別開心同鍾意佢

我e+只可以做就係快快平復心情
盡量再對berry再好d

[ 本帖最後由 bunny_babylove 於 2009-9-5 11:38 PM 編輯 ]

原帖由 elvisli 於 2009-9-7 02:59 AM 發表
大家都明白你有幾傷心...

但係...幾難過都要過....

BERRY當然不可以取代JELLY啦

我好明白

但係BERRY都係獨一無二的

今日你悔不當初帶JELLY去麻醉

但係都唔可以再比自己後悔對BERRY既愛比JELLY的少 ...

今日係jelly 走後第5天
e+心情好返少少, 出門我都會望望jelly個骨灰盅
回家都會, 因從前每當我出去都會摸下佢同佢玩一陣先
回家都會叫下佢, 因為佢都會背住我
以後轉個頭黎回應我^^

berry我都嘗試對佢更好
起初前幾日我都遲d先回家, 因為見到berry就會想喊
不過昨天同今日我的心情都好了多
我同berry都玩多左, 佢都乖左
放佢出黎我用緊電腦, 佢係桌下有時係我腳邊
都會用舌頭親親我的腳~^^~

e+我每日都會留意berry睇下佢有冇咩特別趣怪事發生
有ge我都會影底佢
http://hk.myblog.yahoo.com/bunny_mrj
http://ameblo.jp/bunnymrj
e+我每日都在這兩個blog都記下兔兔的趣事

不要誤會, 我不是賣廣告
因為我yahoo個blog裡中仲有兔兔外的東西寫在裡面
因我係將兔兔跟其他一齊寫的
所以不要誤會, 不要delete我....

我知道各位都叫我唔好因為jelly離去而忽略berry
所以我都聽大家講對berry更好^^
希望可以同大家多多交流, 多謝各位支持::><::