突然的15分鐘...再見了

本來今日朝早帶大仔jelly去脫牙做手術

約左9:15am~等下講下詳細10:00am走

回家10:30am立即清洗兔籠, 等大仔返黎都有好地方休息

跟手洗埋細兔berry個籠

差不多12:00 診所打黎話jelly痳醉藥後突然呼吸困難

心跳很微弱, 嘗試叫醒佢, 因為隻痳醉藥可以打返另一隻藥落去就醒返

點知診所又打黎話唔得, 搶救緊....

整件事前後15mins.....



走了....jelly走了...



兩隻兔兔, 有d人多數新黎新養ge都會多人錫

反而我更愛大兔jelly.....

jelly只得兩歲而已, 還可以養到6~8歲的....



都是我不好......唔帶你去做手術就冇事.....

都是我的錯......



昨晚我還幫他剪指甲, 梳毛....

今早帶他出門途中他還乖乖的, 摸摸他的頭他的下巴

診所裡乖乖吃草.....

沒有了......再沒有了....全部不會再出現了



在家中放他怎樣走, 他都乖乖的, 不會亂咬東西

行完就回籠裡.....

沒有了......再沒有了....全部不會再出現了



狗仔行, 兔兔應該跳的, 但他有時都會狗仔方式行

好可愛, 走算跳跳都好輕柔柔的

我常說他是美男子, 因為身形好靚

唔似細b肥豬豬成個波咁...

沒有了......再沒有了....全部不會再出現了



我在用電腦他走出來時

都會用鼻子輕輕頂頂我 (細b沒有的)

我在用電腦他走出來時

他會企身雙手放左我腳上 (細b沒有的)

慢慢雙手滑下來.....

沒有了......再沒有了....全部不會再出現了



飲水舌頭撞碰波子的聲音 (細b沒有的)

bb抱方式乖乖放鬆睡著

他的毛毛那種毛公仔的味道 (細b沒有的)

摸上手軟軟的感覺 (細b沒有的)

還有很多很多細b沒有的行為, 因為jelly就是jelly

獨一無二的....我第一隻的兔兔

最深愛的兔兔, 連berry都不能代替...

沒有了......再沒有了....全部不會再出現了

唔好咁傷心啦..唔好怪自己啊..jelly rip..
雖然係呢d 時間我真係唔係好知應該講咩 好, 因為我知講咩個心都一樣會痛
但...俾一個短時間自己唔開心就好啦..因為身邊還有兔兔要照顧呢
細b 都一樣會唔開心啊, 你要快d堅強起黎, 細b感受到你唔開心都會唔開心呢

下.......真係好突然
你都唔好自責啦..佢有病你帶佢睇e生
本身就係一個好媽媽既行為
只係一d意外姐........
你唔好太傷心啦.......

我懷疑係醫療失誤．．．

佢地可能重手打多左麻藥，跟住兔兔呼吸困難，進而失救．．．．
又或者係兔兔對ｏ個隻麻醉藥敏感，佢地唔ｔｅｓｔ　左先就打左落去。

ｊｅｌｌｙ　平日健健康康的話冇理由會咁架．唔好怪自己點解帶兔兔去睇醫生，可能要諗下動物醫院有冇問題．．．

不過，每一隻的兔兔都係特別的，當失去ｏ既時候都會好傷心，要堅強ａｒ。仲有細ｂ的優點你有待發掘∼　珍惜眼前兔ｘｄ

Rest in Peace...
世事無常...珍惜眼前兔

真係好突然,,,
會唔會真係醫院既問題?
唔好太難過..jelly都會好掛住你依個好主人的

明白，建立了兩年的感情，完全明白
我也一樣，總是比較錫豆豆，當豆豆走的時候，也只有五分鐘，一剎那的衝擊，發現原來心痛原來不是形容詞，而是真的會痛，整個心就沉下去

但人總要站起來面對，你要明白，JELLY現在走到一個完美的地方，無病苦，只有平和的天地，和其他朋友仔一齊，重有豆豆會和他一起。

jelly,一路上平安快樂，如果見到豆豆，同佢講聲豆爸好掛住佢！！

唔好自責，有d事係整定，世事無常，
就算你唔帶佢脫牙，或者又會變成另一種情況。

或者咁樣諗，jelly 真係太乖巧，上天要讚賞佢，
下世投胎變成人同你做朋友呢~

-------
或者先向診所方面了解，再下定論。

兔兔要用到麻醉藥，都係件危險事 .... 呢一點係手術之前醫生應該會解釋好清楚。

小動物用藥格外要小心的
jelly真係離開得好突然, 唔好傷心

珍惜你而家既兔兔~~~
雖然,你總係最中意jelly,但係你果2隻兔兔都有佢可愛既地方架
有d懶得可愛,有d好乖好乖,有d好頑皮>_<
日子耐左,你會好中意果2隻兔仔架

我明既,始終jelly同你相處既日子巳經有好耐
對佢既離去,你一定會一種不捨既感覺
但要注意身體呀!!我試過喊到發燒/_\
因為你仲有你既事業/學業/屋企人
所要你要快d振作起黎呀!!

你要記得喔,你屋企人對你既愛絕唔會少過你對jelly既愛架!

jelly雖然離開左,但你仲有另一隻小寶貝,佢都需要你既愛
請節哀,佢會起彩虹橋識到好多朋友仔,放心

原帖由 lingyan 於 2009-9-3 09:16 PM 發表
唔好自責，有d事係整定，世事無常，
就算你唔帶佢脫牙，或者又會變成另一種情況。

或者咁樣諗，jelly 真係太乖巧，上天要讚賞佢，
下世投胎變成人同你做朋友呢~

-------
或者先向診所方面了解，再下定論。
...

我知道全身痳醉係有風險
我隻兔兔小時做絕育都冇事
係呢次先有事...

我都冇怪責醫生...

只係到e+都接受不到他的離去

因為佢細個返黎
我知道兔兔好細膽
而且bb時好易死
所以我果陣連續7日都冇點訓過
晚上訓到2~3個鐘就醒一次睇下佢
落雨打雷更不用說....

唔好怪責自己喇....醫療失誤又好...情況突然變壞都好,
都係無人想~
jelly兩年黎有你既愛錫,佢一定都好滿足~
只係可能佢太懶訓喇,所以想好好訓一覺~
醒返去到彩虹橋,可以好好跑一轉~

jelly同你相處兩年,
佢一定唔想見到你咁傷心架~
記住,佢只係去左渡假~去左同其他兔兔玩~

喊唔緊要,唔好怪自己~

嗚....你唔好咁傷心啦..
我地都明白你心情..
但係你唔可以咁自責ga..
jelly唔會因為你咁怪責自己而開心..
反而會更加傷心..
一切都係意外..
始終都要接受現實..
美好ge回憶會長存ga!
要節哀順變啦..
嗚...我聽到都好唔開心..#^56^#