突然的15分鐘...再見了

本來今日朝早帶大仔jelly去脫牙做手術

約左9:15am~等下講下詳細10:00am走

回家10:30am立即清洗兔籠, 等大仔返黎都有好地方休息

跟手洗埋細兔berry個籠

差不多12:00 診所打黎話jelly痳醉藥後突然呼吸困難

心跳很微弱, 嘗試叫醒佢, 因為隻痳醉藥可以打返另一隻藥落去就醒返

點知診所又打黎話唔得, 搶救緊....

整件事前後15mins.....



走了....jelly走了...



兩隻兔兔, 有d人多數新黎新養ge都會多人錫

反而我更愛大兔jelly.....

jelly只得兩歲而已, 還可以養到6~8歲的....



都是我不好......唔帶你去做手術就冇事.....

都是我的錯......



昨晚我還幫他剪指甲, 梳毛....

今早帶他出門途中他還乖乖的, 摸摸他的頭他的下巴

診所裡乖乖吃草.....

沒有了......再沒有了....全部不會再出現了



在家中放他怎樣走, 他都乖乖的, 不會亂咬東西

行完就回籠裡.....

沒有了......再沒有了....全部不會再出現了



狗仔行, 兔兔應該跳的, 但他有時都會狗仔方式行

好可愛, 走算跳跳都好輕柔柔的

我常說他是美男子, 因為身形好靚

唔似細b肥豬豬成個波咁...

沒有了......再沒有了....全部不會再出現了



我在用電腦他走出來時

都會用鼻子輕輕頂頂我 (細b沒有的)

我在用電腦他走出來時

他會企身雙手放左我腳上 (細b沒有的)

慢慢雙手滑下來.....

沒有了......再沒有了....全部不會再出現了



飲水舌頭撞碰波子的聲音 (細b沒有的)

bb抱方式乖乖放鬆睡著

他的毛毛那種毛公仔的味道 (細b沒有的)

摸上手軟軟的感覺 (細b沒有的)

還有很多很多細b沒有的行為, 因為jelly就是jelly

獨一無二的....我第一隻的兔兔

最深愛的兔兔, 連berry都不能代替...

沒有了......再沒有了....全部不會再出現了

要習慣屋企冇咁隻兔仔係會好痛苦.....

我到而家諗返起肥雪都仲會眼濕濕.....但係唔開心又點? 佢都返唔到來....

身體要KEEP 好，因為仲有兩隻兔兔要你照顧....唔好為左JELLY 搞殘自己.....咁樣JELLY都唔會安落...

因為之前第一次養的動物係狗
當時岩岩養ge時候我好細個得小學生年紀
全家都是第一次養

起初養ge時間小小病就帶佢睇醫生
整整下家人唔再帶佢睇
比人ge藥佢食, 食好就唔理
因為媽聽醫生講d藥都係人果d藥
果陣我都中學了
講真, 我果陣真係好單純
家人話咁樣, 我信架

到狗狗3~4歲都仲有帶佢出街行
之後就冇, 家人唔再帶
在家行動範圍都細左好多
我同哥都睇唔過眼
但我身形小又輕, 根本係比狗狗拉得動
因為我養的是沙皮狗
同家人講又係比爸媽話

到上兩年前狗狗大病, 我堅決要帶佢去睇醫生
爸爸話唔比, 我死都要
因為那時我都成人了, 不再是小女孩
睇完每日食藥我都按時餵佢
諗住好返...點知
兩三個月後的一個朝早

媽媽話狗狗又痾又嘔又叫
訓又唔係坐又唔係
同佢清潔完一個鐘後媽再見佢時已經訓左係地
媽以為佢休息點知....原來....走了
但媽說以上的說話已太遲
都是狗狗走了才叫醒我和哥

媽話未試過聽到佢叫到咁
我話點解你唔叫聲我地
媽一句"點知姐~第一次養狗算係咁啦~我點識分, 都養左10年"

如果我小時懂照顧狗狗, 狗狗可更長命
所以到我養jelly, 我同自己講要比狗狗養得更好
咩小小病都睇左醫生先

明天朝約了時間火化, 希望唔會再喊啦
因為我已經哭了整整一天
連工都冇返...對住berry都冇心機
我都唔知可以點對住berry好
因為對佢的愛跟jelly完全不同....

當然我不會放棄berry(6個月大), 只係唔知點面對佢好...

其實你唔開心 兔兔都會感受到
而且過世個一隻仲係BERRY既朋友/同屋兔
可能BERRY都會唔開心
盡量試下打起精神啦!BERRY都好需要你照顧佢..
JELLY都唔會想你傷心咁耐
睇得出你係一個好好既主人 ..: )

你應該咁諗~~
淨返berry同你相依為命~
要連埋對哥哥既愛~透過berry去傳達~

好好照顧berry la~
雖然係唔同~但佢都係你既寶貝~
可能jelly都會唔放心得返berry自己一隻兔兔架~
你要幫忙呀~:048:

唔好唔開心啦...
要好好照顧好berry阿;
jelly都希望你地會生活得開心!

Jelly嘅離開係鐵一般嘅事實, 你可以唔開心, 但傷心過後要盡快重新振作, 好好照顧餘下嘅Berry, 同埋唔好去比較Jelly同Berry了, 因為Berry失去咗Jelly也會傷心啊~ 你更加要細心照顧Berry, 而Berry也會有佢可愛之處你當初先會帶佢返屋企咖嘛~!! 係咪??

努力加油吧~ Jelly會喺彩虹橋保祐你同Berry好好生活下去~!!

唔好怪責自己喇....做好現在對bunny 好好.....
要節哀順變啦..
:041: :041: :041:

確實好突然, 真係~~~, 好好咁大哭一場啦! 不過要記住, 傷心過後, 要重身努力振作呀! Berry重需要你照顧嫁, 佢都會知你唔開心嫁, 其實可能佢都會好傷心, 希望你地能大家互相扶持, 共同渡過依個階段.

唔好咁傷心啦....
jelly雖然離開左....
你更加要照顧Berry....
節哀順變...

今日朝早已經幫jelly做了火化
都帶左返屋企了

其實berry一d都唔知
因為我唔會將佢地夾埋一齊
因為berry會打jelly, 脾氣臭
jelly就對berry冇野

只係jelly咩都唔知"做咩要帶我去診所"
佢咩都唔知, 又係一個唔識ge地方
之後仲要打左痳醉, 咁就訓左
而且係就咁走左, 咩都唔知

jelly係我第一次出黎做野儲錢買返黎ge第一隻動物
起初家人都唔比養, 但係比我說服了
所以我特別開心同鍾意佢

我e+只可以做就係快快平復心情
盡量再對berry再好d

[ 本帖最後由 bunny_babylove 於 2009-9-5 11:38 PM 編輯 ]

berry都希望你好似錫jelly咁樣錫佢架
當然jelly係彩虹橋都好希望berry會得到你ge寵愛
將你對佢ge寵愛廷續落去，加油!

請你唔好再咁傷心喇.........雖然我真係好明白你有幾咁心痛,
醫院事故係意外, 唔關你帶唔帶佢去脫牙事, 唔洗怪自己
兔兔過左身會去彩虹橋, 果度有好多兔仔朋友陪佢, 會玩得好開心,
唔會有痛, 唔會悶~~^^
BERRY仲係一個小朋友, 唔識野又百厭, 希望你會將對JELLY既愛
也放到BERRY身上^^

我明白你的悲痛....但jelly不會就此離你而去,
他只會用另一個方式來生活~
你們會各自生活; 但會彼此掛住對方

希望你同berry都要堅強~
我同didi 都會支持你們~ :038:

jelly 知道你原意都係為佢好~!!
冇人想呢件事發生既~~唔好怪自己喇~~!!
jelly 都希望你好好照顧berry嫁~~
佢會一路祝福住你地~~+油呀~ !! #^65^#

大家都明白你有幾傷心...

但係...幾難過都要過....

BERRY當然不可以取代JELLY啦

我好明白

但係BERRY都係獨一無二的

今日你悔不當初帶JELLY去麻醉

但係都唔可以再比自己後悔對BERRY既愛比JELLY的少

所以你應更加愛BERRY...

兔兔係會感受到同伴的離去..有無表徵都好..兔兔是會感受到生活環境同氣氛的轉變