我兔兔病得好似好嚴重咁...

我隻2個幾月ge獅子兔,,上星期開始流白色鼻水同打乞嚏
星期一姐係27/9同左佢去大圍睇醫生,,醫生開左個藥水比佢滴鼻仲抗生素比佢食
到左尋日29/9 晏晝,,佢突然有30秒全身冇力咁,,但之後佢可以企番起身,,,但全日都冇哂精神,,開始唔肯飲水,,但佢仲係肯食糧同a草
T草就唔肯食,,,我又唔敢比咁多A草同糧佢,,,我好擔心,,,即刻將下星期覆診日子改今日30/9  醫生話佢輕左有DD脫水,,仲有眼仔有結膜炎,,,同要餵草粉
我見佢一入籠就PA係度瞓,,,冇精神,,,但放佢出黎佢又好始冇咩事咁,..我用針筒比水同草粉佢,,佢間唔中會肯去食2-3條草,,,仲有佢隻眼好紅,,佢又唔肯比我幫佢滴眼藥水,,,滴眼藥水係唔係真係會好番架?我好驚佢會有咩事...同埋佢而家全日都只係去得2-3次尿,,,便便就都 OK.....唉...有冇人可以幫到我

首先,兔兔要加油呀!!!
Hmmm....我唸兔兔病左都要時間休息,當然放佢出尼行下都好
盡量陪下兔兔,要慢慢尼
其實就算兔兔唔鐘意滴眼藥水,當為左佢健康著想,都是要滴
盡量放鬆兔兔,如果一個人唔得,就找多一個人摸下兔兔
之後先慢慢滴
要比耐性價
如果情況再惡化就要再去找醫生La
M...我隻兔兔一聽古典音樂就會好relax同開心左
你都可以試下,不過唔好太大聲呀

呢幾日用草鋪個籠先, 草既氣味可以令兔兔放鬆, 亦可增進食慾, 隨時食得
定時定候餵草粉, 每日keekp 住留意佢既cc, 保持環境安靜
眼藥水方面, 你可以試下用毛巾包住佢, 然後hold 住, 再同佢滴
有咩唔妥就打返去診所

努力呀, 兔BB靠你支持呀

大家都會支持你...要加油呢...兔兔會知道有人關心佢的

首先你唔好驚先，因為你仲要照顧兔兔咖嘛！^^ 而家你每日都keep住force feed佢食草粉，小食多餐，唔好比佢腸停。知道草粉的分量嗎？如果佢唔飲水，你都可以試下用針筒餵佢飲水。唔夠食物同缺水係會影響佢對藥物既反應咖！

我隻仔有側頭，我初初force feed都手騰腳震，而家已經架輕就熟，:057: 佢淨係坐定定就肯食，毛巾都唔駛，所以係你要令你自己變得放鬆d，兔兔自然就會對你信任，比你餵。

至於眼藥水我都係要日日滴，早晚各１次。其實佢眼仔唔舒服就自然唔想比你掂佢，你試下滴之前同佢按摩下傾下計，同佢講知道佢眼仔唔舒服，佢會明咖！:012: 滴完後記得用紙巾抹走過多既眼藥水！

慢慢黎啦，你放鬆D就得咖喇^^ 加油加油！！:038:

可以做既兔友們都教左你,
我係呢度為你地加油!!!

唔好放棄!
兔兔加油!

我見你話唔敢俾咁多A草俾兔兔食, 其實兔兔得兩個幾月大, 係可以係多啲A草咖~ 而且最好而A草為主, 但大前題係兔兔食咗A草唔會疴軟便, 只要食咗冇疴軟便, 其實你可以給予無限量A草加少許T草~!!
如果兔兔肯自行食草, 都盡量俾佢食啦~因為肯食草會好過淨食草粉, 希望兔兔會快啲好返啦~!!
你要加油呀~!!!!!!

有咩唔明就隨時上嚟問啦~!!

我見佢今日都肯食T草,,,但佢就仲係唔肯飲水....我兔兔佢好中意用針筒食野,,,佢連抗生素都追住黎食 ,,我諗唯一好GE就係呢樣=)   因為佢肯自己食草,,所以我草粉開稀左好多,,諗住比番多d水佢,,,因為當佢發現到針筒入面係水,,佢好快就會走左去...所以我會呃佢將針筒頭整少少草粉再比佢,,,我咁樣做可以嗎?  同埋因為我睇過好多唔同ge post,,有d人話唔好比咁多a草,,但有d又話佢bb要比無限ge a草,,,所以我應該點做好呢?

如果兔兔唔肯飲水, 將啲草粉開稀啲俾佢食, 你哩個做法係可以嘅~
兔bb係可以食A草, 除非兔兔食完A草後疴軟便, 否則食多啲A草係無問題嘅~

你同兔兔都要加油呀!!

真咖,每位兔友都幾乎經歷過兔兔生病或嚴重時,
你唯一可以做的,就是盡量照醫生指示,
最重要是,你一定要摸多D兔兔,抱抱牠,(當然不是夾硬黎),
因為要讓兔兔知道,你沒有因為牠病而要離棄牠....

今日兔兔如何?
努力加油呀~
兔兔知你咁錫同愛牠一定會無事好返的!!

佢都仲係唔肯去水樽飲水,,草粉水太稀佢都會走,,,我諗而家佢只差自己去飲水同比我幫佢滴藥水呢2步咋!! 好多謝大家丫,,,好多謝大家咁關心我同兔兔,,,我會努力架!

有同事教我用蜜糖沖水比佢飲,,,我今日試左試,,佢知道水樽有甜野之後係咁飲丫,,,雖然我好開心,,,但佢會唔會飲得太多而唔好架?

如果你真係想加野落水樽,
最好係幾滴橙汁就好....真係幾滴

蜜糖....真係無聽過...
同埋蜜糖應該糖份比較高...
我認為唔好加