話說冬冬都差唔多一歲. 早係5個月時都已經問Betty佢可唔可以絕育.
當時Betty話冬冬仲細 仲瘦唔可以..所以就一直推後.. 直至佢8~9個月時先話ok
8月20號一早就帶冬冬去診所.我地約左Dr Ma 做手術.
先幫冬冬檢查身體,確定一切都好好.十分健康!
然後再簽同意書就放低兔兔.
約一點半,醫生打電話黎話冬冬已經做完手術..
再到三點半,姑娘打黎話冬冬已經醒左仲食完草粉,眼仔碌碌. 不話菜同埋草只係聞左聞就唔食!
我地約5點返到診所. 埋單約$1500.
返到屋企,冬冬即卡跳上去廁所痾左兩大督屎,仲放左好多屎屎!
如果計埋佢係出街箱既屎屎,加埋應該over左三十粒!!
我地放左d t草碎入去,但係佢唔食..我地就放左d燕麥草,香草同埋有機草俾佢.
一開袋時佢好興奮,放入籠即卡食!!
係埋呢d草之後,佢就再食t草..
係當晚,佢仲食埋草枝tim!
由於佢好肯食野,所以野食方面唔擔心..
不過因為佢帶左頭罩,所以要執返d營養便佢食!
佢休息左一日多d,係第二日夜晚我地幫佢洗籠時放左佢出黎..
佢當自己乜事都無發生過,周圍跑周圍跳!! 我地仲緊張過佢!!
不過頭罩仲係要keep住帶去覆診!! 所以每日都要幫佢沖涼同r癢
[ 本帖最後由 wanga113 於 2011-8-25 01:20 PM 編輯 ] |
|