隻兔捕雞咁，唔知係咪有事。

頭先買個圍欄，諗住比佢下黎玩下，唔知係咪聽到d圍欄d"ling ling聲，佢表現得好緊張同好驚，跟住開門搵嘢食引佢出黎啦，佢唔肯出，唯有放棄啦，柵番道門，比d糧dum下佢，我又唔小心撞到個籠，佢跟住坐係廁所捕雞咁，跟住我留意到佢好累咁，仲係到中眼訓，平時佢痾幾十便便係籠入面，依家籠底只得幾粒，好擔心佢呀！

997134 發表於 2012-3-8 06:42 PM
我都冇再將尿紙放入廁所
太臭啦
佢成日坐係廁所上面

我隻rick哥終於識去廁所了.......哈哈...好乖仔

Daniel823 發表於 2012-3-13 12:42 PM
我隻rick哥終於識去廁所了.......哈哈...好乖仔

恭喜哂，我隻蠢豬仲未識，希望佢快啲學識啦

997134 發表於 2012-3-13 06:46 PM
恭喜哂，我隻蠢豬仲未識，希望佢快啲學識啦

快架喇快架喇....一定會識的...努力~~

其實如果因為周圍尿尿而須要成個籠鋪墊料,可以考慮用紙棉,一來平D,2來腳仔好似唔使企硬野,3來兔腳會乾淨D,你有無放少少T草係厠所呀?再唔係要佢跳入厠所先食到野,睇下佢好唔會少左四周尿尿,我都係咁放草架,佢會自然邊食邊拉,而家佢大隻左,一個草架唔夠就用2個,然後....都多左個厠所等佢屎屎,OXBOW個隻如果放得太多係厠所入面會頂起個厠所網,因住份量啦！

貓仔兔 發表於 2012-3-14 02:33 PM
其實如果因為周圍尿尿而須要成個籠鋪墊料,可以考慮用紙棉,一來平D,2來腳仔好似唔使企硬野,3來兔腳會乾淨D, ...

其實要同隻兔兔friend，得到佢信任要幾耐時間？

Daniel823 發表於 2012-3-14 07:53 PM
其實要同隻兔兔friend，得到佢信任要幾耐時間？

好睇兔性格架,但係如果你成日摸佢頭頭同請佢食糧,菜菜,係好有幫助,以前我隻兔都好惡爺,又唔俾抱,又會大聲叫,但係可能兔地真係感受到人鍚佢,經歷過幾次病病唔舒服之後,佢乖左嗲左好多,仲有時俾你抱吓,醫生話可能佢大個左,定性左呢！

所以,你都要抽多D時間陪佢呀！我用左幾個月左右啦！你隻兔乖唔乖呀?

貓仔兔 發表於 2012-3-14 08:41 PM
好睇兔性格架,但係如果你成日摸佢頭頭同請佢食糧,菜菜,係好有幫助,以前我隻兔都好惡爺,又唔俾抱, ...

我隻兔兔剛剛領養左十二日，佢唔比人抱，摸佢又行開，
我成日用手餵菜同埋餵少量嘅糧，佢對我仲好陌生咁，
成日周圍聞間屋，好好奇，有時兔仔跳。
有時感覺佢驚驚地我，佢暫時都算乖，遲d就唔敢講，
睇黎我要多d時間先得。

Daniel823 發表於 2012-3-14 10:16 PM
我隻兔兔剛剛領養左十二日，佢唔比人抱，摸佢又行開，
我成日用手餵菜同埋餵少量嘅糧，佢對我仲好陌生咁 ...

哎呀,佢12日就識去厠所已經係醒目兔,又係屋企跳兔仔舞,相信佢係你屋企十分開心...你俾d時間...多d同佢玩,佢好快會同你friend架喇, 如果你埋得滯佢驚,你可以用菜菜叫佢名引佢去你度,佢自己行埋去就無咁驚,而且第時仲可能識得應你添呀！哈哈！

我都未見過我大人跳開心舞

貓仔兔 發表於 2012-3-15 02:25 PM
哎呀,佢12日就識去厠所已經係醒目兔,又係屋企跳兔仔舞,相信佢係你屋企十分開心...你俾d ...

其實我都唔知點同佢玩....佢好高豆呀...摸一下走一下...跟住好似偷望你睇下你有無行埋去摸佢..
我再行埋去摸佢一下...佢又行開一下...
有時都唔知點同佢玩好...haha~~

Daniel823 發表於 2012-3-15 06:08 PM
其實我都唔知點同佢玩....佢好高豆呀...摸一下走一下...跟住好似偷望你睇下你有無行埋去摸佢..
我再行埋 ...

咦?佢似係想同你跑步咁...不如你下次跟下佢，睇下佢有咩反應吖!^^

997134 發表於 2012-3-15 05:04 PM
我都未見過我大人跳開心舞

多d放佢出黎...佢會跳架..

貓仔兔 發表於 2012-3-15 11:18 PM
咦?佢似係想同你跑步咁...不如你下次跟下佢，睇下佢有咩反應吖!^^

試過啦...我一路摸佢patpat...佢一路走...haha~~~都唔知佢驚定係想玩...
昨晚喪跳兔仔舞....佢昨晚唔知做咩特別開心咁...
我仲諗梗唔知點同佢玩...哈哈...
我想問下你地梳毛既經驗....因為我昨晚捉佢梳毛...比佢走甩左...好怕整到佢..
用毛巾包住佢梳下腳底.....我又包得唔夠好...又比佢走甩...想分享下經驗..