我想問一個月的話

我的兔兔得一個月......我唔知要比幾多草同要比咩草呀
仲有比幾多糧呀......thx大家

希望你唔好覺得我多事, 我睇返你之前既POST
你話你新手養兔, 點解你會有隻兔BB得一個月大??
定係我誤會左你意思, 係你養左兔兔一個月??
如果得一個月咁細既BB , 要養真係唔簡單*

我金日先拿他回來姐......我真係第一次呀

chanchinghon 發表於 2012-4-18 12:54 AM
我金日先拿他回來姐......我真係第一次呀

請問點解會養1個月大既bb兔?  1個月大既兔兔係未完全介奶, 一般黎講係要個半月大先會介奶, 另外你有去睇過兔兔寶典嗎?  你係新手, 一定要睇, 5可以5睇

小小兔和年輕的兔子應該吃些什麼？

• 剛出生到三個星期大：母奶
• 三到四星期：母奶、一點點的苜蓿和飼料
• 四到七星期：母奶、慢慢增加苜蓿和飼料的量
• 七星期到七個月：不限量的飼料供應和乾草（請先見底下的十二個星期大時）
  

請恕我直言, 就算你已經睇左兔兔寶典, 有問題應該係接兔兔返黎之前問清楚, 特別係飲食方面, 係好重要, 而5係接左返黎先去提問

另請安排帶兔兔去做body check, 帶兔兔去body check既時候, 要多買一包Oxbow草粉 (一包百幾蚊)及餵食針筒備用, 因為兔兔如果不幸生病, 很大可能不願自行進食 (特別是年紀細既兔兔), 這時你必需用草粉餵食, 以免兔兔腸停, 腸停係會令兔兔死亡

兔兔睇醫生同body check收費診金係由$250-$290之間, 每間診所都有少許差別, 如果需要藥物同其它治療, 則需另行收費, 費用多少是視乎所用的藥物同治療

需預先打電話到診所預約時間

兔兔約係7個月大既時候, 為兔兔健康著想, 請安排同兔兔絕育手術, 有唔少兔友係同兔兔搵九龍醫院Dr. Ma到做, 收費在$2,000內

以下是比較睇兔兔多既醫生 :

大圍珍禽異獸及寵物醫院 - Dr. Tiger
大圍積信街69-75號立和樓地下B鋪
預約電話：2687 1030
急診：7116 8888 a/c 2000
網址：www.taiwaiexotic.com

九龍動物醫院
Dr. Colt Ma
九龍城啟德道24及26號地下
預約電話：2382 3300

維多利亞寵物診所 – 元朗診所
Dr. Gerry
元朗民合徑8號幸福樓二期地下11號舖
預約電話：2477 8929
急症：7116 3282 呼8929

紅磡獸醫診所
Dr. Andrew Pilling
九龍紅磡黃埔新村民泰街30號地下
預約電話：2330 7566
急症：7111 0818 呼174
網址：www.hhvc.com.hk

若發現兔兔身體出現不適, 必需馬上安排去看醫生, 兔兔無法自行康復, 亦不要在寵物店購買藥物, 只會令兔兔延醫, 再嚴重會死亡

除兔籠, 水樽以外,
其它需要既物品, 可到兔協網站查閱 : http://www.hkrabbit.org/knowledge2_ch.php
兔協亦有出售

happyyuki 發表於 2012-4-18 12:25 AM
希望你唔好覺得我多事, 我睇返你之前既POST
你話你新手養兔, 點解你會有隻兔BB得一個月大??
定係我誤會左你 ...

我比你更多事, 仲好長氣

一個月大既兔B係未完全介奶......

嘩...你係邊樹搵隻得一個月既BB返黎...
咁即係你宜家養緊幾多隻

一隻姐......我朋友比我的
話要比草同比糧他食......他話冇問題的

chanchinghon 發表於 2012-4-18 10:39 AM
一隻姐......我朋友比我的
話要比草同比糧他食......他話冇問題的

幾時同兔兔去body check?

sharonlai 發表於 2012-4-18 09:39 AM
嘩...你係邊樹搵隻得一個月既BB返黎...
咁即係你宜家養緊幾多隻

我見到petsay有條友係4月頭出左個領養post, 當時寫有5只2個星期大既兔兔待領, 每只$200, 到而家4月中, 咪差5多一個月大, 5知係咪係佢到領養

sharonlai 發表於 2012-4-18 09:39 AM
嘩...你係邊樹搵隻得一個月既BB返黎...
咁即係你宜家養緊幾多隻

今次5係佢第1次出依種領養post架啦, 又5同兔兔絕育, 就有佢地生, 只兔女好可憐

我之前同今次有留過言同佢講 :


如果你真係愛錫兔兔, 為佢既健康著想, 你應該要帶兔兔去絕育, 而5係一直任由兔兔繁殖落去

而且兔女無做絕育, 約3歲的時候, 有超過百分之八十的機會會患上子宮瘤、卵巢瘤和乳腺瘤等疾病, 而雄兔亦有可能會患上睪丸癌, 所以絕育手術可有助減低兔子患上這些癌症及其他相關疾病的機會

而且兔女每生育一次對佢既身體健康有好大影響

你自己根本無法照顧到所有生出黎既兔B, 仲咩要比兔兔繼續繁殖落去......

但佢無理, 兔兔幾個月就生一胎幾只, 然後佢就賣比人, 好無良

樓主可唔可以話俾我地知, 兔bb而家有冇兔籠住, 你俾緊咩佢食, 佢有冇食, 佢既便便係點*
一個月大既BB真係好危險, 又未介奶, 我真係好擔心佢!

我唔知你幾多歲, 都唔清楚你背後既諗法
如果你真係想養兔兔, 點解唔去兔協領養, 點解唔去PET SHOP買D 大個少少既健康兔,
點解會諗到去拎一隻一個月既BB返黎,因為唔使錢? 因為BB兔好可愛?
點解你唔考慮下自己有冇能力照顧佢* 特別佢而家係奶都未介既BB*

如果你養過兔兔, 我都仲可以幫你搵藉口, 可能係你朋友生左D兔BB唔識照顧兔兔, 你幫佢手接兔BB返黎!
但你明明就係新手, 我真係會懷疑你只係貪得意*
唔通養唔惦就講句: 原來兔仔咁易死, 我都唔想 <呢D咁既說話
有冇反省下你一帶佢返黎, 已經係一個自私又任性既行為*

我唔係想批評你,都唔係針對你, 呢到個個都好錫兔兔, 所以我地只係擔心隻兔BB
無論話你幾多句, 都改變唔到而家個處境, 我建議你打去兔協, 問下義工, 佢地應該會俾專業既意見你*

加油! 做個好主人* 一定要努力確保兔兔健康! 如果我語氣重左, 我道歉!

兔兔有籠住呀.....我比左糧同a草他食.....他次次食到冇......他便便係硬的
我會要他係因為我好中意兔兔同我唔去兔協領養係因為他們話我冇時間理他
講真我要返工係冇時間理他......可是我一放工同一有時間我一定會理他
我唔係因為他可愛先要他.......我信我可以照顧他到他死

Add oil
有咩唔明記得問清楚

加油呀！你可以去兔協上護理班呢，他們會盡力解答你

chanchinghon 發表於 2012-4-18 06:32 PM
兔兔有籠住呀.....我比左糧同a草他食.....他次次食到冇......他便便係硬的
我會要他係因為我好中意兔兔同我 ...

你有去過兔協?  批領養叫Joanna, 佢有同你講過你要返工無時間照顧佢所以唔可以申請嗎?  真係敢講過?  老實講, 我5信囉, 定係你自己諗, 大部份領養既人都有1份工, 我亦係, 我一共有3只兔兔係兔協領養, 從來無因為你所講既理由而5批領養, 希望你5好以為就當真囉, 你好易誤導其它人, 影響其他有人誤解兔協會因為有份工, 返工時間5可以陪住兔兔而影響申請領養既準則