點先可以放低兔兔死去既事實呢?

如題..
我一返到屋企 我就諗起小白既點點滴滴
佢死去既事實 令我喊完又喊
今日係佢死後既第3日
唔知有咩方法可以沖淡佢死去既悲痛呢?

mimkey5566 發表於 2012-5-9 05:48 PM
嗯..我會努力咁放低情緒..
我想問吊鹽水係咪都有生命危險架?
因為小白吊第2次鹽水就死左.. ...

我都有失去兔兔鼠鼠嘅經曆，不停咁諗番佢地，同內疚有照顧不周嘅時間，我都好想喊，即使失去左佢地已經好幾年，其實，要完全忘記，放低，根本係無可能架，亦唔好迫自己咁做，因為人係有感情，而同兔兔一齊生活嘅記憶又點可以說抹走就抹走呢?
我想，有一日，我所有寵物都會同我再聚，只係時間問題，你想轉移對小白嘅思念，大可以從新好好學習養兔，好好對朱朱...你唔好介意我咁講，我亦唔係識日西養兔嘅知識，反之，我現在感覺得到養兔係一門好深嘅學問，要兔兔健康快樂成長，係要不斷學習，現在嘅我，為左現在養嘅兔，正朝著呢個方向進發，兔兔養係人嘅環境，佢一生點樣去過都係決定係兔奴手中，所以你無需要去諗點去忘記，如果你對小白有內疚，就當係彌補小白，好好去飬朱朱，我諗朱朱四圍望同挖地，係想搵返小白，佢見小白唔見左，你又不斷喊，佢係唔知發生咩事，而佢亦會因無左小白而影響心情同胃口，所以，你可以好似我咁好好愛惜你所現有的，珍惜眼前兔...要振作呀!
另外...恕我多事...兔兔係唔可以食太多紅羅白架，對腸胃不太好...你要加油呀!如果朱朱未做body check,得閒帶佢做下啦!始終佢都已經三歲，即係人嘅50幾架喇...
至於吊salt水會唔會有影響，個人認為機會好細...又可能小白本身有其他未知嘅毛病呢！又可能佢唔想你見住佢過身...我很久以前養了隻兔，後來生病了，看了dr.後都頗精神，以為佢會捱得過飬好佢身體仲諗住幫佢做手術，但係睇dr.後一星期餵完佢食草粉同藥，佢就走左去我床下底，我當時已心知不妙，立即走入去房，根住佢好辛苦咁呼吸同叫，我都忍唔住係咁喊...媽咪入黎同我講，叫我唔好喊，兔兔唔想我唔開心至乖乖食藥，至會走入房，佢故作正常，就係唔想我傷心，根住我唯有忍住，叫佢一路好走(呢一生，我永遠都記住)...我想小白嘅想法同我呢隻兔一樣，唔想你見到，亦知你好愛佢同時佢亦一樣咁愛你同朱朱，所以為左小白，你要好好振作

mimkey5566 發表於 2012-5-9 06:47 PM
THX 睇你咁講 我個心情好左好多 我會好好咁對朱朱架喇 我既老師都好似你咁講..
可能唔想我咁傷心 所以望 ...

係呀，其實動物係好有靈性架，所以好多貓狗都會好似小白同我之前隻兔咁...佢地唔想你傷心難過...
至於朱朱，我諗你暫時用番佢個籠搬番入房同你一齊好啲，等佢放低小白先至算，記唔記得dr.講左兔仔唔食野嘅原因之一係環境轉變呢?所以回復原來咁會好啲，當然我好明白你想佢住大啲舒服啲啦，但而家係你房佢至有熟悉嘅氣味同埋會見到你呢會安心好多!至於少飲水方面，你可以用針筒餵住先，同時俾多啲菜(其實你一日俾幾多菜呢?係咪多到佢唔使飲水呢???)


動物死嘅時候張開眼係正常嘅...不過我唔記得點解喇...

噢...因為前個reply係mtr打，食左幾粒字，我係想講兔兔有好多野唔食得，例如紅羅白...如果令你有hard feeling真係對唔住，我應該prove read後至reply呢!

希望你心情快啲好番啲啦!加油!

mimkey5566 發表於 2012-5-10 12:04 AM
睇到朱朱係咁搵小白..
我個心真係好難過..

抱下朱朱，摸多啲頭仔，會安撫到朱朱嘅情緒，亦可以細細聲安慰佢，話俾佢知小白走左...

mimkey5566 發表於 2012-5-10 12:57 PM
我依家將佢擺之前個籠到啦.. 我想問餵幾多支先夠?
可能真係比得太多菜佢食啦.. ...

佢真係一啲都唔飲?你可以睇下佢幾重,1KG要有100ML水,要分開餵,可能隔1個鐘餵10ML咁...另外亦可多俾菜菜,之不過,如果佢飲飲下唔飲,就可能夠...要遲D再餵,咁你一日餵幾多次同幾多菜呢?佢食野有無少左呀?

個水樽CHECK一CHECK係咪粒珠SHORT左,洗乾淨佢再試下,另外,亦可以用杯裝水引佢飲(易飲D可能佢會飲)不過要個杯好乾淨同勤換水至得！

mimkey5566 發表於 2012-5-10 01:01 PM
嗯..我一邊摸佢一邊同佢講小白唔會返黎架..你唔洗再等佢..
唔知朱朱係咪聽得明我講咩呢..佢聽完就係到跺 ...

我覺得佢係會明,不過你要話俾佢知小白唔係世上,唔係唔要佢....

mimkey5566 發表於 2012-5-10 01:31 PM
20塊菜,佢很食草~_~ 就係唔飲水

咁你餵左佢飲水未?

20塊係唐生菜/油墨菜呢D大葉菜,成菜心個D?會有少少唔同,你自已就一就餵水個份量,再試下....

all_loving_it 發表於 2012-5-10 04:33 PM
另5建議用杯裝水比兔兔用
- 用杯飲水係比用水樽方便, 但如果兔兔一旦習慣用杯既話, 就5願意再用水樽
- 兔 ...

之前我問左dr., dr說是可以的,但當然要keep住乾淨同留意咀咀問題啦！我諗為左朱朱佢飲水,短暫性咁放係無問題,如果怕晚上佢自己一個會倒瀉,晚上可以不用杯,兔兔自己會用番水樽架！

mimkey5566 發表於 2012-5-10 05:20 PM
我餵左佢兩支..之後佢就發脾氣-_-'' 姐係叫左出聲..
油墨菜

係咪餵得急得滯濁親呀?小心啲呀...另外一次過兩次佢可能覺得多得滯呢...

mimkey5566 發表於 2012-5-10 05:28 PM
咁我減少比菜既分量先..

唔好減呀...咁佢會少左吸收水份嘅機會，你隻兔睇相好似好大隻，可以加多啲菜菜，俾佢自己吸收水份呢!我隻兔1.31可以食2杯250ml/菜菜左右，俾你參考下吖!

mimkey5566 發表於 2012-5-10 06:26 PM
嗯..我會加多幾塊架喇..
其實佢剩係食菜..唔飲水都冇問題架~_~?

個人認為唔好養成兔兔有呢種習慣...但係朱朱而家係可以食多啲菜去吸收多啲水份，足夠嘅水份可以幫助腸嘅郁動同排便，但係如果用菜令兔仔吸收夠多嘅水份要食好多菜至夠，咁樣會令佢食少左草，少左磨牙同吸收纖維嘅機會...

你不如用杯睇下佢飲唔飲啦