點先可以放低兔兔死去既事實呢?

如題..
我一返到屋企 我就諗起小白既點點滴滴
佢死去既事實 令我喊完又喊
今日係佢死後既第3日
唔知有咩方法可以沖淡佢死去既悲痛呢?

就好似失戀咁
我覺得掛住小白, 唔捨得佢, 會喊, 呢d都係正常又合理既發洩同情感, 冇問題的!
因為我自己只係幻想下有一日如果失去我既兔兔, 我都會好傷心!!
最緊要你唔好自責, 唔好怪自己, 唔好鑽牛角尖!
加油呀!!! 支持你!!!

happyyuki 發表於 2012-5-9 05:41 PM
就好似失戀咁
我覺得掛住小白, 唔捨得佢, 會喊, 呢d都係正常又合理既發洩同情感, 冇問題的!
因為我自己只係 ...

嗯..我會努力咁放低情緒..
我想問吊鹽水係咪都有生命危險架?
因為小白吊第2次鹽水就死左..

mimkey5566 發表於 2012-5-9 05:48 PM
嗯..我會努力咁放低情緒..
我想問吊鹽水係咪都有生命危險架?
因為小白吊第2次鹽水就死左.. ...

我都有失去兔兔鼠鼠嘅經曆，不停咁諗番佢地，同內疚有照顧不周嘅時間，我都好想喊，即使失去左佢地已經好幾年，其實，要完全忘記，放低，根本係無可能架，亦唔好迫自己咁做，因為人係有感情，而同兔兔一齊生活嘅記憶又點可以說抹走就抹走呢?
我想，有一日，我所有寵物都會同我再聚，只係時間問題，你想轉移對小白嘅思念，大可以從新好好學習養兔，好好對朱朱...你唔好介意我咁講，我亦唔係識日西養兔嘅知識，反之，我現在感覺得到養兔係一門好深嘅學問，要兔兔健康快樂成長，係要不斷學習，現在嘅我，為左現在養嘅兔，正朝著呢個方向進發，兔兔養係人嘅環境，佢一生點樣去過都係決定係兔奴手中，所以你無需要去諗點去忘記，如果你對小白有內疚，就當係彌補小白，好好去飬朱朱，我諗朱朱四圍望同挖地，係想搵返小白，佢見小白唔見左，你又不斷喊，佢係唔知發生咩事，而佢亦會因無左小白而影響心情同胃口，所以，你可以好似我咁好好愛惜你所現有的，珍惜眼前兔...要振作呀!
另外...恕我多事...兔兔係唔可以食太多紅羅白架，對腸胃不太好...你要加油呀!如果朱朱未做body check,得閒帶佢做下啦!始終佢都已經三歲，即係人嘅50幾架喇...
至於吊salt水會唔會有影響，個人認為機會好細...又可能小白本身有其他未知嘅毛病呢！又可能佢唔想你見住佢過身...我很久以前養了隻兔，後來生病了，看了dr.後都頗精神，以為佢會捱得過飬好佢身體仲諗住幫佢做手術，但係睇dr.後一星期餵完佢食草粉同藥，佢就走左去我床下底，我當時已心知不妙，立即走入去房，根住佢好辛苦咁呼吸同叫，我都忍唔住係咁喊...媽咪入黎同我講，叫我唔好喊，兔兔唔想我唔開心至乖乖食藥，至會走入房，佢故作正常，就係唔想我傷心，根住我唯有忍住，叫佢一路好走(呢一生，我永遠都記住)...我想小白嘅想法同我呢隻兔一樣，唔想你見到，亦知你好愛佢同時佢亦一樣咁愛你同朱朱，所以為左小白，你要好好振作

貓仔兔 發表於 2012-5-9 06:29 PM
我都有失去兔兔鼠鼠嘅經曆，不停咁諗番佢地，同內疚有照顧不周嘅時間，我都好想喊，即使失去左佢地已經好 ...

THX 睇你咁講 我個心情好左好多 我會好好咁對朱朱架喇 我既老師都好似你咁講..
可能唔想我咁傷心 所以望落去好似就黎好返咁..
其實仲未好.. 不過可惜見唔到佢最後一面..
佢死既時候 張開眼 係咪因為見唔到我呢?
仲有.. 我後日諗住帶朱朱做body check 因為佢唔飲水 不過又很食菜..
其實係因為唔見左小白 所以冇胃口..
定係換左第2間籠呢!?(因為我轉左小白個籠比佢..所以唔慣..?)
佢係小白個籠柯尿.不過又有去廁所到柯..
佢原本係個房到 但係小白個籠大得制 所以放左落個大廳到..
其實係咪唔慣?
以前我係有餵過果d..但係係書到我睇到係唔可以餵 所以已經好耐冇餵到啦=]

想喊就喊，唔好收埋...
吊鹽水，可以睇Dr Ma 專欄
http://petkd.net/portal.php?mod=list&catid=25

mimkey5566 發表於 2012-5-9 05:48 PM
嗯..我會努力咁放低情緒..
我想問吊鹽水係咪都有生命危險架?
因為小白吊第2次鹽水就死左.. ...

你吊鹽水既意思係咪靜脈注射?

靜脈注射既風險有, 但係係非常之低

但其實...........

醫生有無明確交代小白既死因?

小白吊既係咩?  電解質?   生理鹽水?  藥物?

係依段期間, 醫生曾處方咩藥物同治療比小白?

wesky 發表於 2012-5-9 07:45 PM
想喊就喊，唔好收埋...
吊鹽水，可以睇Dr Ma 專欄
http://petkd.net/portal.php?mod=list&catid=25 ...

我已經冇咁傷心啦..
佢死果時,我係到諗佢係咪乘受唔到吊鹽水,或者係醫生既錯..
因為仲未出發時佢仲好地地,食小小草同糧..
點知走左一個鍾之後就打黎話個心停左,叫我快d返黎
果時好突然..心諗點解會咁呢? 明明第1次吊果時冇事,,點解第2次就有事呢!?
係咪因為個醫生點點點...(第1次同第2次既醫生唔同的..因為第1次幫小白吊醫水既醫生放假.所以有換左第2個)
不過最尾都救唔返..果次我真係好痛苦..因為事情發生得太突然..
呢幾日我喊完又喊 d老師同學都安慰我..特別係班主任..
佢話可能小白其實係未好既..但係唔想我咁傷心,所以就睇黎好好..
今日我確定唔會再亂諗野..(因為我覺得小白既死係我既錯..係咁自責..)
我打電話問左醫生,佢話唔開吊鹽水既事,好左但未必過左危險期,所以..
可能就好似老師咁講其實佢唔想我擔心..所以睇落去精神左好多..我唔會再比小白擔心我架喇!!
我會好好照顧朱朱..!!
但係我發現朱朱從小白死後開始就冇乜飲水.差唔多好似小白咁..不過佢很食菜..
但係我都唔放心..因為我唔想又好似小白咁..死左..
所以我去打電話去book位 因為dr.ma 星期3先有位 所以我book左新黎既果位醫生..同時係幫小白第1次吊鹽水果個.
book左星期5..
仲未到去果時 希望大家幫幫手,點先令佢飲返水!? 我覺得可能係唔見左小白 所以先自..
我應該點做?

all_loving_it 發表於 2012-5-9 08:39 PM
你吊鹽水既意思係咪靜脈注射?

靜脈注射既風險有, 但係係非常之低

係..
佢話唔知點解會咁,.,
應該係生理鹽水
第1次係新黎既果位醫生..不過冇事
第2次係一個鬼妹(因為新黎果個果日放假..)
我10點過去 之後小白住院 叫我6:30接返去 果時仲話比之前好左..
但係過左11點幾佢就話小白心臟停止左 果時對我黎講真係好突然..
之後帶我去睇小白個遺體..
個助手同我講
吊完鹽水之後餵佢食草粉
突然跺左2次腳之後就..

講真 我覺好似發緊夢..
今朝好地地 醫生仲話佢個肚好左好多..
真係唔明 點解會咁突然,,,,
不過我諗可能佢其實仲未好,而驚我擔心,所以睇黎好好..
或者係回光反照,,,

mimkey5566 發表於 2012-5-9 08:42 PM
我已經冇咁傷心啦..
佢死果時,我係到諗佢係咪乘受唔到吊鹽水,或者係醫生既錯..
因為仲未出發時佢仲好地地 ...

我之前既心情同你一樣，到今日仍放不低，但日子依然要過，經過屋企每一個角落都會想起佢以前既身影，唔開心，但唔需要忘記，相反，希望過去每個片段都唔會因為時間而忘記或變得模糊。有人選擇唔再睇返佢地既相，我選擇每日都睇住佢既相。

wesky 發表於 2012-5-9 09:21 PM
我之前既心情同你一樣，到今日仍放不低，但日子依然要過，經過屋企每一個角落都會想起佢以前既身影，唔開 ...

雖然睇完佢張相都不知不覺中流下眼淚..
但係都會諗返佢既點點滴滴..
我諗你隻兔兔同我隻小白一定係彩虹橋玩得好開心姐...=]

mimkey5566 發表於 2012-5-9 09:35 PM
雖然睇完佢張相都不知不覺中流下眼淚..
但係都會諗返佢既點點滴滴..
我諗你隻兔兔同我隻小白一定係彩虹橋 ...

最傷心既絕對唔係我，而係由細到大陪住佢成長既波波

wesky 發表於 2012-5-9 09:56 PM
最傷心既絕對唔係我，而係由細到大陪住佢成長既波波

你隻波波依家點呀,
我同你一樣
依家剩返朱朱=]]''
佢依家唔飲水 不過有食菜
都唔知點算好..

mimkey5566 發表於 2012-5-9 08:42 PM
我已經冇咁傷心啦..
佢死果時,我係到諗佢係咪乘受唔到吊鹽水,或者係醫生既錯..
因為仲未出發時佢仲好地地 ...

其我相信令到你最難過, 係因為小白既離去太突然, 係你既意識之中你無送佢最後一程, 但你唔好再自責, 因為相信小白已經用佢既方式同你告別

要接受兔兔已經離開既方法, 就係要勇敢面對, 先可以釋懷

朱朱有依個情況, 係因為小白突然消失, 令佢不安同難過, 而情緒受到影響, 因為對朱朱黎講5知發生咩事, 因為小白未同佢做最後告別

如果養既兔兔係有一只以上, 若其中有不幸兔兔離世, 係要比兔兔認屍, 比佢見同伴最後一面, 係有助兔兔情緒既康復

兔兔見到同伴既屍體係會好難過, 亦會有好多舉動想令同伴起身一樣, 亦5願相信事實, 我之前都曾經有過依種經驗, 就係兔兔(可可)見到同伴 (愛愛)既屍體, 因為5想相信事實, 可可就撲上去摸摸同伴愛愛既屍體, 想用佢既體溫令愛愛冰冷既屍體溫暖

雖然愛愛無任何反應, 但可可并無放棄, 仍然不停替佢lam毛同佢清潔身體......

可可好努力, 但愛愛仍然冰冷訓係佢旁邊, 可可已經意識到愛愛既離開, 佢不停用力推愛愛, 想儘最大既力量將愛愛推醒, 我見到敢樣, 好難過, 想安慰可可, 比佢最鐘意食既野, 佢最初望都5望, 到後來佢咬住, 想塞入愛愛個口入面, 結果5成功, 可可當然好失落敢坐係愛愛既屍體旁邊, 再用腳dum地, 大約2個鐘之後, 佢好傷心走向角落位置, 我知道佢已經同愛愛告別完畢, 我就幫愛愛安排好身後事

比兔兔對同伴認屍既意義, 係比佢地見最後一面, 等佢清楚同伴已經死亡, 并5係主人拋棄佢既同伴, 或同伴拋棄他, 等兔兔可以接受現實, 5會日以繼夜漫長等同伴返黎, 亦5會令兔兔失去對主人既信心

而家小白已經火化, 你可以做既係小白既骨灰返黎既時候, 比朱朱睇到, 你要同佢講小白已經離開, 係彩虹橋生活得好好, 等佢知道小白已經離開, 係有助佢情緒既平伏

all_loving_it 發表於 2012-5-9 10:23 PM
其我相信令到你最難過, 係因為小白既離去太突然, 係你既意識之中你無送佢最後一程, 但你唔好再自責, 因為 ...

其實小白仲未火化..星期6先係
照你咁講..火化既時候係咪要帶佢去接受呢一個既事實呢?
但係佢地唔係好熟..
雖然係同一個秀到玩..
但係都係各自各做..
不過有時小白會輕輕咁lam佢..
朱朱係小白面前,都低下頭
有時小白接近佢,朱朱就閃去第2到..
呢d算唔算友好~_~?