本帖最後由 all_loving_it 於 2012-5-19 10:10 PM 編輯
無論係幼兔定成兔都5可以食麥粒, 因為麥粒係穀類, 兔兔腸胃無法消化, 對兔兔腸胃不好, 嚴重會引致腸停
麥粒入面既碳水化合物同蛋白質會改變盲腸中既酸鹼度, 會令惡菌增生, 擾亂消化系統既生物環境, 產生致死既毒素, 引發腸炎同死亡!
若兔兔一旦腸停, 會無法正常飲食同排便
因而產生脹氣, 做成腹脹, 胃脹, 令兔兔5想食野飲水, 導致脫水同便秘 (即無法排便)
脹氣胃氣既氣體會體內不停打滾, 令兔兔出現肚痛, 胃痛, 腹痛, 嚴重會引發全身基肉痛症
細菌毒素會停留係體內, 而肝臟係負責分解毒素, 增加肝臟既負擔, 對肝臟會做成損害
幼兔既飲食係由牧草, 干糧, 食水組合, 而牧草係主糧
成兔既飲食係由牧草, 蔬菜, 干糧, 食水組合, 而牧草係主糧
兔兔食既干糧應選擇"淨"糧, 而且纖維含量5可以少於22%
任何穀類, 瓜子類, 高蛋白質, 糖份高, 碳水化合物既食物, 會對兔兔既消化系統有不良影響同損害
而寵物店出售各式各樣既寵物零食, 大多含有很高既糖份, 色素同味素, 對兔兔既健康有害無益, 5適合比兔兔食
另磨牙產品, 兔兔既牙仔不停生長, 只要提供足夠既牧草, 係進食既過程, 已經有助兔兔磨牙, 若提供其它磨牙用品比兔兔, 可以選擇草磚, 萍果枝或白樺木等制品即可, 市面上有D干粟米磨牙棒, 有糖份既棒棒, 火山石, 磨牙石, 鹽磚都對兔兔健康5好
對兔兔黎講, 飲食之中最重要係攝取足夠既粗纖維同身體所需營養維生素已經足夠, 亦係最好
身體所需營養維生素係干糧入面已經可以提供!
有時間去多了解有關兔兔正確既資訊, 對兔兔提供正確健康既飲食, 合適既照顧係好重要
|