新手養兔

我諗住養兔仔,但係用品同埋糧食都希望大家比比意見
我想用momi 1st cut同埋momi a草.糧就excel幼兔.各一半比兔兔食?
而籠底就想用備長碳尿片同麥草粒.而wc就麥草粒
咁如果佢個身有臭味.係咪都唔可以用專用沖涼粉幫佢沖,因為我以前d鼠鼠都係咁用.
因為我係新手,睇左兔兔寶典,但都有以上既問題.唔該

貓仔兔 發表於 2012-9-9 04:01 PM
咁好彩?不過墊番係好啲架!不過有時腳底毛毛會遮住腳枕，要check清楚呀!當然我都希望你啲兔兔無事啦!^^ ...

我都冇鋪呀，好彩隻腳仔冇事。
其實我好想鋪毛巾架，但卒卒起晒勢咁咬我驚咬下咬下唔覺意吞落肚塞住條腸就慘啦

Adriannelcy 發表於 2012-8-30 10:04 PM
我冇鋪 。。但一隻都冇生播 。。

咁好彩?不過墊番係好啲架!不過有時腳底毛毛會遮住腳枕，要check清楚呀!當然我都希望你啲兔兔無事啦!^^

貓仔兔 發表於 2012-6-18 01:03 AM
籠底都要墊毛巾/carefresh/地毯等，因兔腳跟平底籠摩擦會令兔生腳枕/瘡，因為兔係要企軟地的! ...

我冇鋪 。。但一隻都冇生播 。。

佢係bb 唔係a草咩
我睇文果陣話要多啲營養既？
咁係咪多t草，3a草 夠唔夠

oyingo 發表於 2012-6-29 11:34 PM
同埋我想買2kg momi a草
另外買36oz momi 1st cut
因為我睇文見到bb都要俾t草

應該係食t草為主，a草早晚一執就得!^^

同埋我想買2kg momi a草
另外買36oz momi 1st cut
因為我睇文見到bb都要俾t草
但分量7 a草 3t草，得唔得

唔該哂你丫，
咁我就買針同按摩梳喇
咁依家咁熱，洗唔洗買雲石？
雲石，鋁定冰種好
如果係雲石會唔會太凍，凍親

oyingo 發表於 2012-6-25 09:06 PM
如果紅眼既兔仔 ，有冇咩特別需要照顧定飲食
會唔會特別惡

兔兔眼既顏色係受身體本身既色素影響, 飲食方面都係一樣, 5需要特別照顧

兔兔同人一樣, 都有5同既性格, 5會因為紅眼就特別惡

oyingo 發表於 2012-6-29 01:01 AM
草粉係寵物店買，定e生好
因為我book body check都應該會好耐
我會加油，兔奴進發 ...

如果係寵物店到, 只有APD草粉可以買到, 有部份寵物店係有OXBOW, 不過, 一定要有醫生紙先買到

獸醫一般都係出售OXBOW既草粉

如果你去寵物店買APD草粉, 你要注意到期日, 因為APD個期都幾短, 一般都係3-4個月

而OXBOW個期就耐好多

oyingo 發表於 2012-6-29 01:04 AM
買左針梳仲洗唔洗按摩梳

針梳係可以將打結既毛髮梳理, 將死毛梳出, 而按摩梳最有用既時候就係兔兔換毛既時候, 因為換毛會甩好多毛, 佢一梳就可以將死毛依附係按摩梳到, 好好用

oyingo 發表於 2012-6-28 11:31 PM
我岩岩睇左喇，唔該
但兔兔唔係要維他命？但佢地好似唔識自己整，維他命丸都唔洗？
水樽係咩名，同埋糧可唔 ...

兔糧方面, 以選擇淨糧, 粗千維含量不少於22%以上, 我無比個cucpi既, 可以考慮APD, OXBOW, N.E., MOMI, 你5係一定要去Q-PET到買

草粉方面, 兔兔平日飲食正常, 健康既時候5需要比佢食, 但最好都係買黎看門口, 因為兔兔5舒服既時候會5願食野, 依個時候就要你人手餵食, 否則兔兔無野落肚, 會腸停腸慢, D便便會積聚腸胃入面, 如果兔兔超過8個鐘5食野, 無便便或大量食糜積累體內, 會產生致死毒素或因急性脂肪肝死亡

oyingo 發表於 2012-6-28 11:31 PM
我岩岩睇左喇，唔該
但兔兔唔係要維他命？但佢地好似唔識自己整，維他命丸都唔洗？
水樽係咩名，同埋糧可唔 ...

兔兔身體所需要既維他命可以係兔糧同日常飲食之中攝取, 正常5需要額外再比維他命佢地食, 除左某部份身體健康有問題, 并且經醫生處方先需要, 你所講身體5識制做維他命, 係天竺鼠同葵鼠, 佢地係身體無法自己制做維他命C, 所以佢地需要額外補給, 而兔兔係5需要, 只要比返兔兔應該食既野, 就係對佢地最好最合適

oyingo 發表於 2012-6-28 07:35 PM
今日去問寵物店，佢話用品同兔仔，加埋大約千八，我想問佢有冇呃我
有咩一定要買？籠，at草，草架，水樽，w ...

5需要比維他命之類, 沖涼粉亦5需要

而兔兔既用品有好多個價位, 要視乎你簡邊d, 可按個人能力購買, 好似水樽由二十幾蚊到過百蚊都有

買左針梳仲洗唔洗按摩梳