轉載 - MK果間Q兔X賣假草

原文轉載自 : http://www.uwants.com/viewthread.php?tid=15050854&extra=page%3D1&page=1

MK果間Q兔X賣假草

星期五夜晚唸住出MK買草比隻兔仔食,咁得番Q兔X未山門, 咁我就入去買啦, 入到去個SALES都唔係好好服務家啦, 咁我都算, 可能係我阻住人收工啦, 咁我隻兔就食開OXBOW既草, 咁佢話無啦, 咁我平時上網見APD既草好似都有唔錯既評價, 咁唸住試下買一包囉, 係咩包裝梗係未見過啦, 買左番屋企, 今日開包草來睇, 就發現個夾無日期, 都覺得奇怪, 又見佢包裝好簡陋, 跟住就上網查一查佢個包裝係咩樣, 點知原來係假草囉!!! 個SALES同我講呢隻係APD草來, 聽日就拎包草番去同佢退錢!! 以後都係去番I LOVE RABBIX 買草安心D

Q兔X成日都比人話佢賣假APD，五個月前我出去買雲石板，見到個高架頂有幾個紙皮箱，大約五磅裝size，有幾個係印住APD，有幾個就印住「Q兔草」（無LABEL的），咁o岩有個女仔買o左一箱「Q兔草」，價錢同OXBOW錯唔多，都唔平o架，不過我唔記得幾多錢！另外我又見有人買散裝的，咁我又想買一磅比兔仔試，草味好香、花草莖都好平均又無枯，但係瞄到個箱係無牌子同店員話係美國草，問佢都講唔到係咩牌子同邊樹農場種，最後都係唔敢試！

兔協搬o左去新地址.............我未識去呀
我好怕等人送貨，我又鍾意自己親自揀草，所以遲d好天先出去搬貨，再遲多幾個月就再出去買兔仔月曆！

all_loving_it 發表於 2012-7-28 12:29 PM
我好難自己出去簡同托返屋企, 一來太忙, 工作同照顧兔兔都要好長時間, 基本上我係除左返工之外, 絕大部份 ...

我好想問下，我隻係獅子兔，7月尾就快19個月大啦！一包5.5磅timothy草（視乎包草d莖軟定硬、香唔香），如果又軟身、又香、又新鮮o既就2~3個星期食完，如果硬身o既就要4~5個星期，咁o既食草糧會唔會太少呢？

尤其係「大換毛」期間，佢d便便成日好似流星鎚咁，兩粒便便中間有條毛毛纖維連串，真係好擔心佢食唔夠草，d毛排唔到出o黎塞d條腸就慘囉！宜家終算平安度過呢個換毛期~~~~~

DomDomPig 發表於 2012-7-28 02:03 PM
我同你一樣呀。
我隻卒卒係獅子兔+侏儒兔，19個月大，佢淨係食 Oxbow 既Timothy草和Oxbow既糧，夠唔夠營 ...

Hello, 卒卒你好呀！你點知你隻係獅子加侏儒o架？我係寵物店買佢時個店員話佢係獅子，不過我覺得佢係「混血兔」，至於混咩我就唔識睇，我估佢混o左家兔，但係家兔對耳仔會長d，所以我都估佢係混o左侏儒，大家都有d類似嘛！

我覺得宜家係香港可以買到o既草o既種類出得比較多o既，暫時只有OXBOW（Timothy, Orchard Grass, Oat Hay, Botanical Hay, Organic Meadow Hay, Alfalfa，以前仲有Brome Hay唔知點解無o左），就算APD都只有TIMOTHY（1st cut 同2nd cut），MOUNTAIN GRASS 同 ALFALFA 。

樓主（唔知點稱呼呢），你係邊度搵到小麥草o既資料o架，我上過小麥草d網頁，因為係比人食用，無講過呢d資料o架，真係又要唔該哂你呀！我以前種過兩次，每次都係剪十零條比仔仔當零食，唔怪得佢超超超鍾意食，當時我仲以係「鮮草」o既關係o忝！後尾我睇到有d資料話小麥草「有清腸胃同輕瀉作用，（人類）腸胃虛弱者不易多飲用......」就唔再比o勒！