兔兔受驚點算好

頭先我返屋企，發現兔兔好似受驚咁係籠入面周圍走，於是我諗住放佢出黎自由行啦，點知佢出到黎亂衝亂撞，更加覺得佢唔正常，所以即刻抱住佢，抱左好耐佢先稍為平復，究竟係咩事呢？從來未試過咁既情況，好擔心啊！

我見過佢開心跳兔仔舞個樣，同今次完全唔同，所以我覺得佢今次係嚇親，好彩依家佢情緒穩定左，又開始肯食番野，依家先放心d咋！

就係隻眼珠有突出，所以我覺得佢受驚，可能本身佢已經好細膽，日日同佢玩完入番個籠都會震成個鐘，所以今次受驚會咁大反應啦！其實兔仔點樣先可以大膽d呢？

佢逢親自由行完返入籠就會震，就算我地無同佢玩，佢自己出黎行下跳下，佢都會震！但係佢都肯比我地抱佢既，不過就唔鍾意我地反轉佢囉！

咁可能佢悶啦！因為我地夜晚先放佢出黎。佢係又有震又有喘氣，所以佢依家出黎自由行，我地都任佢自己跑下跳下，希望佢覺得輕鬆d，盡量唔好有壓力啦！