鼠鼠有幾個毛病

我隻鼠鼠年紀好大 (2年幾)，依家肚仔甩左好多毛，其中一隻手仔被佢自己咬傷，按佢手仔比例嚟講算大，仲有腳仔有舊野。

我好矛盾，唔知帶唔帶佢睇醫生。我唔係因為錢問題，而係覺得年紀咁大，如果醫生要幫佢做手術就太辛苦，所以想問下大家嘅意見。

在此先謝謝大家。

食物我日日都有換，因感覺擺得耐不太衛生，冇諗起會變壞tim，謝謝你提醒。

睇醫生當天，醫生問過鼠鼠食野、飲水同便便情況，又俾食物鼠鼠食，醫生話鼠鼠好enjoy食野，便便都ok，呢d係好事嚟，只要平日多d留意鼠鼠食野、飲水、訓覺同便便方面就可以。

哦哦   如果你將食物浸過水  而鼠鼠食夠唔食你要倒左d糧喎 d糧浸左水擺得耐會變壞架
有時間就多d陪鼠鼠啦   鼠鼠食得訓得走得唔洗太擔心ge  照顧得好有腫瘤都仲可以生存好耐架

腫瘤方面，醫生話冇野可以做到，叫我可以留意下有冇擴散跡象，避免進食太多蛋白質嘅食物，情況惡劣時而我唔想鼠鼠太辛苦，可以搵佢幫鼠鼠打支針，讓他早登彩虹橋。(醫生話有些鼠鼠生命力特別強，腫瘤擴散到身體很多地方仍生存，其實鼠鼠係非常辛苦，我諗佢意思係話咁樣可能對鼠鼠係好事)

食物方面，肉類同太硬食物都唔好俾，食物整碎d，可以先將食物浸下水(醫生較鼓勵此方法)或整碎食物後再加水，等食物'林'd先比鼠鼠食，俾少少菜葉(每次幾塊1cm x1cm，但不可太頻密)同水果(間中俾鼠鼠食一粒，最多約1cm x1cm，不可餵提子)，多留意鼠鼠食野、飲水情況，食物要換密d。

鼠鼠呢個時候需要多d時間陪佢同照顧佢，但要留意玩嘅時間唔可以太長，因為可能我見佢玩得好開心，但鼠鼠會累而我察覺唔到。

睇完醫生後，鼠鼠傷口現已結焦，墊料都有日日換，注意鼠籠清潔。

醫生建議點樣照顧老年/生腫瘤鼠鼠呀?教吓我地丫

好好照顧鼠鼠  手仔傷口會好返ge  腫瘤方面由得佢囉  暫時又冇影響鼠鼠行動同日常生活
只要鼠鼠有食野飲水又有活動就ok  有好多鼠鼠有腫瘤都仲可以生存好耐架 你隻鼠鼠粒腫瘤好細啫唔洗太擔心
多d陪鼠鼠  俾d健康有營養ge野佢食  唔好餵鼠鼠食花生,瓜子,高蛋白質ge食物
鼠鼠有傷口又甩毛  你要注意鼠籠清潔 日日換墊料  最好用廚房紙做墊料(冇粉塵又唔會敏感,不過冇咁吸尿)

我昨天帶左鼠鼠睇醫生，證實o左腳仔粒野係腫瘤，而肚仔甩毛都同生腫瘤有關，亦有機會鼠鼠因病唔舒服自己抓甩。手仔傷口方面，醫生係佢身上滴左d有消炎殺菌作用嘅藥，另外俾左d消毒藥水同藥膏，等我可以係屋企同鼠鼠護理。

醫生話鼠鼠年齡約等於人70歲左右，所以唔建議同鼠鼠做手術，因對鼠鼠嚟講太辛苦，而且唔代表會斷尾。醫生都有同鼠鼠檢查埋其他地方，又俾左d照顧鼠鼠嘅建議。最後佢話如果我覺得鼠鼠情況嚴重，唔想佢辛苦撐落去，可以揾佢幫鼠鼠打支針。

大約好似普通芝麻咁大la, but對鼠鼠黎講, 唔係細...

緊係去睇醫生  而且鼠鼠甩毛+咬傷手仔+腳仔有舊野   身體3個地方有事..
你再拖時間會令鼠鼠情況更壞  你買消炎殺菌藥都只係幫到手仔傷口啫  咁甩毛同腳仔呢  
鼠鼠會咬手仔傷口代表佢手仔唔係一般傷口咁簡單  而且鼠鼠一定好痛
你都未睇醫生..咁快就話驚鼠鼠要做手術?可能食幾日藥就好返呢
如果真係不幸要做手術....手術危險醫生都唔會建議鼠鼠做
就算情況嚴重唔可以做手術...都起碼醫生會俾消炎藥,止痛藥,抗生素鼠鼠食  令鼠鼠唔會惡化冇咁辛苦丫
始終醫生ge意見先係專業  網友又冇睇過你隻鼠都係估估吓咋  俾ge意見有限

帶鼠鼠睇醫生啦    唔好亂估  你隻鼠唔係一個小小傷口咁簡單  睇左醫生起碼知鼠鼠咩事丫

to : ar婷

請問你隻鼠鼠個時腳仔粒野有幾大?

對不起，我睇錯名，應該係小草妹(提醒我鼠鼠可能會咬斷手仔)和ting(介紹藥粉)。

我會試下買藥同佢搽，如果情況冇好轉的話，都係帶佢睇醫生(我驚有日佢會咬斷自己隻手，多謝ting提醒)。

我會去q - pxt買小動物傷口護理藥粉(謝謝ar婷)。

多謝大家分享同給予的意見。

4# 過路車人


我隻鼠之前隻腳都係咁, 有粒紅卜卜有血管ge野係度, 由於macau冇得睇e生......
所以唔知點好...跟住過左一排之後, 戈粒野就慢慢變黑, 唔見左, 唔知係自己lug左,
定係我隻鼠自己咬左........:056:

Johnson's 小動物傷口護理藥粉 / 殺菌茶樹皮膚軟膏
係 q  - pxt 同 station x 都有ge
但係station x 好多時都冇
q - pxt　有多 d ga ~~