鼠鼠有幾個毛病

我隻鼠鼠年紀好大 (2年幾)，依家肚仔甩左好多毛，其中一隻手仔被佢自己咬傷，按佢手仔比例嚟講算大，仲有腳仔有舊野。

我好矛盾，唔知帶唔帶佢睇醫生。我唔係因為錢問題，而係覺得年紀咁大，如果醫生要幫佢做手術就太辛苦，所以想問下大家嘅意見。

在此先謝謝大家。

如果只係小病, 可以去睇
如果生左腫瘤, 即使帶去睇醫生, 做手術, 佢身體都未必受得住,
做左都未必完全好得返, 好d既醫生都未必會同佢做
我寧願俾佢安安樂樂過埋剩下來的日子

手仔可以用 d藥粉茶既 ..
腳仔有舊野吾知係吾係瘡 ..
瘡如果有膿就慘喇..
醫生幫佢做手術就真係好辛苦
要茶野 , 又要包紮..
平靜咁走 , 其實仲好...

腳仔舊野望落唔似瘡，裡面亦冇膿，係肉色一舊同埋有d紅根(我估係血管)，所以都擔心係瘤，睇醫生驚要做手術，對佢嚟講太辛苦。

想問下搽手仔d藥粉可以係邊買到?唔想佢再咬自己手仔。

我諗我會選擇讓佢平靜咁走，陪佢玩多d，等佢開心渡過餘下的日子。

正常鼠鼠唔會自殘  除非鼠鼠覺得果個身體部分唔屬於佢  簡單黎講  佢隻手有問題 小心有日成隻手咬斷(唔係嚇你) 細菌感染就大大獲 即死  
如果皮膚病  痕到會咬  不過宜家個case皮膚病ge 機會唔大

Johnson's 小動物傷口護理藥粉 / 殺菌茶樹皮膚軟膏
係 q  - pxt 同 station x 都有ge
但係station x 好多時都冇
q - pxt　有多 d ga ~~

4# 過路車人


我隻鼠之前隻腳都係咁, 有粒紅卜卜有血管ge野係度, 由於macau冇得睇e生......
所以唔知點好...跟住過左一排之後, 戈粒野就慢慢變黑, 唔見左, 唔知係自己lug左,
定係我隻鼠自己咬左........:056:

我會試下買藥同佢搽，如果情況冇好轉的話，都係帶佢睇醫生(我驚有日佢會咬斷自己隻手，多謝ting提醒)。

我會去q - pxt買小動物傷口護理藥粉(謝謝ar婷)。

多謝大家分享同給予的意見。

對不起，我睇錯名，應該係小草妹(提醒我鼠鼠可能會咬斷手仔)和ting(介紹藥粉)。

to : ar婷

請問你隻鼠鼠個時腳仔粒野有幾大?

緊係去睇醫生  而且鼠鼠甩毛+咬傷手仔+腳仔有舊野   身體3個地方有事..
你再拖時間會令鼠鼠情況更壞  你買消炎殺菌藥都只係幫到手仔傷口啫  咁甩毛同腳仔呢  
鼠鼠會咬手仔傷口代表佢手仔唔係一般傷口咁簡單  而且鼠鼠一定好痛
你都未睇醫生..咁快就話驚鼠鼠要做手術?可能食幾日藥就好返呢
如果真係不幸要做手術....手術危險醫生都唔會建議鼠鼠做
就算情況嚴重唔可以做手術...都起碼醫生會俾消炎藥,止痛藥,抗生素鼠鼠食  令鼠鼠唔會惡化冇咁辛苦丫
始終醫生ge意見先係專業  網友又冇睇過你隻鼠都係估估吓咋  俾ge意見有限

帶鼠鼠睇醫生啦    唔好亂估  你隻鼠唔係一個小小傷口咁簡單  睇左醫生起碼知鼠鼠咩事丫

大約好似普通芝麻咁大la, but對鼠鼠黎講, 唔係細...

我昨天帶左鼠鼠睇醫生，證實o左腳仔粒野係腫瘤，而肚仔甩毛都同生腫瘤有關，亦有機會鼠鼠因病唔舒服自己抓甩。手仔傷口方面，醫生係佢身上滴左d有消炎殺菌作用嘅藥，另外俾左d消毒藥水同藥膏，等我可以係屋企同鼠鼠護理。

醫生話鼠鼠年齡約等於人70歲左右，所以唔建議同鼠鼠做手術，因對鼠鼠嚟講太辛苦，而且唔代表會斷尾。醫生都有同鼠鼠檢查埋其他地方，又俾左d照顧鼠鼠嘅建議。最後佢話如果我覺得鼠鼠情況嚴重，唔想佢辛苦撐落去，可以揾佢幫鼠鼠打支針。

好好照顧鼠鼠  手仔傷口會好返ge  腫瘤方面由得佢囉  暫時又冇影響鼠鼠行動同日常生活
只要鼠鼠有食野飲水又有活動就ok  有好多鼠鼠有腫瘤都仲可以生存好耐架 你隻鼠鼠粒腫瘤好細啫唔洗太擔心
多d陪鼠鼠  俾d健康有營養ge野佢食  唔好餵鼠鼠食花生,瓜子,高蛋白質ge食物
鼠鼠有傷口又甩毛  你要注意鼠籠清潔 日日換墊料  最好用廚房紙做墊料(冇粉塵又唔會敏感,不過冇咁吸尿)

醫生建議點樣照顧老年/生腫瘤鼠鼠呀?教吓我地丫