兔兔生膿瘡,可以點處理?

我隻兔兔隻腳生左膿瘡同腳枕, 我已經帶左佢去大圍睇完醫生。醫生幫佢擠左膿同開左d藥同藥膏俾佢食同搽,醫生話膿瘡擠完都有可能仲有d o係入面
我想問咁我應唔應該幫佢再擠呢?
同埋最好點樣處理先會令佢好得快d??
thanks!!!

我有o係個籠底同埋地下都有鋪到vetbed同地毯,
不過我上網見到有網友話要擠膿,咁我就梗係要問清楚先啦...
而家醫生開左枝叫做slive sulfadiazene cream o既藥膏俾佢搽..唔該晒你地解答左我o既難題!!

我無幫佢擠呀,不過上網搵資料見到有人咁做,就上o黎問清楚先!!
兔兔而家用左2日藥,d瘡好似好返左少少啦

其實我隻兔兔係前幾日有人棄養左o係我屋企前面草地...
因為我住村屋,怕d狗會咬佢就執佢返o黎先..(我之前有幫人養過兔兔一排)
返到o黎就見到佢腳底有好多甩毛位置,星期日就帶佢去大圍睇Dr. James,
佢話兔兔係有腳瘡啦
Dr. James話佢可能之前好少出o黎活動就有腳瘡..同埋佢個pat pat可能長期俾尿"業"住,而家仲發炎tim......

唉,其實佢好乖架,so far o黎左差唔多一個星期都無周圍咬野,係間唔中出o黎活動時會亂痾屎...
不過而家佢可能d腳瘡真係令到佢好痛,都唔係幾肯出o黎行下....
我想問佢生腳瘡係唔係要多d放佢出o黎行下呢???thanks!!

我已經買左ABC膠,希望佢會好D啦...觀察多幾日就會再去大圍覆診..唔該晒你地呀

今日我放左佢o係d ABC膠上面,可能陣味好臭,佢行左一陣就攤返o係vet bed到唔郁....

醫生估佢係大約3~4歲兔女,不過佢仲未絕育,
我打算等佢好返d之後先帶佢去做絕育手術。
佢隻右後腳都有2粒腳瘡1粒膿瘡(醫生幫佢擠左膿),唔知係唔係好痛,而家佢唔用o個隻腳行路。
醫生話過佢d膿有可能未清晒,如果入骨就好麻煩。而家佢唔用o個隻腳行,搞到我超擔心。

sanny0066 發表於 2011-11-1 11:23 PM
其實vetbed係咪即係一層毛+下面有d窿梳氣

係呀,有一層都幾厚o既毛,然後兔兔all尿o係上面,d尿被引o係底咁..
不過要日日換同埋佢都幾難乾...

唉,所以我好擔心..今日打左電話去大圍獸醫o個到,d姑娘就叫我餵佢食埋e幾日藥先..睇下會唔會好d,
之後覆診醫生再幫佢檢查。不過佢食完藥明顯精神好左,d腳瘡同發炎位置都無咁紅..
我覺得日日換都ok(可能慣左服侍我隻肥貓)..不過我買o個張vetbed就幾貴lor,要成$390

sanny0066 發表於 2011-11-2 12:24 AM
我見到旺角小動物園...有3種size..最貴都係$300 店員話可以剪爛佢分開幾塊用都OK所以如果我買我 ...

我都係大size, 不過我o係vet到買就一定係貴d,不過為左兔兔就貴少少都要買,因為醫生話真係好好。
有d兔友話兔兔會咬vet bed,所以要考慮埋你2個囡會唔會咬。我o個隻就唔咬,不過會lam...

你試下用毛巾or軟墊睇下佢地咬唔咬先...
我執佢返o黎之後,都係用毛巾鋪底先,見佢無咬先狠下心買vetbed俾佢。
(不過醫生話有腳瘡,vet bed係最佳選擇)

可以試下wor..不過動物d心理好難觸摸..
d姑娘教我如果咬就o係vetbed上鋪毛巾隔住...不過隔尿就會差少少
唉..尋日我隻衰貓可能呷醋,o係兔兔新o個張vetbed all尿!!!
今日要出去旺角再買過張

我洗左,不過因為e 2日無乜太陽,洗完o個d 都未乾晒...保險d買多張細o既看下門口