本帖最後由 Hitan 於 2012-1-13 06:48 PM 編輯
兔兔上星期日突然之間全日冇食過野而且一粒屎都冇... 即日即刻餵咗草粉同益生菌... 第二日佢已經肯食番野同多番啲屎... 但都帶咗佢去睇 Dr Ma... Dr Ma 檢查完(其實只係用手摸加用聽筒聽)話兔兔腸胃好健康,冇缺水蹟像,亦唔似有胃氣,腸臑動亦似正常... 問佢有冇需要做 detail 啲既檢查... 佢話臨床上兔兔唔似有事... 所以唔會抽血亦唔需要照 x-ray... 番到屋企,兔兔的而且確有食野... 見新鮮菜亦會搶食... 見草粉亦會主動走過來... 見糧仲會發癲爬上你身上(雖然每次只有幾粒)... 而且要玩時佢都仍然跳來跳去... 但除此之外,自己仍然覺得佢有啲唔妥... 一來食量同屎份量比正常小左一半有多... 二來屎既 size 有大有細... 三來佢比平時休息多咗(有點是過多的感覺)... 四來有時見到佢伸晒腳出來攤底會震震下... 好似心跳加速或嚇親既樣咁... 加上,已經維持左就黎一星期嘞... 究竟佢會唔會有啲冇咁易睇得出既暗病? 定還是自己太多心? 救命
|