昨天金魚街一遊

尋日返工之前，幫 miffy 打掃屋企，入草既時候發現a草就食哂，
本來諗住睇下食唔食到星期六去荃灣買既，
點知都係唔得，所以夜晚放工就拿拿琳去旺角到買草草la …:067:

去到旺角，唔敢行過去寵物落元個邊，
選擇行寵物便利個邊，經過既時候見到d兔兔好可愛 ><
忍唔住停低左落黎，望下d兔兔，
見到兔兔個鼻仔都幾乾淨，
我仲見到有隻 bunny baby 我望住佢，佢望住我咁樣，
真係好有衝動想帶佢返屋企，
但係一諗到，我怕又好似 miffy 一樣，
返到屋企又大病一場，我就怕怕 ...
之後就急急腳咁去左q兔，想睇下有無 oxbow 買，
點知佢個到無得賣，
反而俾我見到佢個到有草球賣10蚊個，
仲有個膠草架特價20蚊，
我就諗都無諗就買左俾 miffy  :060:

買完之後去左紅蘿蔔個超級寵物廣場個到買草草la，
點知我上到一樓，問佢有無 oxbow 既草草，
佢話有，但係要去獸醫個邊先有，
佢地紅蘿蔔個到無…
跟住我又走過去獸醫個邊問，
點知 ... 我買個草，就好似要考試咁 ... :011:

我 : 唔該，我想問下有無oxbow既alfafa草 ?
佢 : 你隻兔兔幾大，點解食 alfafa?
我 : 5個月大bb兔。
佢 : 咁點解食 alfafa ?
我 : 因為高旦白質。
佢 : alfafa 食得太多會令兔兔肚柯，兔兔要食 Orchard Grass 。
我 : 但係我隻兔兔係食開呢隻alfafa草 ga wor。
佢 : 係要食 orchard grass ga。
我 : 我個隻係 bb 兔wor (非常強調係" bb 兔")
佢 : 我屋企都有2隻兔兔，佢地都係食 orchard grass ga。
我 : 獸醫都叫我俾多d alfafa佢食ga。
佢 : 哦。咁我拎 alfafa 俾你。

買個草其實好簡單，都唔知做咩野要用左我成十分鐘 = =|||:028:
好明顯呢間診所，只係識醫狗…唔識醫兔仔…

但係好奇怪，成條金魚街，除左q兔之外，
其他都只係得k牌草同日本草。
只係得個間診所先有 oxbow 同q兔有apd…
唔知係唔係 oxbow 個到知道金魚街d pet shop信譽唔好所以唔俾貨佢地賣呢 *0*

早前兔糧同草都斷晒貨,會唔會佢地仲未入貨呀???

哈~~ 果度既獸醫都幾搞笑~
講左咁耐  一聽到你話獸醫都話俾A草就俾草你~~
:037:
我地應該集體罷買旺角果幾間寵物店既野~~ 成日賣病兔 可惡~~

我之前都試過屋企既草差唔多俾兩隻女食晒
而係R記訂既草又無咁快送貨喎~
最後唯有係Q-PXT 買左包Kaytee 牌T草
D草好黃下... 不過都無辦法 食住先~~

你就好啦~ 買到咁平既草架~
我諗我都要買返個   
兩隻衰女食草球好浪費...

因為我係尖沙咀返工，要跑去荃灣買都真係好遠。

寵物便便同龍蝦樂園佢都已經好耐無OXBOW賣，
我二月頭新年個時去買兔兔，已經無 OXBOW 既草，
直到而家我都無見過個二間有得賣。
紅蘿蔔就只係見到 PRESTAGE 同 K牌。
紅蘿蔔入面間診所就有。

尋日買個包15OZ ALFAFA，40蚊，如果去R記買就38蚊，
好似貴2蚊，但係車費都係哂到…

Q兔個膠草架你可以去睇下丫，
20蚊個，因為我隻 MIFFY 佢食量都幾大，
好多時候返工前入滿草球，放工返到去就清哂，
所以一直都想買多個 / DIY 個草架俾佢，
點知俾我見到20蚊個，諗都唔諗就買左，
因為就算去日本城買材料DIY，都應該唔止20蚊囉。

搵日順路既話去睇睇先~~
可能真係如你所講
寵物便便同龍蝦樂園(改得好) 出左名
代理商唔再俾佢地賣~~ GOOD~~
我都DIY個幾個草架  可惜..兩隻女都仲係好浪費草
所以先至考慮買返個草架算 = =

其實去開旺角，點解唔去兔協呢？佢哋係Oxbow的指定分銷商，又可以幫到棄兔！

龍蝦樂園？？？邊度黎ga???

即係龍貓樂園
係旺角架~~

我除左隻兔兔同兔糧(係pet-cafe買,送貨啊)..我全部野都係q兔買嫁..
d兔籠都比其他金魚街既店平,,草草同其他零食果d,,,
起碼比其他店有番d信譽~~

草球咪有兩種o既? 一種吊住，一個fix死但可以轉
有無人留意過兔兔一般鐘意玩邊種?
係Q兔見到，兩個價錢差好遠呀~~

唔記得講，無oxbow不如試下momi啦
兔協都有得賣
價錢同oxbow差唔多，但草質素都好ok
唯一係momi比較多莖,
如果兔兔專食葉唔肯食莖o既可能晒多左草

我有兩個草ball~~
同一款  可以吊, 可以掛, 可以就咁放係地~~~
我就咁放係地下俾佢地食~~

其實我唔知我個仔鐘意食草定食葉，
因為我日日返去佢就清得乾乾淨淨，
有時候連跌左係地下既都食返哂。

草球有二種，
一種係十幾蚊既，只可以吊係到 (唔知可唔可以唔要線鐵鍊改放係地下)。
另一種就係MAR既草球，呢個我買既時候好似係45蚊，
可以吊、放地下、同固定係籠邊，
唔知係唔係我個籠既問題，我固定唔到係籠邊，
成日都甩返出黎，我同兔爸研究左半日都搞唔掂。

我放工個時都已經7點，兔爸唔準我去兔協個到，
話個邊都有D黃色架步，同埋太黑………
加上兔爸8點先放工 ><
陪唔到我去……

有無人買過q兔個度d草阿...
2磅都係50蚊...我屋企0那隻小魔星剩係食d毛
(姐係t草成日都有一支支毛...)
有次去到見度可以買t草葉...
但係間shop太細,人太多了...都懶得去睇...
比完錢就走了...
我都想試下買佢d葉..
但唔係成日見到佢有...

未買過啊~~~ 都唔知果d 係咩草~~~
草莖對牙仔有益  唔好靜係買葉 @@