兔糧一問 !!

您地用開咩糧?
我想問日本糧同外國糧係有咩分別架?
我宜家就用緊日本糧..我係唔係應該換另一隻!
好似好多人都話日本糧唔係咁好!
咁如果換其他糧既話..有咩好介紹?
thx ya..!!

好多兔友都話日本糧唔好呀!
我兔兔就食 oxbow 糧:057:

好似話日本糧有好多化學物質..
又落左防腐劑..好唔天然..
而且食日本糧好易致肥..
對兔兔身體唔健康之餘仲會有害..
所以我包日本糧食左少少就已經拿拿聲轉apd..

原帖由 cloudcloudgrace 於 2008-6-14 04:54 PM 發表
好多兔友都話日本糧唔好呀!
我兔兔就食 oxbow 糧:057:

我好想知有咩咁唔好<---我係問題少年
我諗呢度都應該幾多人用OXBOW
THX

[ 本帖最後由 百厭星_BB 於 2008-6-14 05:02 PM 編輯 ]

原帖由 vice0926 於 2008-6-14 04:57 PM 發表
好似話日本糧有好多化學物質..
又落左防腐劑..好唔天然..
而且食日本糧好易致肥..
對兔兔身體唔健康之餘仲會有害..
所以我包日本糧食左少少就已經拿拿聲轉apd..

= =嘩...咁多問題架日本糧
就算我換..我都會等佢食哂先換..唔想嘥野
2KG都要成九十幾蚊...屋企又唔係環境好,,都係食完先再算
THX

其實我都係四處問人和去兔協請教, 收集大家的意見後才轉食 oxbow 呀

知道嗎~
兔兔的小腸胃好敏感..幫兔兔轉糧要慢慢轉ga bor..
初頭果一個星期到要慢慢將新糧幾粒幾粒咁樣加入d舊糧度一齊食..
慢慢愈加愈多..食到佢地慣左就可以完全轉晒新糧啦..
如果一急兔兔好可能會肚痾仔ga~
好似我兩隻兔b咁~之前都試過因為轉糧而腸胃不適..
所以你宜家買定一包新糧就差不多ga la~~
((我轉糧用了差不多一個月時間))

大家的意見都係推介 : oxbow or apd

好多兔友都係用緊oxbow..
但我草同埋糧都係用緊apd..
因為apd d質素會穩定d..唔會時好時壞..
不過就貴過oxbow dd..
你選擇啦~~

vice講得對, 轉糧係需要時間呀... 唔可以話轉就轉:059:

原帖由 vice0926 於 2008-6-14 05:06 PM 發表
知道嗎~
兔兔的小腸胃好敏感..幫兔兔轉糧要慢慢轉ga bor..
初頭果一個星期到要慢慢將新糧幾粒幾粒咁樣加入d舊糧度一齊食..
慢慢愈加愈多..食到佢地慣左就可以完全轉晒新糧啦..
如果一急兔兔好可能會肚痾仔ga~
好 ...

我包日本糧係琴日買..2KG重
咁我平時就係早晚各一次..每次鍡兩平羹
一羹舊一羹新OK?
同埋OXBOW有冇分邊隻打邊隻架?
THX

你兔兔係唔係 BB 兔?
有分BB兔和成兔糧呀

原帖由 cloudcloudgrace 於 2008-6-14 05:19 PM 發表
你兔兔係唔係 BB 兔?
有分BB兔和成兔糧呀

BB宜家歲幾架喇!  ^^
THX   我都知有分的
你又養左幾多隻?幾大?

我諗你每次俾~ 1/3 or 1/4 新糧兔兔試下先, 仲要睇下兔兔有冇肚痾喎, 有的話就要再俾少 d 新糧

我養了兩隻兔兔, 一隻賓尼, 一隻侏儒, 牠們4個幾月大了