波子星期四早上兔爸同佢去做絕育手術, 昨天收工回家後, 根據兔爸說, 佢近乎無食過野&無乜點郁. 聽到後, 立即去兔協買兔粉比佢, 個時係八點三十分後, 到兔協時佢地仲有五分鐘便關門, 好彩趕得到. 佢地好好人, 埋左數都比我買野, 但係在對話中我唔覺佢地好專業(我直覺佢地應好pro.), 唔知佢地係咪義工呢!? 回家後, 馬上餵佢食, 照顧佢到三點左右先瞓.
今日反工時完全無心機做野, 怕佢無人睇住唔食野, 擔心到眼紅紅. 十二點幾時決定同阿姐說下午有事要先走. 回家前買了些新鮮菜同水果比波子食, 好在佢今日胃口好左, 但好像大小姐咁, 要放到佢口邊先肯食. 到現在都係要把水放到佢口中先飲不過肯自己食乾草. 忙左呢兩日, 見波子現在肯食野, 生猛左, 有大小二便才放心. 晚餐也是剛才夜晚十二點幾先食, 依家才得閒上來.
先前都睇左好多絕育的info. 但估唔到波子要做時都咁手忙腳亂....以前從無想過自己會為左隻兔咁worry&逃工, 養佢咁耐, 今次感覺自己係"兔媽"最深刻的一次.
p.s. wesky, 多謝你係我最不安時回覆了一些問題, 令我安心左, thanks!
[ 本帖最後由 nievedith 於 2008-6-21 02:22 AM 編輯 ] |
|