嚇餐死...

頭先坐通宵小巴O係兔媽(chrisyan)屋企走...點知O係小巴訓著覺...本身由MK→大埔，我醒返O個陣發現架小巴已經係大埔→MK...所以快快手手落車...之後O係大埔O既山上面一個人向大埔方向行...當時未夠5點...天未光...四圍得昏暗O既街燈...只有風聲水聲同少少狗吠聲...又凍又餓又眼訓...又唔知條路到底有幾長...當時真係好驚...感覺好無助...好怕自己可能會出事...行O左好耐...最後咁O岩有架小巴經過我上到車...落車司機冇收我錢...

唔知大家有冇D 類似O既經歷係得返自己一個，感覺無助又孤獨，唔知自己會唔會出事咁呢？如果有, 大家又諗起邊個呢？
我自己就全程諗住兔媽...

好好珍惜你會想起o既人...唔好浪費平日可以同佢相處o既一分一秒...因為假如有一日真係發生o左d 咩事...你可能冇機會再見到佢...頭先o係山上面我就有呢一種感覺...

[ 本帖最後由 nhm 於 2008-7-14 06:35 AM 編輯 ]

......

你都幾唔怕死 ~"~
敢自己咁樣行 ... 一定係未訓醒 XD

如果係我，我一定會好掛住兔爸，即刻喊住打俾佢 >3<

可能會諗起屋企人..不過多數情況都會諗起自己愛ge人..
但係如果比著我..果一刻應該係驚見到鬼多d!= =

下次唔好咁夜先返屋企咯XD返正都咁晏-v-不如第二朝先走..
我未試過搭車訓過龍...淨係試過搭車打機玩過龍..ha

不過如果我係你...o個一刻應該會打俾呀媽同男朋友..
但係呢d野一定唔會發生o係我身上- -我媽都唔俾我出夜街既..

我同vivi一樣0 0都係驚見到d唔應該見到既野XD
同埋有d色魔/唔知咩人走出黎多d- -

俾係我.
一定好驚//////////////////////////////:050:

估唔到小小o既一件事,,,,,你都可以聯想到咁多野
足以証明你係一個好感性o既人黎啦
如果俾著係我....我會怕俾狗咬多d..其次就係見到鬼
不過我都幾中意行路返屋企...路程月長我月like....
cuz行緊o既其間得我一個...可以諗好多野...........正