兔bb問題

大家有無經驗，兔bb大個左(1歲之後)同埋做左絕育會乖d同定d?

我想領養一隻兔b，但佢非常地活躍同埋幾百厭，鐘意發皮四dum籠同周圍咬(包括我 =.=)

我未正式養過兔，好擔心搞佢唔掂 >.<

有d人棄兔係因為養之前以為自己handle得到，但事實唔係o既時候就選擇唔要兔兔

我自己又鐘意d溫馴類型，擔心同兔兔夾唔黎

我只係想聽d意見諗清楚先決定，唔想第日湊唔掂兔兔先唔知點算

Thanks

其實兔兔6個月以上就已經可以去做絕育~
每隻兔兔性格唔同, 絕左育唔代表一定會乖d聽話d!
不過暫見大部份會員對兔兔周圍尿尿既問題都有改善..

兔兔既性格唔一定係乖/曳~佢地都係隨自己當時感覺做出佢地想做既野..
唔可以話隻兔一定係好乖~ 就好似好乖既小朋友都有佢曳既一面!

養兔之前有幾樣野都要諗清楚:
1. 你做好準備迎接兔兔嗎?(學習點樣養兔兔..同埋準備基本養兔兔既物品)
2. 你有冇充足既時間去陪佢地玩?每日至少2-3小時~
3. 你要保持清潔~每日幫佢地執屎屎..
4. 佢有病你要帶兔兔去睇醫生~你有足夠既金錢去應付嗎?(睇一次可能要數百至數千元)
5. 可唔可以承諾到一生一世養兔兔?

其實呢d都係普通既問題..
好多人有時唔係淨係以為自己handle到先去養~
除左handle唔到佢地仲有好多藉口/原因!

你唔好諗住領養/買o個陣隻兔兔好乖好可愛~佢第時一定好乖~
呢度好多會員既兔兔都好百厭~不過就算佢地幾百厭,依然係主人心目中既寶貝!

放兔兔出黎玩既時候佢好奇就會咩都搞咩都咬~
佢咬爛哂你d野唔係佢既責任!
因為呢個係佢天生既本性..
做主人有責任o係佢出黎玩之前做哂預防既野..圍住d你覺得重要既野..
千其唔好因為兔兔整爛左你d野就打佢鬧佢什至唔要佢..

如果有咩問題可以上黎mini-house發問!
好多會員都會答你嫁^0^

我諗乖唔乖, 真係好睇細個果陣點教
我隻小丸 細個教得小, 依家見到我就走 = =
除左有野食果陣~
所以當佢仲係b既時候, 陪佢多d, 唔好嚇佢, 令佢鍾意你就得架啦~~
唔會太難教既~~最緊要你有恆心~
教去廁所已經令好多兔媽兔爸頭痛了~

乖唔乖呢樣野，每個人定義都唔同，
MIFFY仔係我心目中都係幾百厭，但係佢又會受我控制，我叫NO佢就停，
所以我都覺得乖。:070:

兔兔周圍咬係天性，無得避免，唯有將D野有咁高放咁高，
呢到唔少兔友都俾兔兔咬爛超多野 (上個星期我先有個電話差電器俾MIFFY消滅左)。
佢咬你，你要用聲音話佢知好痛，例如大叫一聲。:004:

兔兔唔算難教，只係幾有性格，就算識聽自己個名都好，
你叫佢佢都最多郁下隻耳仔或者望下你。
俾多D時間陪佢、訓練佢，佢做錯事就要立即出指令STOP佢。:034:

唔需要擔心夾唔黎，打個比喻，兔兔係你既親生仔女，
仔女你無得揀佢乖唔乖、性格好唔好，只有你去教佢、指導佢，令佢改變，
佢以後既性格，完全由你一手訓練同教導。:010:

養兔兔最大既難關，就係同 WESKY 講既一樣，去廁所 =......=
有D兔兔返屋企幾日就識，
有D識去廁所既但就鐘意玩野，到處去，
有D教極都唔識。
克服到呢個問題，其他所有事都會覺得好易。:032:

絕育唔一定可以令一隻曳兔變乖，絕育呢個行動，只係令佢減少患病既機會。
有無乖到，最重要係視乎你的教導。

有陣時呢，你認為兔兔某D行為係曳曳、唔乖，
但係佢其實係想同你表達緊某D說話/行動，
當你搵得出佢既意思，佢就會停止呢個行為，真係幾有趣GA。 :053:

唔該各位，我會認真考慮清楚