兔協新的Vanilla同Jolly同雪兒一樣全身白色

望住無雪兒ge兔箱,好唔知點...好想喊....
雖然好唔公平...
但係我真係好想養返隻白色兔兔去填補返失去左ge白色...
我依家唔係太敢好似以前咁一直望住前面d兔兔...
一望就心酸...
新的Vanilla同Jolly同雪兒都有d似...
尤其是Vanilla...同雪兒一樣有藍色眼珠...
我想領養多隻...
大家覺得點?
我聽日會出去兔協望望...
希望唔會望到佢地時忍唔住喊喇...
唔想影響兔協...

雪兒, 媽媽掛住您訓唔著, 彩虹橋上面係咪都係夜晚呀?

[ 本帖最後由 chrisyan 於 2008-9-20 05:22 AM 編輯 ]

我覺得等自己心情可以平伏d先啦~~ 你嘅情緒好影響身邊嘅人同兔兔ga~~ 我好讚成將對兔兔嘅愛延續俾其他兔兔, 但你要清楚唔好搵佢地做代替品ah~~ 鍾意差唔多樣嘅兔兔好正常, 因為覺得特別順眼, 我隻大佬同胖胖都似ga, 我都好鍾意佢~~ 如果你想領養多隻, 你要同自己講唔可以比較, 咁樣對雪兒, Vanilla同Jolly都唔公平, 你要加油呀~~

我覺得你唔應該太快再去養多隻，
唔好因為無左而搵填補。
亦都先唔好去兔協啦，你心情都未完全平伏返，
唔好因為一時衝動而去領養一隻兔去代替，
真係對隻兔唔公平 ....
愛兔兔，唔係咁樣做 ...

你既愛係對雪兒，而唔係其他純白色、藍眼珠既賓尼兔，
如果你可以搵到兔去填補呢個空缺，
咁証明你跟本唔係咁愛雪兒。
雪兒係獨一無二的，無兔可以代替。
你仲有2隻兔兔，將你對雪兒既愛俾胖胖佢地，
你要努力去照顧佢地二隻 ga ^0^

兔兔離開，我都試過，起初幾日都有諗過搵一隻啡色既 bunny 代替妹妹，
但係諗清楚之後，我鐘意既係妹妹，就算搵返幾似樣，都唔係個隻百厭豬，
所以最後我而家得返一隻 miffy 仔，會等到我再一見鐘情既兔兔就會打算再養第二隻。

我仲係好掛住隻 benz ga，係好多地方都見到差唔多色、同班紋，
但係 ... 都唔係個隻 benz .... >w<

---
以上純粹個人感覺 >w<

[ 本帖最後由 lingyan 於 2008-9-20 11:10 AM 編輯 ]

我覺得你應該等心情慢慢平伏番先再領養呀~
如果你而家去領養佢地...或者你只係會將佢當成雪兒既代替品..
咁樣對你對兔兔都唔係一件好事~~
我覺得你應該慢慢將雪兒放低左,,
覺得自己可以重新接受一隻新既兔兔時候,,先再去領養~

我覺得lingyan講得岩呀,,你呢排唔好去兔協睇兔兔住喇..
免得心情起伏太大,,,你仲要好好咁照顧夢夢同胖胖家嘛!
加油呀!!

讚成GA~~ 我都未必會搵差唔多樣嘅, 之前post 立秋topic時都有講過, 覺得太似會有比較, 加上心情未平伏, 你只會一見到佢, 就會掛住雪兒, 你只會一直流淚, 傷心地照顧新兔兔,, 咁係唔理智嘅, 我諗至少你同你家人都ready時再養多仔law~~ 你仲有兩隻B响屋企, 同佢地一齊面對傷痛, 再一齊迎接新兔兔啦~~ 加油呀~~

Vanilla 我記得佢 LA，
曾經係其他 FORUM 有兔友話因為屋企家人反對，
個老公話如果佢養就要同佢離婚O個個。

兔主話佢唔多俾抱、怕羞、活潑。

同意以上各位兔友意見
chrisyan你想深一層, 其實你愛既係雪兒, 定係純白色藍眼睛既賓尼
你呢一刻去領養牠, 牠好明顯是一件代替品, 雖然你會好似愛雪兒甘錫巨,
但始終是2個不同的個體, 萬一養養下牠不再跟雪兒一樣,
不再是你心中的雪兒那什麼辦?
暫且先平伏一下吧, 有一見鐘情的免兔確實不易, 但小心感情錯配!!!

嗯..我當然會當佢係一隻新兔兔咁去養
依家我係睇到個空缺....令到自己好難受.....
我都記得係呢個故事中ge兔兔

因為屢次與老公就我分配過多時間給兔子而沒有充分時間照顧他和子女的問題而 吵架......今晚我們又開戰了..........鳴鳴~~~~~~~~~,他不能再接受我養兔兔 了,否則就離婚..........
我急需短時間內送出兔兔, 所以不能找兔協, 我不能再留牠們多一個月了....
就是左圖中的兩隻:
1.SOGO---啡黑色長毛賓尼女,沒有絕育,3.5YEARS OLD,懂去

養得寵物，就要承受生離死別這回事。
就算係人類，到你有一定年紀，就開始要面對死別呢一回事。
唔同年紀就要唔同既事要面對，
好似我呢個年紀，就開始面對身邊既朋友開始有一個新既人生階段，
到我再老三十幾年，就要開始面對身邊有人會離開自己。

見到有空缺令自己難受就去填補，
呢個我覺得係逃避既方法，逃避得一次、二次，
咁第三、四次呢 ?
係呢一刻，你既生命中至少仲有二次要去面對兔兔離開你，
但係咪每一次有兔兔去彩虹橋，就要搵填補呢 ?

我咁講唔係阻止你再養多隻兔，
而係覺得你而家心情仲未平伏落黎，
想你心情慢慢平伏返，再去考慮養唔養多隻兔。

你要記得，每隻兔都會有離開既時候，你要去面對。
雪兒走左之後都有俾功課你丫，要你學會面對生離死別，
睇下佢幾生性呢。

唔好再唔開心 la，唔開心埋呢二日好 la，
星期一開始你就要開開心心咁生活 ga。:073:

今日我終於都去左兔協, 見到d兔兔自己都覺得開心....

雪兒ge得意...無其他兔可以取替.....

今日見到立秋, 真係覺得佢好得意....佢仲好活潑tim ar~~
同佢say hi,佢即刻走過黎聞~~

我會養多隻白色賓尼架....不過可能係夢夢走左之後或者見到一隻超得意ge先....

其實過多一排, 同呢度傾多d, 又睇吓其他人d 兔仔, 都會好得怏d, 不過到今時今日我仲未敢去金魚街~~

因為我兩隻細兔仔都係响黑店買~~

pinwheelfish: 見你心情都好好多啦, 隨時ready可以養番兔架
唔去魚街無所謂既, 下次唔買領養已經得啦,
希望早日有隻兔兔得到你俾巨既幸福...

領唔領養都好，見你而家心情好返都已經好好 la，
你又大個左，上左一堂，雪兒見到一定好開心既姐。

呢次慘痛經歷已經唔會再買,更何況兔協有咁多可愛嘅兔兔希望得到我地嘅愛, 又點會唔選擇領養呢~~ 我只係話金魚街會令我覺得唔開心同好掛住佢地3隻臭b law~~