兔兔被寵壞....:"(

兔兔俾寵壞...苦的係小人
兔兔有d恃寵生驕...日日可以放出黎成十個鐘
依家唔肯返入籠，會dum腳
返左入籠會瀨尿抗議，一朝訓醒張尿墊瀨左最少3-4篤
持續左兩星期...有惡化趨勢
9成肯定係發皮四先瀨尿，之前只會好偶爾先失手一次
考慮緊困籠幾日，等佢知自己唔乖，唔知咁有無用 :050:

其實佢唔肯返入籠係因為籠無安全感定係唔鐘意個籠呢 ?
個籠位置唔好，所以佢唔鐘意 ?
係唔係個籠附近太光，兔兔唔多鐘意呢 ?

我會建議你鬧佢 .... 一 dum 腳就好惡咁講 "打死"，
或者而家唔好放咁耐，例如放半小時，就要佢入籠 5分鐘左右。

我個隻而家都好自由出入，但就無話唔肯返入籠既情況，
好多時候都係佢自己要入返籠到休息一陣，再出黎玩。

好多時候兔兔都應該一返屋企就開始要教，
唔知你個隻絕育未，絕育左個 d 係會聽話少少。

我個隻係出得梨多
吾肯出梨

唔知係咪因為成日出黎, (我放工先會放出黎)
我個芭啡都會自己返去休息, 食野, and 去尿尿,
之後先再出黎
雪糕想去搶草食, 就會出黎
不過, 佢地曳曳, 我食抱住佢 + 惡死d話佢

我隻女....係大牌到開晒門都唔so我....:044:
自己係入面訓~唔出黎

你有冇試過洗籠呀?你試下成個籠好切底咁洗一次~
佢冇晒自己d味,又會想入去留耐d架~可能:057:

係sasa未黎之前，jobe都係24小時放養的

sasa黎左之後，jobe就要係留番係籠，我地番屋企先可以出黎，佢初時都有咬籠的，但係佢咬就同佢say "no"，依家無咁多咬籠勒﹗

可能之前寵慣左，一下子唔俾佢地出黎，佢地就會咁架勒，等時間耐d，可能會有改善

芝麻以前都有咬籠既情況,,
但係而家改善左,,因為佢知道話事權o係我度唔係佢度..
我話放佢出黎玩~佢先有得出黎玩...
不過佢都依舊好有性格咁,,鐘意出就出..唔出就唔出.
有時悶就自己返入籠訓覺...真係彩我都傻=0=

處罰從來都不是有效的教兔方法.
兔兔亂尿尿是在半夜,困籠是第二日,佢根本唔明白困籠是因為佢亂尿尿.
長期困籠仲會多d情緒行為問題呀.
亂尿尿有可能是發脾氣,但亦有可能是因為體內賀爾蒙影響.
另外,如果張墊有尿唔換,d尿味會令佢繼續尿下去.
如果你覺得佢是因為被困籠而發脾氣,
就要想下辦法令佢覺得番籠不是一件苦事喇.
譬如要睇下佢的作息習慣,兔兔會玩下訓下,
係佢想訓的時候趕佢番去就冇咁大反抗,
還有就是要定時定候,不要今天十點明天半夜,
兔兔習慣左一定既時候回家就少d情緒問題喇.
仲可以試下整定個大餐係籠裡,
d餵食貓一番到籠裡就有好野食,佢地就會覺得番籠=食好野,
咁就會夠鍾自動番入籠喇.
另外,兔兔需要大d活動空間,
籠大d,用圍欄都是辦法今佢覺得夠地方活動就冇咁抗拒被困喇.

個籠用左好一排，無問題
當然有洗，尿墊亦成日換
我覺得係放養太多有d野性左
之前都係習慣用圍欄圈住佢，然後我係旁邊清籠，佢都乖乖坐係度
佢而家係會咬住欄邊用力撞出黎 =.=
加完草又咬住度門推，唔准人關門
佢好鬼活躍，時時刻刻都想出黎玩