未desex就中招...

尋晚先出post問好唔好下星期去desex~
今朝打電話去book啦...

點知........下午直情走埋去睇醫生....
今朝幫total檢查,發現....胡椒粉呀!!!仲好似識郁!!
即刻打電話去維多利度問,佢話都要下星期desex前檢查先知有冇影響~
咁我又唔想等咁耐先知咩事(反正就算唔desex呢件都係大事...)
之後下午帶左去dr.gerry度睇.....

原來係兔蚤呀.....!!dr.gerry話見到d卵,我就直情見到識郁添~
結果打左支針!!!:046:
不過total好乖女伏係我個身度,醫生好快就打左,又唔掙扎~
又滴左藥~~兩星期後要去覆診...打多支針~

我都照約左下星期四做desex,即係要連續兩個星期去睇~
問左dr.會唔會用緊藥唔做得desex,佢話唔會有影響~
不過我既擔心...又加多一重喇~

明明每日都清潔,都唔知點解會有蚤....
滴果d藥醫生叫兩星期滴一次,
係咪因為依家要殺蚤所以要滴咁密呢,
好返之後係咪可以6-8星期滴一次黎預防呢~

11:55pm
死啦...total返到屋企,好似好累好累咁...攤左係度..不過係relax攤法
(最近佢好少趴係度~)
佢都算肯食野~有自己去草架度食草同飲水~
但係d便便變得超細粒~!!同埋眼仔都有少少眼水~
又好似冇神冇氣咁...會唔會係d藥力佢受唔到呀!?
同埋我岩岩再睇一睇,都仲見到有d識郁既胡椒粉,
係咪要聽日先會死晒呢?...
佢真係好似好病咁...今朝未睇醫生個樣都冇咁慘~
好擔心呀!!

我呢個媽咪真係:036: .....total唔好有事呀...:047:

[ 本帖最後由 光之天使 於 2008-10-9 11:55 PM 編輯 ]

唔洗咁緊張...醫生話ok既!就信醫生啦!
但係點解無啦啦會有兔虱嫁-口-....
total你要乖乖呀~~~唔好令媽咪擔心!

我都唔知點解佢有....
又冇出過街,又冇同第二d兔兔玩過.....
我有少少懷疑會唔會係d草~
我估唔到佢要打針~

total唔知係咪出完半日街,又睇完醫生,又打左針,
好似好累~~返黎食左幾啖草就趴左係度lu~~:020:

係阿..我家的阿b都有阿...
有時蚤可能係我地街上野返來,然後經我們戴返去比佢地...
betty都有話有時係我地買草個陣,係草入面走過去~
因為始終有紙箱,紙箱係比較易野d蛇蟲...etc(個次滅蟲哥哥來我屋企個陣講~)
戴左一隻返屋企,佢地就會愈多..

當初佢有蚤個陣,我都好內疚..覺得自己做得唔好家~
之後betty先話夏天有好多兔多蚤,只要以後做好,同埋個個月滴藥就ok..無事了
唔好擔心牙:041:

我見到你個post既主題，
仲以為味desex就有左B.....
嚇死~~哈~~
唔洗咁擔心:078:

下．．唔係呀
草都有可能有．．
好彩你旱發現炸．．
而家冇事就放心ｄ．．
我仲以為你有狗添

狗虱唔同兔虱，狗個隻唔會惹到兔，
不過真係唔知點解會有，miffy 上個月尾都有，
佢都無出過街 ....

DR GERRY 有無俾隻虱你睇下點樣呢 ?
DR YAN 個陣有問我要唔要睇丫，
我即刻好大反應話唔睇 XD

以後每二個月滴一次滅虱藥就 ok ga la，
唔駛擔心 XD

冇呀~佢用膠紙痴左total d毛去顯微鏡度睇~
睇完話見到d卵囉~
又冇話叫我睇~~(我果陣都有諗過...其實我都有d想睇..點解唔問我呢~)

之後又打左一支針..(我都冇睇見你地話要打針...我都打左個突..)

放定d沙薑趕虱, 呢個預防方法得唔得 ?

不過, 睇標題我以為兔兔有左 :025:

[ 本帖最後由 kkyan01 於 2008-10-10 08:44 AM 編輯 ]

俾個標題厄左tim,,,,,
total加油~快d好返