終於買左新籠,有d問題

我尋日去左q兔買左呢個籠啊~



1.呢個籠可唔可以養兩隻兔兔嘎?
因為我想養多隻比囡囡做伴

2同埋呢款籠你地會點設計?加幾塊板?

3.可能宜家高左d,所以囡囡暫時仲未跳上去,甘我應該點好呢?加係邊會好d?

最後加囡囡既圖

睇返你個籠,
底網要拆左佢~對兔兔既腳唔好~會有腳瘡架~
另外唔見你個草架係邊@@"?

其實個籠都唔係咁大....養兩隻會唔會太迫?
不過我屋企未用過呢隻籠,真係要其他人答你先得~

至於你話兔兔未識跳上去呢個問題,
你可以放心,兔兔過一兩日就會自己跳上去玩架喇~

你囡囡好得意呀~特別係對耳仔

兩隻就可能窄d喇...

我就用緊呢個



兩隻一齊住啊 ~

不過依家又唔同左, 因為第一層個木板大左,
今晚返去再影多張,

我想問, 你多唔多放兔兔出黎啊,
如果你成日放兔兔出黎活動, 個籠可以唔駛太大
如果唔係的話, 兔兔個籠就要大d啦

[ 本帖最後由 kkyan01 於 2008-10-24 08:59 AM 編輯 ]

暫時先拎開網底，將塊跳板下降一格，依家太高很容易跌倒
再慢慢攷慮點樣改善

我都用過e款籠養2隻，會逼左d,  除非用kkyan01果款高少少ge

兔兔過一陣適應左就會識跳上去...不過層板對兔兔黎講有一定危險性...佢地唔同龍貓

我用緊你而家呢個籠...
事實上,,呢個籠真係好細-_-...
可能而家你兔兔仲細隻..所以覺得ok..但係慢慢大左就唔掂喇-口-
不過留意番唔好用網底,,對兔兔腳仔唔好~其實盡可能唔用..
但係如果唔得既....用木板做底點都好過用網底嫁-3-
同埋我都見唔到你個草架呢*0*...哈..

答左你d問題先,,
1.呢個籠可唔可以養兩隻兔兔嘎?
因為我想養多隻比囡囡做伴

上面提左, 呢個籠養一隻都細..所以兩隻就........唔係太好了..
活動空間會變左好少..

2同埋呢款籠你地會點設計?加幾塊板?

我放過兩個唔同既跳板設計...不過基於安全問題,
最後就係而家用緊既樣,,
呢個籠我諗加兩塊跳板已經最盡....因為真係細-_-"

3.可能宜家高左d,所以囡囡暫時仲未跳上去,甘我應該點好呢?加係邊會好d?

對你囡囡黎講, 你而家放呢個位的確係高左d~
佢有能力跳,,但係跳o個陣有機會跌番落黎而整親..
所以向下降低一格~應該會好好多~

俾我o個兩個設計你參考下..


因為薯薯大隻, 所以佢跳到上去..不過我覺得每塊跳板都太窄..
搞到中間好大個空隙~所以佢跳既時候好危險咁..




而家個籠係呢個設計~比上面個設計較安全~
一塊打直..一塊打橫...第一層跳板放低左一格~易跳好多!
不過我建議你唔好要藍色o個塊...去配兩塊新既木板..
因為我覺得藍色o個塊實在太窄...好易轉身既時候有機會跌到..
不過而家你囡囡仲細~都可以用住先既!
如果你想養兩隻, 就要換過個大d既籠喇~

我隻兔兔就係甘,耳隻先有d色,其他就白色~

你個籠同我有咩分別?多一層?好似差唔多~其實我幾中意你個design,不過果日太急,所以淨係買籠~

我知啊,果日想買豬仔板,但佢要我自己cut啊~所以用著先~

其實舊果個籠我仲未扔嘎,所以如果養多隻,可能佢會住舊果個籠先,所以你呢個design都可以參考,其實新既兔兔我都未念到,因為bonding既問題,唔知養男定女好,最緊要係宜家個籠點design先,

原帖由 candybbb0421 於 2008-10-24 02:40 PM 發表
你個籠同我有咩分別?多一層?好似差唔多~其實我幾中意你個design,不過果日太急,所以淨係買籠~

佢o個個高多你而家呢個大半層到...
所以大好多..

原帖由 candybbb0421 於 2008-10-24 02:47 PM 發表
其實舊果個籠我仲未扔嘎,所以如果養多隻,可能佢會住舊果個籠先,所以你呢個design都可以參考,其實新既兔兔我都未念到,因為bonding既問題,唔知養男定女好,最緊要係宜家個籠點design先,

我諗如果養多隻女, 咁等兩隻都絕左育先bond會好d~
因為絕育前後可能會有分別..
如果多隻仔...都係要絕育..不過有機會分左大佬唔會成日un..
但係得隻女絕左...隻仔仔未絕..而隻女又唔肯認做細既..可能會bond唔到~
所以要慢慢考慮下啊~