各牌子 Timothy 草小分享

愛錫兔兔既朋友，都會盡自己所能將最好既俾兔兔，

"草" 係對兔兔黎講最主要既食物，點會俾差既草草俾兔兔食呢 ^^ ?

大部份兔主買草既牌子，以 apd、oxbow、momi 為主，
其他就會有 Q兔草、ILR草。
日本草就應該好少好少兔友會買 (日本野始終唔健康丫嘛 ^^)

Timothy (提摩西牧草)

APD
既 timothy 有分二種，一種係 Timothy High Fiber Hay，另一種係 Timothy Gold Hay。
二種有乜野分別呢 ?

Timothy High Fiber Hay = 1 st cut
有枝 (比 2 nd cut 多)、有葉。

Timothy Gold Hay = 2 nd cut
主要係葉，間中會有少少枝。
個人覺得呢隻草可以混其他牌子既草，多葉混多枝既，應該有唔錯既效果 (雖然我未試過 XD)

二隻草，究竟揀邊隻呢 ?
記得我第一次買箱裝草，上網搜集資料既時候，兔兔鐘意食葉，
所以起初係打算買 APD Timothy Gold Hay，
但係當到到某間寵物用品店既時候，職員問我係俾兔兔長食定係零食，我答係長食之後，
佢話唔適合兔兔食APD Timothy Gold Hay，因為枝太少，差唔多淨葉，
長期食會令到兔兔得唔到足夠既磨牙而太長。
所以最後揀左 Timothy High Fiber Hay。
( 多謝呢位職員提醒我，如果唔係我愛兔兔就變成害左佢囉 )

品質上，APD 係比較穩定，價格上亦都係比較貴 (貴就係貴在穩定草質)，
一箱 5 lbs大約 $250，10 lbs 大約 $450。

銷售地點:
http://www.americanpetdiner.com/intl_locations.html#Hong%20Kong
不過呢個比較奇怪，某d 舖頭有得賣但無係 list 上面。

我自己買過二箱，二箱都唔錯，未開箱已經聞到好香既草草味，食到底草碎唔算好多。
兔兔超級鐘意食 ^^ 大約二個星期就幫我清左一箱 5 lbs

Oxbow 既 timothy 無分1st或者2 nd，都會有枝有葉。
品質上，oxbow 就無咁穩定，有時好靚，有時好差，
所以大部份都係要靠各位兔友報料 (睇下兔友係幾重要呢 ^^)，
粗略知道o個一期既草大約係點樣。
價錢上，oxbow 比 apd 平， 9 lbs 大約 $212-$222，而 25 lbs 大約 $450。

Oxbow 產品指定經銷商
http://www.pet-link.com/sheet001.htm
小心假冒，原裝正貨係買有一個oxbow 貼紙貼係箱面。
我買咁多次都有個貼紙貼係到 ga ^^

Oxbow 而家係我家二隻兔最主要食既牌子，都買過好多箱，有時候草草好靚，有花既、好綠，
曾經試過一次買左一箱，返到屋企見到有好多枯黃 “丫差” 樹枝仔，入草前都要先揀草。

Momi 既 timothy 亦都係無分1st或者2nd，都係有枝有葉，但枝係比較粗硬。
品質上比較奇怪，因為好多時候都聽到兔友講某lbs既草係比另一隻lbs既草靚。
價錢上係最平既一種，5.5 lbs 大約 $140，11 lbs 大約 $240。

Momi 而家已經可以係金魚街各大寵物店買到，
但係見到某d網頁有兔友話某些店舖職員聲稱 momi 其實係 apd 同一家廠既出品。
信不信就睇下各兔主點睇 la ^^

至於q兔草、ILR 草，呢 d 草無寫明係邊隻牌子，
有人話係 APD 拆散賣，但亦都有人話只係美國黎既草，
所以要唔要買黎俾家中既寶寶食，就自己決定囉。


[ 本帖最後由 lingyan 於 2008-11-6 04:22 PM 編輯 ]

買箱裝草要注意乜野呢 ?
其實都無乜野可以睇到，只可以睇箱外，因為90%既店舖都係唔會俾你開箱睇下d草既情況，
所以只可以搵一d信譽好、有良心既店舖買。
如果箱裝草既箱外表有破損、有液體漬、有被開過箱既痕跡，建議就唔好買 la。

箱裝草買左返屋企要點處置呢 ?
有兔友會先將大約幾日食量既草草先放入密封箱，再將箱裝草包好，盡量減少打開箱裝草既次數，
避免草草走味或天氣潮濕而令草草濕左。

我自己就因為兔兔食量比較大，而我買既係最細磅數既箱裝草，通常3-4個星期就要買一箱，
所以我就無特別處理，只會入完草後，將開口摺幾下，再用大夾夾實。

要幫兔兔既草轉牌子，應該點做呢 ?
要決定轉牌子，最好先係食快食完A牌子既時候，買一包B牌子既草混落A牌子既草入面。
因為兔兔係會食得出唔同牌子既草，如果食哂A牌子先轉草，
兔兔可能因為唔習慣而令到佢頭一、二日唔肯食新牌子既草。
兔兔唔食野係比較麻煩既一件事，避免麻煩都係慢慢轉草比較好。

Mountain Hay 可唔可以成為兔兔長期食既草呢 ?
Mountain hay 同 timothy 相比，mountain hay 比較高鈣，唔太適合成兔長期食用，
兔兔吸收太多鈣質，可能會出現泌尿系統有問題。

兔兔食開貴草，會唔會唔食平少少既草 ga ?
其實有可能唔食既，不過亦都可以先試下用轉草既方法，如果幾日佢都完全唔肯食新牌子既草，
只肯食舊牌子既，咁就無辦法，即係兔兔唔肯接受新草草，就需要搵過另一隻新牌子草草。
(所以轉草先買包裝，如果兔兔唔接受既話都唔浪費金錢丫嘛 ^^ )


以上呢D只係不過係自己既一點點感想、經驗，
希望幫到一d想新手兔友 la ^^

另外，我對momi草認識唔係好多，始終係無買過，
如果有momi用家有意見，歡迎提出。

o甘mountain glass是否適合成兔長期食用呢?

[quote]原帖由 glendy 於 6-11-2008 04:33 PM 發表
o甘mountain glass是否適合成兔長期食用呢? [/quote]

mountain glass 我自己未問過獸醫可唔可以長期食，
但係睇過有兔友問過獸醫可以長期食。

不過可能心理因素問題，好多主人都係最後將mountain換成timothy。
原因係成兔主要係多纖少鈣，
mountain既鈣比timothy高 (其實只係高大約0.25-0.5%)，
兔主為左減少機會患泌尿系統疾病，都會寧願轉左佢。

我自己反而會睇多唔多枝，夠唔夠兔兔磨牙仔用。
始終自己真係好怕兔兔牙仔過長要剪牙，
除左銀包會大出血之外，自己亦都心痛呢 ^^

我都想問成兔除咗食T草之外, 仲駛唔駛買其他草加俾佢食架?
我買開OXBOW的T草

原帖由 hamster1013 於 6-11-2008 10:34 PM 發表
我都想問成兔除咗食T草之外, 仲駛唔駛買其他草加俾佢食架?
我買開OXBOW的T草

可以買下其他草草俾佢地食 ga，當零食咁食囉，
兔兔每日都食同一種草會悶 ga ma，
得閒俾下其他草草、菜菜 (當然係兔兔食得先好 la ^^)，
幫佢地換下新口味丫嘛。

我自己就買左包果樹草，得閒俾d佢食當獎勵囉。

解答左好多人一直以黎既疑問
多謝晒 lingyan ^^

lingyan的資料很詳盡呢
thank you

謝謝lingyan...解釋好仔細呀

解釋得好清楚:048:

原來係咁, 我知道喇!
多謝LINGYAN!!!:002:

LINGYAN,你好呀!
我個囡囡都係叫布甸.佢係貓貓兔,應該都有1歲喇(無都差唔多).
可唔可以post你個布甸張相嚟睇吓呀?你囡囡幾大呀?

原帖由 hamster1013 於 7-11-2008 04:55 PM 發表
LINGYAN,你好呀!
我個囡囡都係叫布甸.佢係貓貓兔,應該都有1歲喇(無都差唔多).
可唔可以post你個布甸張相嚟睇吓呀?你囡囡幾大呀?

HELLO~^^
miffy 妹妹 - 布甸  http://mini-house.coms.hk/index.php

衰女之前body check獸醫話夠3個月大，
所以我當佢係3個月大囉。

個陣時第一個sales就話佢係獅子兔，
第二個sales話佢應該有少少混安哥拉。
所以我第一眼望佢既時候就覺得似安哥拉短毛版。

My rabbit drinks a lot when it eats momi hay......

apd草會唔會有草蜢嫁...:044: