想問一下有關觀塘區有沒有寵物美容?

我家的兔兔完全不肯反轉比我剪指甲,剪到手指甲,但腳就完全剪唔到
以我所知的又太遠,我住油塘,所以想問一下觀塘區有沒有寵物美容?

同我個女一樣....
剪腳真係...唔比佢踢死...淨係捉佢都好耗體力...
不過我唔係住觀塘...唔清楚~
但你可以試下用春卷兔既方式(雖然我都唔係好識用~)
不過可以暫時制止到少少兔仔逃走既動作~

(total正係廳狂奔....周圍撞)

官塘有兔仔美容丫~ PET CAFE~
但個人就唔建議~因為我聽過唔少劣評~
什至有D係害死左隻兔兔~所以最好唔好~
可以既話~都係搭小巴出旺角~去兔協安全D~
(反正小巴都係一程~同埋唔會拒帶寵物上車~)

P.S:  PET CAFE兔兔美容~其中有~幫兔兔水療按摩等...
睇個人覺得啦~但...我就覺得-...-"竟然美容有埋...
幫兔兔水療既...做SPA既...=  ="我唔夠膽試........

呢間 Cafe 係兔界出晒名...

有時剪指甲, 唔一定要反轉架 ( 後腳除外 )
最好搵多個人幫手

我同小丸剪, 係會反轉佢係我大脾上,
右手按住個腋下位置, 防止佢彈起身,
左手放係頭後面, 拇指幫佢按摩前額
( 佢地走佬時, 個頭係最先郁, 繼而全身, 所以唔好俾擰轉頭啊 ＜＝個人觀察所得)

另一個人就剪指甲


可以參考返以下既 post
http://mini-house.info/search.ph ... mp;searchsubmit=yes

近期發現坐時用双腿夾住兔兔頭同前腳 (of coz唔會實到佢難以呼吸啦), 佢地郁唔到之餘, 剪後腳又易d~

THANKS~^^
聽日要捉來試下= =+

我呢邊買兔嘅時候間寵物店係包埋教剪甲嘅, 所以等我隻兔兔第一次指甲長咗嘅時候, 就可以帶返寵物店俾佢教我剪, 個女仔並冇教我反轉佢剪呀~ 佢話反轉佢剪如果兔兔唔聽話係好容易整親佢嘅, 所以佢教咗另一個方法, 我唔知我講得你明唔明, 但你可以試試呀~ 真係剪得又快唔容易咖~!!

首先係喺枱(枱嘅高度最好係喺你坐喺度時到胸前)放條毛巾, 然後就放兔兔喺毛巾度, 之後你坐喺櫈度張身體胸前貼近枱邊, 把兔兔打側緊攬抱入壞中(唔係真係抱起), 就好似平時單手抱兔嘅方法咁, 咁佢就會有一邊手腳係向出(例如你剪兔兔嘅右邊手, 咁佢個頭仔就係向你嘅左邊), 唔知你明唔明呢? 咁之後你右手臂係可以用少少力夾住兔兔, 而右手掌就可以輕輕拎起佢隻右手用你隻左手剪, 剪兩隻就摸下佢頭仔, 等佢覺得你只係抱緊佢, 到剪右腳嘅時候, 兔兔方向不變, 只係你用左手攬抱入壞中(唔係真係抱起), 咁佢個頭仔就係向住你手臂, 如果佢覺得舒服, 佢有可能會將個頭仔埋喺你手臂同身體之間, 咁你就更好剪, 因為佢已經冇防範, 咁你用左手臂用少少力夾住兔兔, 左手掌就可以輕輕拎起佢隻右腳用你隻右手剪, 剪兩隻又係摸下佢頭仔, 繼續減低兔兔嘅防範, 剪左邊嘅方法都係一樣, 咁方向就當然係剪右邊嘅相反啦~ 咁基本上成個過程佢唔會點掙扎, 最多都係兔兔覺得坐得唔好要郁下身, 所以可以剪得又快又容易, 最重要係減低佢嘅掙扎, 咁就唔怕嚇親兔兔令到佢下次唔肯俾你剪啦~

以上都係寵物店個女仔教咖~ 佢真係好有愛好同教得好詳細, 希望可以幫倒你啦~!!

個方法可能幾work~
但係我家total係掂下腳仔(拎起掂下)....都走既...
因為佢全身白色既關係....拎起左腳仔仲要再搵d趾甲...

好難剪呀!!:046:

剛剛用毛巾包春卷的方法來試....
但完全找不到牠的腳(淚)
波子的方法也是有點難度,
一掂到腳仔就跑了

我家的小仙身體是啡色,4隻腳都是白的,找起來也很難

兔兔好驚人掂佢腳板..我淨係剪唔到佢腳指,加上佢又曳..好難乖乖甘比你剪佢腳甲/-\
我都唔知點做好..成日出去剪很貴哩,,