電話漫遊儲值卡一問

我想問下有無人用過漫遊儲值卡阿 ?

因為我從來未用過，
而今次去旅行都一大班人去，
有人話怕行街失散或者打返香港，就每人買張漫遊儲值卡 ..

有無人知道邊張抵用阿 ?
同幾多錢阿 ?
係咪去買張漫遊卡就可以係外國打到返香港 ga la ?

你係去邊個地方呀?? 係國內還是海外??

有時可能你去到果邊先去買張儲值電話咭仲平d喎

我買過張peoples既IDD漫遊儲值卡去台灣,68蚊,但好快用晒,因為得8分鐘咋,每個地方既收費唔同eg,台灣$8/min

我覺得你去個邊買好d..
因為次次我去旅行,起hk買漫遊儲值卡...
貪佢可以飛線,其他人地可以搵到我

可能黑仔吧
到個個邊成日都突然有幾個鐘收唔到.
次次都要搵電話亭..
而且又貴wo....people 1分鐘$5.5...:013:

係韓國打返香港或者韓國打韓國。

我係網上搵好多資料，
有人話韓國制式好唔同，話唔係韓國做既手機係用唔到，
又有人話3g機就ok。

租 skype 我又怕唔夠時間去還，
因為跟團時間又唔係我可以預留得到，
如果留得到時間仲話去租姐...唔夠時間咁點算 ...

我有打返電話上去 one 2 free 問本身有既漫遊幾多錢，
佢又答我佢唔知，話係韓國收唔係佢地收錢wor，
所以唔知幾錢一分鐘 .....
跟住又見到人地話係酒店打電話返香港要$20一分鐘 wor...

我又未用過漫遊卡 ....

其實帶幾部walkie 方便好多,因為大家都唔會行開得太遠

原帖由 lingyan 於 2009-1-8 12:57 發表
係韓國打返香港或者韓國打韓國。

我係網上搵好多資料，
有人話韓國制式好唔同，話唔係韓國做既手機係用唔到，
又有人話3g機就ok。

租 skype 我又怕唔夠時間去還，
因為跟團時間又唔係我可以預留得到，
如果 ...

韓國喺通訊方面真係一個幾唔方便嘅國家, 我去過韓國六次, 初時去因為手提電話同香港制式唔同, 所以跟本就冇得選擇, 一定係喺酒店打返香港, 但依家已經好少少, 至少3G電話OR四頻電話係可以用倒, 所以如果你同你啲朋友都係用3G手機嘅話, 咁首先已經解決咗第一個問題, 之後就講講你買電話咭嘅問題喇~

我本身唔建議你喺香港買電話儲值咭, 因為香港啲漫遊收費無論你接聽或者打返香港都起碼收你$20一分鐘, 即使打得唔多都係唔抵, 最好嘅方法就係你去到韓國機煬之後, 跟團一般都會有時間停停叫團友去洗手間先上車, 咁你可以襯住時間去機場嘅便利店買sim咭, 或者之後有時間喺出面街啲便利店or地鐵嘅報紙檔都有sim咭出售,如果依家仲係冇變, 應該有1000韓圜及2000韓圜兩種,而1000韓圜以打返香港計, 太約可打10分鐘。但如果打返香港講平就一定係買公共電話亭用嘅電話咭,如果依家仲係冇變, 應該係有500韓圜及1000韓圜,因為買這種儲值咭以打番香港計,1000韓圜可以傾倒差不多20分鐘。
在韓國街道上有好多公共電話亭,7-11,地鐵站,酒店大堂都會有,所以好方便。

另外我見上面有兔友提議用walkie talkie, 咁我本身去親旅行都係會用walkie talkie嘅, 不過我就唔會十分建議你用, 因為真係視乎你同你啲朋友多唔多出外旅行用, 如果只係久唔久先會同一班朋友出外旅行, 咁就真係冇乜要嘥幾百蚊去買walkie talkie囉~!! 仲要你啲朋友都肯買先有用呢~!!!!

PS:1000韓圜太約$6-$7

如果再有問題, 歡迎再問~!!!!^.^

即係韓國打韓國就係唯有係個邊買 SIM 卡 ?

SIM 卡又有幾多錢幾多MINS ?

原帖由 lingyan 於 2009-1-8 13:57 發表
即係韓國打韓國就係唯有係個邊買 SIM 卡 ?

SIM 卡又有幾多錢幾多MINS ?

如果依家仲係冇變, sim咭應該有1000韓圜及2000韓圜兩種。
而打返韓國本地收費, 你買嗰陣問下幾錢啦~ 我都唔知呀!! 因為我係用walkie talkie加公共電話儲值咭嘅, sorry~!! 不過打返香港都係大約100韓圜一分鐘, 打返本地就應該更平啦~!!

你想韓國打韓國最平就係呢個方法喇!! 如果你喺香港買漫遊儲值咭, 去到嗰邊即使大家都身在韓國打俾對方都係當漫遊收費咖~!!