個人感想

以下係個人感受，並不代表任何立場，只是純粹分享。

自從兔協打俾我，話我知布甸開始有假懷孕，
我就一直觀察佢。

布甸自己本身有一隻兔兔娃娃，
係我怕布甸自己係個籠悶，就俾一隻公仔陪佢，
佢好錫呢個公仔，成日都去舔舔公仔。

而家當我每日幫佢清完籠，
佢就會將草咬去一個角落，
之後將兔兔娃娃放上去草堆上。
起初以為巧合，
第一日、第二日、第三日都係咁樣。

直到呢幾日，兔爸無意中搞到佢隻兔兔娃娃，
布甸就立即企起身，兔爸將呢件事話我知，
我又試下掂佢隻娃娃，布甸都係會立即企起身。
我同兔爸不約而同地諗，係咪已經將個娃娃當成自己既小朋友呢 ?

忽然間，成日話唔好俾佢生bb，其實兔兔係咪想有自己既小朋友呢 ?
佢係咪知道，雖然生bb可能會令到短命 d，但係仍然樂意咁做 ?
只要見到屬於自己既 bb 就滿足 ?

呢二日，我都一直陪著布甸，
如果可以，真係好想知道佢究竟係點樣諗。
佢俾我既感覺，佢真係好想做媽咪，好想照顧自己既小朋友。

平時成日話兔女去做絕育，講就易，但如果遇到咁既情況，
真係好難去做決定。

而我，一直都唔會抗拒兔兔生bb，
因為我都覺得，如果每隻兔都唔生bb既話，
兔兔就會絕種。
但最重要既係，生出黎既bb，要自己完全負責同承擔。





布甸 :

你黎左屋企唔經唔覺已經有3個月，
已經可以做兔地既媽咪，
已經再唔係以前既小妹妹。

媽咪感覺到你，你好想做媽咪，想照顧自己既小朋友，
如果要你短命幾年而換黎自己既小朋友，
你係咪覺得值得呢 ?

雖然你想做媽咪，但我呢個媽咪，未必能夠答應到你既要求。
蹤使你一直向我表現，你有能力作為一位媽媽。

如果我作出一個自私既決定，
你會接受嗎 ?



媽咪字

感覺有d似日劇「十四歲的媽媽」~
布甸乖~~

#^56^#
呢個問題, 我都有諗過
不過應該無lingyan既感受咁深

好感動呀
岩既,,,就算知佢想生,都要諗得好清楚
做媽媽真係一件好大重任既事黎
希望你地既決定,布甸都會諒解啦

吾....我覺得每一個/只雌性哺乳類動物 包括人類
都會有天生的母性 是本能
可能兔兔天生見到類似小兔的都想去照顧/愛護
就正好我地女仔有時見到BB仔/小動物都會好想鍚佢地甘
所以布甸有甘既行為未必等於佢想生BB
你就當佢好似我地細個玩洋娃娃當BB/玩煮飯仔甘啦
你就會好過d...

其實我都有諗過哩個問題,
但當然無lingyan你咁深切感受到,
因為我係一個自私o既媽媽,
我已經同布甸做咗絶育.....

其實, 我都好想布甸有佢o既下一代架,
但係我唔想布甸生咗兔b之後, 我哩個媽媽無能力養咁多兔兔,
而唔要佢哋, 咁未仲殘忍, 所以...........

之前我買兔兔返屋企既時候...都有諗過要買兩隻兔兔返去繁殖下一代..
但諗諗下...自己屋企又唔係大...如果仲要養多4-5隻兔兔以上我覺得我自己一定負擔唔到佢地...
依家我養初五我都覺得好似好吃力咁...
因為我覺得我自己既兔兔知識仲未豐富...
好多野都唔識...
所以我都係打算遲下先再決定會幫初五絕育定係俾佢繁殖下一代~

係wor...到時你又唔知佢生幾多隻出黎嫁

同意呢個行動可能只是哺乳類動物既天性
今日俾你見到母性既一面,
第日又可能會見到殘酷既另一面
照顧bb, 咬死bb, 一切都係天性
無話岩唔岩
lingyan唔好將人類既感覺放諸於布甸
也許布甸依家有隻娃娃已經好滿足
唔好想得太多

我覺得lingyan將太多人類ge感情思想放左係布甸身上...
布甸不竟只係一隻兔兔....雖然我唔可以話布甸係冇思想冇感情
但布甸佢d思想一定冇我地人類咁豐富....
佢咁照顧佢隻兔兔可能係佢潛在ge動物天性....
如果你要佢生的話..我諗隻隻有生育能力的動物都會生bb...(除非有人為的限制)

[ 本帖最後由 大富翁 於 2009-2-9 07:17 PM 編輯 ]

最後既結果，其實我早就已經決定好左，
正確黎講，係由第一日知佢係小女生，就已經決定左。

只不過將呢幾日觀察落黎既感受打出黎。

我係將太多人類既思想放係兔兔身上，
同樣地，大部份既兔主都將人類既思想放係兔兔身上，
例如俾一D人類認為係好，但實際上未必對兔兔好既事、物。

好多時候，未燒都埋身就唔知痛。
絕育就係好例子，
見到人地絕育，都安慰對方唔駛擔心，
但到自己要親身去做，先明白到個種緊張。

但我覺得...兔仔都會有感情
之前見到好多人養2隻兔兔...其中一隻如果死左第2隻都會唔開心
唔食野, 唔行唔走... 咁可以代表佢地無感情咩~
佢地開心會跳兔仔舞都係有感情既表現丫~
如果真係想比佢試下做媽媽既感覺~我諗比佢試一次囉
之後先帶佢做絕育囉~到時可能有能力養到又話唔定~好多野估唔到既~
唔試過又唔知~同埋我覺得你可以咁去為兔仔著想~我覺得你係個好主人~
終歸你既決定係點都會係為左兔兔好~佢地會知道嫁!!!:051:

我覺得繁殖系動物既天性,,我地應該冇咩權可以握殺佢地既#^77^#
兔一世物一世,應該要試下既.....

順便問埋@@;;如果一早絕育會唔會出現甘既情況架?

我既囡囡絕育前後都無呢D情況出現

如果你俾佢生, 而佢地d bb 又俾你覺得佢地又想生, 咁到時你又唔忍心, 咁點算, 如果一胎只係一兩隻都ok, 但事實唔係咁, 可能一胎十隻都唔出奇ga woo, 都係諗清楚d好~~