好嬲既一日

今日發生左兩件好嬲既事...
1. kobi隻腳生枕,今日帶佢去睇betty,睇完就坐11D去德福玩,點知個司機唔俾我搭,佢開聲時,我已經拍左八達通喇,跟住d人上晒佢都唔開車,係咁鬧我,話帶住動物唔可以搭巴士!!叫我去搭的士=.= 貓狗就話會叫,會騷擾到其他人啫,我都唔明點解連兔仔都唔搭得? 最後我回應佢一句"我錢都俾左,你咪唔好開車囉"跟住就唔理佢入去坐低左~佢唯有開車... 我諗佢內心一定勁咒罵我喇=.=  我已經係第二次發生哩d事喇,好奇怪兩次都係11D囉=.=  

2.同kobi玩完之後,去廁所洗手啦,有果呀姐同我講佢個仔以前都買過兔仔養,養左幾日就拎左佢去公園放生~ 諗住有人會捉佢返去養~ 之後又問我兔仔食唔食飯wo...

唔好嬲....D小巴司機係咁的了.,,,
你係用手提籠定袋袋?
俾人見到的確唔係咁好..
P.S.腳枕係點咖?

巴士司機都係跟規矩做野姐
你用咩兔袋架??
我今日帶 ab 兔袋, 都係搭巴士

SRY..原來係BUS..我以為小巴...

我知道巴士係有條條例唔准帶動物上車,但我唔明點解連唔會吠唔會叫唔會騷擾到其他人既既物得唔上得上>< 如果個個司機都咁不近人情,咁唔通我次次睇醫生都要搭幾百蚊一程的士出九龍睇咩><

我用手提籠=.= 經過今日,睇黎我就算揹得辛苦d都要買返個兔袋喇><

咁下次你不如試下用多個大d的環保袋載住個手提籠上車, 之後坐定定後咪攞返個手提籠出來透下氣~~ok?!

原帖由 williamchw 於 2009-4-13 01:54 AM 發表
咁下次你不如試下用多個大d的環保袋載住個手提籠上車, 之後坐定定後咪攞返個手提籠出來透下氣~~ok?!

嗯嗯~ 唯有係咁:002:

奇怪??betty今日唔係唔開咩??我朋友的兔兔蕃茄打算昨日去覆診，但聽到電話留言話唔開
所以佢冇帶蕃茄去睇....但你地又帶到兔兔去睇betty既??其實係唔係有開門呀??

原帖由 karen195 於 2009-4-13 02:04 AM 發表
奇怪??betty今日唔係唔開咩??我朋友的兔兔蕃茄打算昨日去覆診，但聽到電話留言話唔開
所以佢冇帶蕃茄去睇....但你地又帶到兔兔去睇betty既??其實係唔係有開門呀??

:046:  有開wo,今日仲比平時多兔仔去睇添,我估可能佢地會早放,booking又full晒,所以留言話唔開掛=.=

[ 本帖最後由 [小懶] 於 2009-4-13 02:10 AM 編輯 ]

係唔係唔洗打電話去walk in可以.....
因為蕃茄妹係腸停.....所betty先話要覆診.....

雖然蕃茄今日好左d la。痾多左便便，肚冇咁漲，仲食多左野添。但係去睇睇好d......

原帖由 Mika_T 於 2009-4-13 02:18 AM 發表

我未試過wor. 但個人覺得帶兔仔上車都冇咩問題je, 佢又唔會叫既. 又唔會好似貓狗有陣味=_=
上的士都要另收動物錢la. 如果佢鬧我, 一定都會好似你咁講

我都係咁話!!

原帖由 karen195 於 2009-4-13 02:12 AM 發表
係唔係唔洗打電話去walk in可以.....
因為蕃茄妹係腸停.....所betty先話要覆診.....

雖然蕃茄今日好左d la。痾多左便便，肚冇咁漲，仲食多左野添。但係去睇睇好d......

哩樣答唔到你,我只知情況緊急先可以walk in,但情況好轉唔知可唔可以=.=

我成日都坐巴士，暫時都未試過俾人叫落車或者唔準上車，
可能我係用寵物袋，有陣仲用件衫遮住~