轉載疥癬虫

相片轉載自uwxxts既一個post, 只係想俾大家知道疥癬虫既嚴重
希望大家尤其是新手不要掉以輕心, 有此情況必需盡快見vet才能治好, 再嚴重D傳染埋耳仔鼻仔.......
同埋呢隻兔D甲太長, 見到真係心up....





[ 本帖最後由 hh0 於 2009-4-21 01:09 AM 編輯 ]

真陰公.......

哎呀... 好核突呀!!
係棄兔嗎?

唔係棄兔, 個主人十萬火急求救
唉, 一早就應該睇醫生, 仲使問人點做
都唔明點養到隻兔甘樣

嘩!!!
真係見到都心up~
見到兔兔有唔妥就好去睇醫生啦...
到見到佢d手指咁兔兔真係痕到呀媽都唔認得...
真係好可憐呀#^3_002^#

其實係咪都係兔仔傳兔仔嫁
可以點預防...??
好慘呀...睇見都心痛

疥癬虫應該唔係兔傳兔嫁...
預防應該都係離不開勤力d洗籠同埋多d清潔佢用品..
好似佢相中咁樣應該都可能係病左好耐!!!

點解會有疥癬虫ga?
會傳染嗎?

我日日都有洗籠咖~不過始終要放兔兔出黎玩咖麻..甘屋企甘多細菌會唔會好容易有感染到呢d疥癬虫或者其他病??:054: 睇完真係有d擔心...

疥癬虫係由真菌引起。如果要避免就唔好帶佢街上, 公園遊玩, 因為有很多生物, 細菌, 或由人從外面帶回家而互相傳染, 所以防止有呢個情況, 應儘量避免帶兔出外或放在街地上。而且疥癬虫人同人，人同兔，兔同狗...etc都可以傳染

下~~~咁你地清潔個籠..係咪用布抹就ok
我以為只係兔傅兔添

唔係掛..咁嚴重先識來 十萬火急求救?!
佢唔係認為上網 post d 相出來, 就會有咩祕方..唔去睇醫生呀?

搞到咁都唔識帶兔兔去睇醫生,
哩個人係咪傻架!!!!
隻兔兔真係慘,
睇到都心痛~

我通常洗籠都係用好熱好熱既水係咁沖個籠...
唔知夠唔夠徹底呢~_~

3月中, 我發現賓仔都有疥癬虫, 佢打左4針岩岩先好番曬

醫生同我講兔仔多數係兔傳兔, 或者動物之間傳播
同人無關係, 因為係人身上果隻虫係生存唔到
醫生同我講兔仔生疥癬虫都唔係主人既錯既, 因為我開頭都好自責問醫生係米我做錯咩搞到賓仔咁
但我本身已經係每兩天就洗籠一次, 又日日都洗廁所, 賓仔自己又識去廁所, 唔駛我係個籠底鋪野

醫生話兔仔可能未俾你帶番屋企之前, 本身已經係寵物店受感染
但係由旦轉化到虫都要一段長時間
所以岩岩買兔仔番屋企都留意唔到ga

睇醫生果陣醫生問我有無俾賓仔同其他動物玩同帶佢出街
多數都係咁既途徑感染
我12月就帶過賓仔去兔協寄養囉
不過係唔係果到傳染就唔知啦!??
可能佢細細個係寵物店已經感染到

醫生話唔駛擔心, 好平常既! 但係唔理佢就唔可以容許囉
兔兔有病一定要快去睇醫生,等愈耐愈難醫

仲有, 醫生話勤洗籠, 係籠最好唔好鋪毛巾, 衫
用水洗已經好足夠

[ 本帖最後由 Step 於 2009-4-21 08:23 PM 編輯 ]