#^56^#
This is really really sad for me...
記得那天... 08年10月13日
我一向都好中意兔仔, 唔知系咪因為我都系屬兔
我同細路求左daddy都多年, 終於都可以養兔仔
當時因為我無做好功課, 唔知有兔協的存在, 所以去左買兔仔
怕養一隻悶, 所以決定買兩隻, 同細路一人一隻
就系甘,系10月13日, 肥毛毛同朱古力黎左我屋企, 朱古力系我選的, 而肥毛毛系我細路的
記得頭三日, 我同細路都好開心
因為可以養兔仔之餘, 我地發覺兩隻兔仔都好close好sweet, 可能系因為一男一女啦
而且兩隻都好乖, 一教就自己去toilet
到第4日, 我那天剛好唔洗返學, 整天都跟兩隻小兔玩
下午便出事了
玩玩下, 突然朱古力一連打左幾個乞嚏, 我即刻打去買兔仔間野問, 佢話隻兔隻傷風要睇醫生
我online seach到診所, 但又要book, 原本佢話full左, 我同佢講朱古力好似好嚴重, 佢即刻俾我黃昏去睇
系等ge期間, 我見到朱古力好辛苦甘, 成隻都趴左系度不停打乞嚏, 可以一連打十幾個, 我都喊左出黎
去到睇醫生先知好大煲, 要留醫
系診所我一直喊, 都答唔到醫生野, 又同daddy講唔到電話
最後都醫唔到.... 醫生話應該一早就有事, 系未病發, 到發現已經太遲
雖然我只系同朱古力相處左4日
但我真系好中意佢, 佢好似有人性甘, 好聽話好乖 [反而肥毛毛有時仲搶朱古力d野食...]
買ge時候都系, 我選ge時候, 佢一見到我就即刻醒左, 好high甘用兩隻腳企系度望住我, 我隻手一放埋玻璃, 佢即刻用個鼻頂塊玻璃;
到我抱佢, 佢又真系好乖甘, 其他人一抱佢就反抗
嗰刻我知我要定佢
我覺得好唔開心
因為佢仲系甘細, 我都未疼佢未錫佢, 佢又未做過媽媽就走左
嗰排我成日同肥毛毛傾計, 問佢有無掛住朱古力, 雖然我知佢唔知答我....但我覺得肥毛毛會明白我的心情
後來我細路話同我一齊養肥毛毛
都無養多隻, 因為怕會同毛毛打交, 雖然都怕毛毛會悶....
朱古力呀, 我會永遠都記得你同愛你的!
你系我養的第一隻小兔, 亦系我心目中第一的乖乖小兔!!
[ 本帖最後由 nga_miyabi 於 2009-5-14 12:56 AM 編輯 ] |
|
分享
收藏
支持
反對
