請問下各位兔爸兔媽會比d咩玩具兔兔玩架?因為平時大家返工返學兔兔大部分時間都會係籠入面,咁唔知大家會唔會比d咩玩具兔兔玩下呢?如果唔係真係無聊到爆炸囉?
我又分享下比d咩玩具什果啫喱玩啦~~
1) 我試過比出奇蛋裡而裝住玩具個蛋穀佢地玩,佢地會係咁追住個穀黎咬,不過個口唔夠大個殼會'扇'走,佢地又係咁追...好得意...
2) 水樽蓋同膠紙個個膠圈佢地都好鍾意玩,擔起又掉底...好自得其樂...
3) 街外個d $10個既扭蛋個頂同底有d洞仔,入d糧係個扭蛋裡面,入一半到啦,之後放地下比佢地推,推幾下會有一兩粒糧跌出黎,之後佢地就會好努力係咁推個波等佢跌粒糧出黎食...好攪笑...
4) 有次去ixrabbit度買咗個絲瓜囊既玩具比佢地玩...一黎可以磨牙,二黎又可以比佢地發洩下情緒...
大家分享下有咩玩具比兔兔玩下呀~~:048: |
|