炒魷

唉,上個月俾間無良公司炒咗,而家咁既時勢,超難揾工,今日睇報紙1600個大學生爭5個見習職位,我點同大學生爭呀.呢間公司我做咗半年咋,其實佢哋係想我幫佢哋執好上年d數,當我幫佢哋攪掂晒d嘢,佢哋就一腳伸開我,其實我諗當初佢哋係想請合約(半年),但係登廣告個陣又無寫,如果佢當時寫明係半年,我就唔做呢間啦,錢路茫茫呀:056: :054:

我地都知依家搵工好難,但係都唔好灰心呀,可能有奇蹟出現呢!希望在明天呀麻!努力加油呀!有勿唔開心都可以係到同其他兔友傾下講下架!你係咪做會計架? 如果係應該會比其他職業好D.
http://www.careertimes.com.hk/english/main.asp?browser=ie
http://www.jobsdb.com/default.htm?53224
http://www1.jobs.gov.hk/big5/default.aspx
http://forum.baby-kingdom.com/forumdisplay.php?fid=532

d無良公司有用li d方法呀
我個fd尋日先同我講,.佢之前間公司跟本就唔得嫁啦
但佢仲要叫我個fd幫公司執數...搞好晒就炒左佢
同你一樣.......各位兔友要小心d啦
我都煩緊...因為我知公司好唔掂嫁啦
近li2個月係咁拖糧..明明出左都唔比我地..
明明講好5號出,就8號先比我地..等我地9號先有$
兔爸就叫我好走..唔係驚第時羒糧都出唔到..
你地話我可以點

d公司好無良 尤其e+金螎海嘯下
我o係迪x尼到做part time. 間野都好無良ga
成日話逆市成幾百人, 但暗中以不合理手段炒人 唉

而家d公司係咁架喇~~
我有fd之前佢間公司話炒佢~
咁炒完咪仲會做多一個月既...
就o黎完呢一個月果陣就話請佢之後做part time..
跟住應該又因為覺得公司原來都係唔夠人手..
就叫我個fd做返full time!!勁衰!!

另外我之前做一間野..做左個幾2個月又炒o左我~~
當然d原因實係講到係我自己做得唔好果d啦..
但擺明又係我幫佢搞好d野就唔要我~~

原帖由 BB囡 於 23-6-2009 10:58 AM 發表
d無良公司有用li d方法呀
我個fd尋日先同我講,.佢之前間公司跟本就唔得嫁啦
但佢仲要叫我個fd幫公司執數...搞好晒就炒左佢
同你一樣.......各位兔友要小心d啦
我都煩緊...因為我知公司好唔掂嫁啦
近li2個月係咁 ...

梗係唔走啦，而家超難搵工丫~
做得一個月就一個月，拖還拖，始終你都有錢收到，
加上就算無錢收到，去勞工處投訴佢，勞工處都會幫你，
就算間公司執笠清盤，你都係會收到人工 ga ma~

而家我都仲未搵到工丫~

haahaa.. 我都冇做野3個月~
但係打算9月去澳洲既working holiday visa
宜家時勢唔好.. 最好時候出去見識下.. ^^

我同布媽既打算一樣
不過我已經無做野大半年嚕

其實樓上咁多位兔友同我既情況真係差唔多,做完嘢唔要人,又講到我做錯晒d嘢咁,唉,差唔多3個禮拜都無聽過d公司打俾我叫我去in喇,再咁落去都唔掂.咁我都要生活咖,積蓄又唔多,唔係頂到好多個月咋:054:
各位失業兔友,大家一齊努力!!

原帖由 Cody 於 2009-6-23 09:37 AM 發表
我地都知依家搵工好難,但係都唔好灰心呀,可能有奇蹟出現呢!希望在明天呀麻!努力加油呀!有勿唔開心都可以係到同其他兔友傾下講下架!你係咪做會計架? 如果係應該會比其他職業好D.
http://www.careertimes.com.hk/engl ...

我做開會計文員咖,但係自己又無LCC,得個幾年經驗,公司都唔會請我啦,香港地乜都講證書,但本人最憎就係讀書,非常抗拒,我之前考LCC衰咗,但係無諗過再讀.而家咁多畢業生同有經驗既人都失業,我都好難同佢哋爭飯食囉:043:

想轉行做婚禮統籌,但好似好少請人