幾個問題，想請教各位大大

1.  可唔可以幫兔仔洗澡嫁?
1.1 如果可以，洗完要點做?
2.  吾家兔兔品性差，不能抱，點先可以幫佢剪手/腳甲?
2.2 如果剪唔到，用咩野可以比佢磨手/腳?

:054: 請各位解答，幫忙幫忙~~謝謝

[quote]原帖由 勞仔 於 2009-6-27 11:52 AM 發表
1.  可唔可以幫兔仔洗澡嫁?
1.1 如果可以，洗完要點做?
可以，不過最好就唔好喇。因為兔兔會自己洗白白，我地幫佢好易整親兔兔（多數兔兔都唔鐘意沖涼）2.  吾家兔兔品性差，不能抱，點先可以幫佢剪手/腳甲?
2.2 如果剪唔到，用咩野可以比佢磨手/腳?
幫兔兔剪手甲又真係幾難。如果兔兔合作都好（90%兔兔都唔合作）
你可以帶兔兔出去剪，不過你要小心，有D人完全唔識handle兔兔。要搵間信譽好嘅。
不過都可以俾醫生幫你剪，我次次帶OREO去做BODY CHECK時，醫生都會幫oreo剪埋（免費服務

[ 本帖最後由 Jojo 於 2009-6-27 12:54 PM 編輯 ]

Oreo 去邊度 body check ga?

1.唔係唔得.而係無必要
2.兔兔唔會坐定定比你攪.你只好抱得好d咁剪.要有屢敗屢戰既精神

原帖由 redbean 於 2009-6-27 02:18 PM 發表
Oreo 去邊度 body check ga?

識睇兔兔既醫生唔多;請小心選擇!

oreo係澳洲body check-.-
香港既vet唔知肯唔肯呢?如果係betty度,叫佢教你應該就ok既

如果係betty到，佢會教你，或者會一邊教就一邊幫兔兔剪~

新養兔兔既主人，即管可以將唔明既野全部都問獸醫，
大部份獸醫都樂意教你，特別係 dr betty、dr yan、dr tiger，超好人，
我好多兔兔既野都係問佢地而學返黎~

幸好我兩隻兔都肯俾我剪指甲，
以前初初剪，係要用毛巾包住佢地d手手腳腳，
跟住剪邊隻就拎個隻手腳出黎，
而家佢地就習慣左，就咁反轉係大脾到就ok，
有陣時屋企有d特別聲，咁我就用張紙巾係咁易蓋一下佢塊面仔，
就會定少少~

我已經唔係新養的了，但佢只比你摸，根本抱佢唔到，除非夾硬黎(但我絕對唔忍心咁做)，而且佢有咩風吹草動就咯跑了:056:

我隻什果同啫喱都係....同佢地剪指甲好似打仗咁.....什果都會比較乖,反轉佢係大比佢唔會旭可以比我剪,但要捉佢就唔容易......:050:
啫喱就肯比我抱下,但要反轉佢0係大比就......:008: nononono!!!! 所以同啫喱剪親指甲都好大工程....但最近我發現同啫喱剪有個新方法,唔使反轉,因為佢真係超唔鍾意....:029: 但係就咁坐係我大比度剪,佢定好多.......如果你驚佢仲係會走,就用條大毛巾包住佢咁會好d架....希望你成功啦....:002:

:070: 我放棄幫佢剪甲!!