發現左d野，唔夠膽問屋企人

點算好，我無意中發現我阿媽、阿爸、細妹同細佬係O型血，
但我係B-型，點算好，究竟開唔開聲問好…

甘大件事!!???你好堅強呀!!
如果換著我 我都會選擇問清楚!!
同屋企人日日對住 如果成日心中有鬼
大家都吾安落啦 .....
而家知清楚件事 甘你又點睇呀?
有無吾開心呀?如果有,就拎出來傾下
吾好屈屈埋埋呀!! =)

開刀生個囡....咁你年紀都唔細
生娘不及養娘大
咁多年都有感情, 都算係一份緣份

雖然我地實際上幫唔到你D咩,但係你有咩唔開心都可以同我地傾
最近發現實中太多想像不到的事會發生
快樂咁過每一日足矣

雖然真相係好意料之外, 但你媽咪一直希望保住呢個秘密, 無非都係唔想你唔開心, 咁你媽咪都係好錫你啦~!! 所以, 唔好想太多喇~ 過去嘅事就尤得佢過去啦~ 依家嘅你係要好好孝順一直無條件供養你嘅父母, 姐弟妹方面, 真係唔好俾佢哋知, 無謂節外生枝, 同埋唔講對你都係好嘅! 從你嘅話, 睇得出你媽媽都好保護你, 所以, 從今以後, 忘記唔開心嘅事, 積極、開心面對將來, 好好繼續同你嘅家人生活, 知道嗎???
我哋個個都會支持你~ 有咩都可以搵我哋傾咖~!!

唔知明月知道E件事之後會唔會對屋企人有疏離感呢....

ANYWAY希望明月快D調整自己心情，繼續開開心心#^39^#

始終生娘不及養娘大~~
我相信你知道o左都唔會話因為唔係親生所以唔供養佢~~
呢件事得個知字~~
等自己唔好蘿蘿孿就算o勒~~
唔使太過介意~~
同埋見你第一個post~~
你係b negative o架？
negative o既血型比較罕有~~
你不如多d捐血去幫人啦~~
不過唔好俾你d兄弟姐妹知道喔~~

原帖由 wm20472 於 2009-7-10 01:46 AM 發表
開刀生個囡....咁你年紀都唔細
生娘不及養娘大
咁多年都有感情, 都算係一份緣份

剛剛踏入29歲，個囡就黎6歲，
年紀真係唔細呀！

咁多年來我都冇諗過自己有個咁的身份，
我4歲俾我媽媽收養，瞞左25年，我都知我媽媽很
辛苦，瞞左咁多年壓力都好大的。
有時好其怪，我同我細妹出街，d街坊話我地好似樣
有d仲話似孖囡添。
多謝兔友們的關心，我會忘掉我自己孤兒的身份。

忘記背後, 努力向前~~~ 加油! 加油!

無論點都好, 我覺得應該過返同平時一樣咁,
好似當咩都無發生過咁(我都知會有一定o既難度),
但係真係生娘不及養娘大, 你自己亦都做咗人媽媽,
我相信你好清楚做媽媽係一件唔容易o既事,
對子女o既付出係無條件o既, 雖然你現在的媽媽並唔係你親生媽媽,
但我相信佢係將你當做自己所生o既女一樣咁養大, 湊大,
而且應該幾錫你添! 所以我覺得唔好因為哩個原因而有咗疏離感呀!!
家姐同細佬妹, 我都覺得你媽媽講得啱~
真係多一事不如少一事, 千祈唔好講俾佢哋知.

不過, 個決定權始終喺你度o既,
我哋哩d只係純粹係個人意見嚟~

希望你能夠快d整頓好個心情啦!!
有咩事我哋都會支持你架!!
加油呀!!!!!