同一時間最多有養多少隻兔兔?

同一時間最多有養多少隻兔兔?

[ 本帖最後由 uumeme 於 2009-7-13 06:27 PM 編輯 ]

真係自己既, 最多有4隻~~~
個時個花園要分地盤, 2個大花園每次放一隻出去玩, 會打架, 好好笑, 分開左都要係門兩邊互BEAR~
第2隻出同一個花園就係咁尿尿霸返地盤~
我daddy仲用左好多時間整籠比佢地, 最大個個獨立屋有小朋友個D玩具屋咁大,冇咁高~
之後再係deck底再分2個大籠, 每邊有大半張單人床咁大, 仲可以企到7-8個人....
勁佩服我daddy... (下手業主當左係狗屋添...)如果2邊兔地係對頭家, 佢地會坐唔安咁走黎走去, 隔離屋有得出去花園, 另一隻就會好緊張, 會要人放埋佢~~~
唔知點解, 養左咁多年, 一隻B都冇生過, 有仔有女~
不過試過2仔1女, 個女2個都唔比掂, 2隻仔都追唔到佢~~ 哈哈~
因為個女個時心疑對象係一隻野兔~ 隻野兔個時真係日日都黎搵兔女, 成日都係隔離花園見到佢~~ 所以會順手喂埋~
亦有跟大佬情況, 有隻勁細膽既, 開個門佢都驚, 本來係屋企deck養, 之後比佢同其他兔地試下一齊玩,
結果佢跟左大佬咁, 成日都跟住另一隻仔~ 冇打架~~

最高峰有9隻, 自己3隻加左朋友既兔B 6隻~
個時好慘, 朋友D兔B成日比朋友家附近既貓咬走~
兔爺保唔到咁多, 最後一胎比左我叫我救~
個時成日落雨, D兔B勁污糟又未開晒眼咁黎, 結果死左3隻, 同3隻B沖澡用左一整日時間~
之後佢地健康成長, 真係好感動架~ 3兄妹又好close~~~
而家淨返丁丁LU~~~

點解會有野兔走過黎既..
你住邊架﹖

原帖由 bonedog 於 2009-7-13 07:26 PM 發表
點解會有野兔走過黎既..
你住邊架﹖

紐西蘭呀∼∼∼
都唔係周山走，　我都係見到１隻姐~~~

原帖由 vivipig 於 2009-7-13 07:43 PM 發表


紐西蘭呀∼∼∼
都唔係周山走，　我都係見到１隻姐~~~

唔怪得知啦, 我其實都想見下野兔..
我覺得野兔個樣好過癮...

但佢地又會咁奇怪走去民居既..(可能你屋企兔味重..又有野食 haha)
我都想有咁好既環境養兔兔

外國地方的兔兔真幸福，可以周圍走，連間兔屋都大過人

依家同兔爸養緊三隻兔, 兔兔都住喺加拿大跟兔爸, 所以嗰邊會地方俾佢玩, 如果喺香港, 養三隻我諗地方都真係一個最大嘅問題~!!

原帖由 波子 於 2009-7-13 11:24 PM 發表
依家同兔爸養緊三隻兔, 兔兔都住喺加拿大跟兔爸, 所以嗰邊會地方俾佢玩, 如果喺香港, 養三隻我諗地方都真係一個最大嘅問題~!!

係lor, 外國既屋大d,,走得多d開心d..
我依家睇見隻兔走黎走去都係個一條直路就覺得佢慘..無咩地方玩..
如果可以既我都好想可以同埋兔兔一齊移民去加拿大..哈哈

原帖由 bonedog 於 2009-7-13 07:55 PM 發表

唔怪得知啦, 我其實都想見下野兔..
我覺得野兔個樣好過癮...

但佢地又會咁奇怪走去民居既..(可能你屋企兔味重..又有野食 haha)
我都想有咁好既環境養兔兔

個隻野兔好健美架~~~~
一D肥肉都冇~ 好機警~~ 初時養佢係要掉去隔離花園~
佢都唔知有得食, 一支箭咁走, 為左兔女, 試過偷入花園~
係最低個邊跳入黎, 都有大半個成人咁高, 佢好似世運咁, 跳兩下就入到花園.... -_____-""
最後... 佢好似係見異思遷... 係某家鄰居屋有新兔女, 可能係放養家唔知點走左出黎,
所以一雙咁係出面草地, 慢慢就冇再黎啦~~~
唔知係咪咁, 我家兔女就變左惡女~~~~哈哈~~~

你家既兔女見到真係心都酸埋啦...
初初仲為左見佢咁跳入黎真係好man..
點知轉頭就去同第2個放養兔女到..:024:
可能好大打擊呢~