00 & 66 [updated 毛球look @ #40 p3 ^+++^]

#^27^# #^27^#
等我過番黎呢到post 番00 同66 0既udpate 生活照先 #^13^#


佢地第一日黎到的樣子, 佢地就係係呢個鼠鼠籠入面被發現遺棄0左係港鐵站
D糧同草都就咁放哂係個底, 佢地D腳腳都俾尿同屎痴到污漕哂.=.=
一黎到我屋企就立即同佢地洗番乾淨個籠, 梳番好佢地D毛, 再拎番個舊草兜出黎裝番d新鮮草佢地食 (所以幾時都唔好掉野, 都唔知幾時用得番..卡卡)
真係睇見都覺得可憐...#^37^#

0岩0岩第一次安定好之後幫佢地拍0左段片...呢個就係佢地0既新屋企.(version 2.1)

=====================================================================

黎個詳細介紹先 #^13^#

00

00性別: F
00生日: 不詳 不過6月28發現佢, 就當住628係佢地生日先 :p
00介紹: 00 係女仔, 佢耳仔比較長, 毛亦都長好多, 比較文靜同聰明, 一俾個三角兜佢就識去廁所, 有個新水樽亦都立即識去飲水 #^43^#
不過超級"為食", 一聽到膠袋聲就會衝去個籠門口到等野食. 有到好就係俾咩佢都食, 唔會揀飲擇食.
不過佢就咩都鐘意咬, 紙尿片, 膠地墊, 一埋到佢口0既都逃唔過佢0既牙齒隙 #^11^# .


====================================================================

66
66性別: M
66生日: 不詳 不過6月28發現佢, 就當住628係佢地生日先 :p
66介紹: 66 係仔, 身型俾00細D, 毛都短D同平均, 耳仔又細隻D
(不過其實0岩0岩返黎兩隻真係差唔多樣, 分0左好耐先分到邊隻打邊隻#^14^# )

66 可能因為係仔, 超級活躍, 開頭仲未分開佢地0既時候, 無時無刻都去撩00, 00都覺得佢煩, 成日走埋D角落頭到縮埋唔鬼理佢 #^41^# 同埋佢有過度活躍症, 成日會係個欄入面衝黎衝去, 有時開0左門, 佢會係咁跳出跳入, 冇時停.

66比較蠢小小. 學野都慢D, 換0左樽就唔識飲水,要俾番個舊0既佢, 明明引到佢埋個樽口到"LAM"0左幾啖, 都係唔識..卡卡. 食野都係, 俾野佢食, 佢會聞好幾次, "LAM"下先, 幾次之後先夠膽食 .

不過66就乖D, 唔會亂咬野

仲有就係佢好迷戀個鼠鼠籠, 之前個籠一擺去邊, 佢就會入去訓.. 不過而家要分家, 唔夠位俾佢擺住..#^27^#




==========================================================
佢地0岩0岩黎到0既時候, 成日會逃獄, 因為0個陣D欄未FIX 實, 佢地好醒咁等我訓緊覺 / 出0左街就會去推門D欄, 實行黎個PRISON BREAK @ LIVE..等我一返到去就立即衝番入去. 不過成地都係毛同粒粒, 出賣0左佢地0既行蹤.#^31^#

而家黎0左我屋企都已經有3個星期, 開始熟哂地頭. 開始識用廁所, 我0既格局都開始定型, 用0既野都開始減, 因為唔會再去到周圍係.

00 同66 好恩愛, 未分開0既時候, 永遠訓覺都要痴埋一齊. 又會幫大家沖涼..
而家分開0左佢兩個, 佢地都會不停咁想係D隙到搵到大家 #^30^#

希望佢地黎緊生生性性啦. 聽教聽話, 等我唔駛咁辛苦..#^10^#

而家佢地0既最新居所情況 變0左做咁0既樣

#^13^#


同埋一D尋日影0既相相






[ 本帖最後由 eggegg 於 2009-7-27 12:01 PM 編輯 ]

原帖由 lingyan 於 2009-7-23 06:33 PM 發表
好可愛，唔明點解會唔要佢地...

哇...你個兜唔會係糧呱......好多...

邊兜呀? 飲緊水0個張 ? 0個張0岩0岩返黎第二日, 0個d係我隻老佛爺的糧黎.

之後買番淨草條之後都冇俾雜糧佢地lu#^11^#

原帖由 Mika_T 於 2009-7-23 10:51 PM 發表
段片...比佢地食既紅蘿蔔太多了...
00真係似有疥癬, 睇左醫生未呀? 唔好放埋其他一齊玩哦

紅蘿蔔? 你指0個條橙色? 係小食黎, 乾架
唔係紅蘿蔔黎. 0個陣想引開佢地, 唔好成日係到刨哂我d木板咋嘛#^13^#

book 0左聽日body check 呀.

其實....真係好可愛呀^^

好開心呀, 00 同66 終於識去廁所, 兩日都冇係出面 vivi...#^28^# #^28^#

真係乖 #^43^# #^43^#
抵錫.

不過今晚又係另一個大挑戰, 要帶佢地出去睇醫生...
唔知可唔可以講下你地會帶d咩出去架呢? 我怕我會執漏野.. #^14^#

同埋想問 dr.betty 到收唔收eps / card 架 ?

thx thx ;)

00, 66好乖好叻啊 咁快就學識

betty到 eps 同 card 都收架..
你知啦, 有時睇一睇大獲野都幾千..唔收card點得wor

其實我平時就放定d 草係袋入面鋪係個袋底..等佢地食又好踩又好..
最底當然要加尿片啦..

如果太遠既可以帶定小小水/菜.. 俾佢地補充水份
我見有d兔友會帶d糧..俾幾粒黎氹下佢..

原帖由 bonedog 於 2009-7-24 03:37 PM 發表
00, 66好乖好叻啊 咁快就學識

betty到 eps 同 card 都收架..
你知啦, 有時睇一睇大獲野都幾千..唔收card點得wor

其實我平時就放定d 草係袋入面鋪係個袋底..等佢地食又好踩又好..
最底當然要加尿片啦..

如 ...

THX THX 咁應該齊哂喇, 一陣一收工就要飛返屋企帶佢地出去.

#^14^#

而家搭緊車出去喇,好緊張呀#^60^#

經過診斷後0既結果係............唔想佢地有0既都有齊..........#^37^# #^37^#

疥癬, 腳枕, 虱....#^34^# #^34^#

而家要續樣慢慢醫, 第一樣醫就係疥癬...打0左第一針...下個星期再去打第2針...

#^35^# #^35^# 要搵多幾份秘撈先頂得住喇...#^3_002^#

00 look #^39^#


66 look #^39^#


仲想影佢地0既中槍樣, 不過次次未拎到相機就醒0左 #^34^#

唔係 ma~ 全中?
怪唔之得掉佢地出街 lo~ 00 66 既前主人真係好冇良心呀!!

原帖由 小米 於 2009-7-27 12:42 PM 發表
唔係 ma~ 全中?
怪唔之得掉佢地出街 lo~ 00 66 既前主人真係好冇良心呀!!

好在未係太嚴重, 而家日日洗腳趾, 佢兩個走得好鬼快, 好似打仗咁, 不過洗0左幾日開始知我要做咩, 都乖0左D架喇

#^39^#

好在兩個小朋友懂性!!

加油呀~加油呀~
真係辛苦晒~~:054:

原帖由 小米 於 2009-7-27 01:37 PM 發表
好在兩個小朋友懂性!!

係呀, 仲超可愛, 隨0左唔鐘意人抱之外, 真係好乖

尋晚終於成功解哂00 D 結..好彩佢鐘意梳毛, 郁都唔郁, 不過係唔俾人攪個肚 #^13^# #^13^#