兔爸不太喜歡養兔兔B...點算...

兔爸俾我求左好耐,終於俾我從朋友度攞左兔兔B返嚟,而家就嚟一個月喇, 兔爸同我日日都因為兔兔B啲事而唔開心。兔爸係一個超乾淨的人，佢一見到兔兔B整污穢點就不停咁掃地，抹地...兔B又有病...要日日食藥..佢有e菌,後腳唔可以屈曲，要日日食藥,Dr. Betty話兔B應該無得好返...
.我有時都想過放棄...有啲倦...
但兔兔B好可憐...

既然求左好耐終於俾你養,
而且同朋友拎應該已經知道兔b既情況
點都要做個有責任既主人
加油啦

唔好放棄啦...
既然攞左返黎 兔bb就係你地既
對佢負責任都好應該
同兔爸再傾下啦 互相傾下邊個做邊樣
有個共識咪好囉

其實我覺得你堅持左咁耐點解要放棄呢?
我覺得佢接受得你養呢隻兔仔...
如果你真係好想照顧佢既話....
為一一個方法就係諗d辦法去令到兔爸佢唔好反感囉...
佢唔鐘意見到成地都係草既..
咁你咪用d兜兜住佢草架附近既地區地方囉...
咁起碼就算兔bb佢食草掉左都係掉左落個兜到...
更何況佢係一隻有病既兔兔...
如果你唔照顧佢俾第2個人地未必會好似你咁肯帶佢去睇醫生...
咁兔bb佢就會好慘嫁喇...
你都唔想見到兔bb佢咁辛苦嫁!!?係咪?

-W- 加油唔好放棄...只要你一直堅持對隻兔BB好~
一定可以愛屋及烏的-W-" 連佢都受你既愛心改變的~"

加油加油∼兔爸一定會欣賞你既愛心#^75^#

其實...
兔兔係好乾淨架~
你比d心機照顧佢~勤d清下廁所/籠~~

以前我家兔婆都好唔鍾意我養任何動物架~
後來我堅持~自己照顧total~
兔婆開頭都唔係好鍾意total~成日話佢污糟呀...臭呀...果d~~(其實我都feel唔到)
呢d係佢地心理作用je~

兔兔係可以慢慢暖化人地個心架~
你睇佢地d動作/神態幾可愛就知~
兩個月後,兔婆開始會望下total~
之後慢慢....兔婆會主動幫total開門比佢出黎...
之後...兔婆會主動留意total既舉動~(甚至比我仲清楚添呀)
慢慢...依家兔婆會每晚餵total食菜菜,仲會幫佢梳毛~
依家仲會幫佢按摩添~~

其實我無做過d咩~~不過兔婆慢慢就自己接受左~
你要加油~你家兔爸會慢慢接受架~:010:

唔好放棄呀,我明白兔兔有病要日日食藥係會好灰心,好想放棄,我屋企隻棉花糖都係有e菌,醫咗成兩個月都未好,好都有灰心,有諗過放棄....
但你諗返轉頭,如果你唔理兔兔,就無人理佢架啦,佢雖然係有病,但你日日放佢出來玩果時佢都係好開心咁跳兔仔舞你睇,痴住你叫你摸佢,咁你點忍心唔理佢呢?
同埋佢有病,你想俾第二個,佢都未必會要啦,唔通你放佢落街由得佢自生自滅呀??咁佢會好慘架,有病之餘仲要無人錫,條街又多狗,又無野食,仲要無埋個錫佢既主人......

兔爸方面,可唔可以放兔兔响一個特定既地方玩呀,咁整污穢都係得一個地方,玩完咪即刻掃同抺返乾淨lor,如果兔兔識得去廁所都係得d草同紙碎架姐.....都唔會好dirty既....

係呀~~你一定唔好放棄呀
我相信兔爸會慢慢接受兔bb
因為岩岩開始養bb囡時,兔爸既家人同我自己家人都唔鐘意佢
我媽媽仲要我拎佢番兔爸到
但有時我帶佢番我自己家玩
我媽媽都好鐘意佢,仲叫我拎番佢番自己家養
所以時間可以証明一切嫁
但你都要配合番兔bb,如果兔bb有咩唔乾淨既地方
你一定要第一時間幫佢清理
傻瓜唔好成日因為兔bb而同爸爸鬧交呀
要忍忍忍,因為成日嘈只會令兔爸更加唔鐘意多bb
你要努力呀~~相信兔bb都會為自己既病而努力

其實點倦都好,只要你身倦,心唔倦...
有一個想保護佢既堅持,問題好快就會解決.....

時間亦都會令兔爸明白到兔b在你心中的重要性
加油牙~~

我會努力，多謝大家:002: