黑色素瘤;有冇人有經驗啊?

之前幾日同小白剪甲時發現手仔生咗粒野;今日小白睇左醫生喇;手仔果粒係黑色素瘤(遺傳基因問題);屬於cancer一種.. ....聽到真係好唔開心;醫生話如果已經擴散到肺就冇得醫;又或者係要成隻手仔切....(因為巨地手術通常都會切埋附近既組織;擔心會再生)手仔範圍唔大;所以 ...有冇兔友有經驗?我仲可以做d乜野?:050:

佢幾大呀?

兔仔就未見過...狗狗就見過

佢係領養返嚟架!實際幾多嵗唔知;但估計3.5-4嵗度啦:050:

我聽都未聽過....
你睇邊個醫生呀?
要唔要去betty度睇下~順便問清楚意見~
因為切左手仔係好大手術...亦都係好大件事黎架wor~

未聽過啊
如果真係生腫瘤, 襯佢仲係良性儘早切除, 可以長命D

我朋友有隻兔兔上年尾,我去幫佢剪指甲的時候,起右腳都發現左有粒野。
之後我朋友戴佢去睇醫生,話佢有瘤(但唔知同唔同你講既一樣,我個陣無問佢),但之後粒瘤已經細菌感染,隻右腳要切除....切除左之後仲有膿..要做手術,有時我地仲要幫佢打針,洗傷口....不過其實本隻兔兔好堅強,生命力強...而家已經好返,仲識去廁所。

你可以做既比多d支持佢,因為主人既支持真係好重要
仲有不妨問多些兔友/醫生的意見
趁早決定是否做手術,以免瘤惡化

我覺得盡快做手術好d....到時惡化就大搞....

elyse:我有去你朋友個Y BLOG睇過;佢隻兔兔好堅強...
光之天使:睇DR.LIM
wesky&trianpo:我都想快...不過要遷就醫生個time table:056:

兔仔我就未聽過, 不過我以前養的狗狗就見過

不過多數佢地係老0左先出現, 同埋0個d就算割0左都會有機會再生.

不過我諗呢個情況可能同你兔兔0既情況唔同. 所以都係問多幾個醫生的意見再決定.

我係另一個forum 亦都見過有主人因為已經冇其他方法. 所以試下煲d中藥俾兔兔飲, 又真係有用. 不過呢個真係可能去到最後冇辦法的辨法. 佢地話煲冬蟲夏草之類的藥材.

其實我都有聽過雲芝丸果類...

mika-t :都係一個辦法!

係架~可以問下betty
佢都有一d中醫藥既知識

嗯...我唔會錯過任何醫小白既機會!

咁大既手術
我覺得你應該睇多一個醫生
睇多一個醫生既意見先決定會好d