花仔b 出事...可能要做手術...(純粹給我發洩的post)

我好辛苦...我只係想打出來~發洩一下~也許會打好多字...
但我真係好辛苦...好難受~我依幾日都訓唔到~
一係陪花仔訓~訓地下~放左佢係我隔離~陪住佢~
如果唔係~返上床訓~連續發左2個夢~每次我都喊醒~
我一年都唔會發1次惡夢或者發喊既夢...
今次連續發2個~第1個夢見花仔b死左~喊醒左~
第2個發夢~我哥隻龜纏住我隻腳~唔肯放~
想咬我~之後我就驚到喊醒左~之後我唔敢再訓~
依幾日~我唔係亂罵人~脾氣暴躁~小小事~我就罵~好炆~
有時做做下野~陪緊花仔時~就不停咁喊...我真係好難受~

事發: 前日早上~我發現花仔無大便~而且柯幾滴血水~尿都無~
我已經好擔心~佢又唔肯食野~半小時先哄得佢食1條草~
之後用針筒餵左佢食少少草粉~餵佢飲水~但都柯唔到大便~
但就柯到尿~帶少少血水~之後陪左佢成日~到夜晚~
佢柯到尿無血水~但情況都好差...唔肯食野~只肯飲水~
因為琴日book唔到時間~要等到今日先有期睇~

到今日早上情況愈來愈差~無咩精神~又唔肯郁~
成晚都無大便~已經好驚好驚~但安心的...佢無離開我~

到岩岩帶完佢睇醫生...驗左尿同超聲波~
膀胱就無石~或異物~但醫生話佢血有糖~
(唔知係咪我琴日俾得太多木瓜丸~哄佢食野...得本身就係)
怕腎有事~而且血含好多血份~同埋有感染~
最重要~佢胃有異物~唔知係乳膠定係毛球...
(因為佢有時會亂咬d膠墊或電線等...膠料)
同埋醫生話佢過瘦~牙仔有d長~依2日要谷肥佢...
如果依2日~佢都柯唔返d毛球~會影響佢消化~阻塞d腸胃~
柯唔返/異物消化唔到~就一定要開刀~拎返出哩...
開刀好大機會~會死...同埋全身麻醉~好高風險~
就算無事都好~都有後遺症~好影響腎臟同血糖...
對佢更加不利...所以做手術~同死...無分別...

依家醫生吩咐我~每日餵多d新鮮木瓜蓉俾佢~
食抗生素~食50ml up既草粉~同埋大量T草~
希望刺激佢腸胃~同埋醫好膀胱炎...

我覺得自己好無用...我被男友責罵~沒好好聽他說~
一直自以為事...係我硬要話俾個膠墊佢~
諗住俾佢訓好d~無咁易腳枕...點知弄巧成拙~
俾佢貪玩~咬左落肚都未定...都係我既錯...
我情緒已經失控~依2日~我罵完我男友阿爸~
又罵埋佢細佬~因為小小事~我仲成日罵我男友...
一個一個咁討厭我~我好辛苦...成日抱住花仔喊...
我真係唔想因為自己傷心~令花仔難過/唔開心~
我真係真係好希望花仔無事~唔駛做手術~
我真係好擔心好擔心~同埋錢銀上已經好大問題~
雖然男友說唔緊要~但我知道~我地手頭上既錢~
已經無多...我好想賣咁d~我儲既pillip~解決當務之急~
但我男友安慰我~叫我放心...好辛苦...點解我會咁差...
如果唔係我...花仔b唔會病~唔會咁瘦~更加唔會搞到依家咁...

但點都好~點都會搵返筆錢...帶花仔b覆疹...
只希望花仔b無事...我唔想佢做手術...亦唔打算俾佢做手術...
就算話我自私都好...錢已經唔係問題...我一定會解決到...
只係...風險我80%以上係死亡...就算好彩無事...
後遺症都會令佢以後...辛苦...我真係唔想再令佢咁痛苦...
我從來都唔覺得自己咁好運...20%可能令佢無事...
我真係唔想要佢受痛苦之餘...結果了結佢既一生...
我之前隻龍貓已經試過一次...做完手術...留院觀察...
最後要佢一個...孤伶伶係醫院...離去...
我真係好後悔好後悔...無好好陪伴佢最後一程...
所以大家見諒我...有這個想法...我真係唔想佢再痛苦...
我好想陪住佢走最後一程...我唔想佢要一個孤苦伶仃...

[ 本帖最後由 katatata 於 2009-8-15 07:49 PM 編輯 ]

我唔知講咩可以幫到你....
不過發洩完就算啦,花仔仲要你照顧
始終冷靜之下做既野都會好d

兔兔有事。。。邊一個主人會唔擔心。。。
就好似之前包包唔舒服咁。。。我都冇一晚可以訓到。。
都會係到諗。。如果當然咁咁咁。。。包包就唔會病ＬＡ。。

但係。。我更加諗。。如果我而家再係咁諗返之前既野。。有咩用呢？？
而家最重要既係。。好好咁照顧兔兔。
兔兔係好聰明ＧＡ。。佢地係會知我地開心定唔開心。。。
你一定要堅強。。。你的兔兔一定會冇事的！！
加油！