花仔b 出事...可能要做手術...(純粹給我發洩的post)

我好辛苦...我只係想打出來~發洩一下~也許會打好多字...
但我真係好辛苦...好難受~我依幾日都訓唔到~
一係陪花仔訓~訓地下~放左佢係我隔離~陪住佢~
如果唔係~返上床訓~連續發左2個夢~每次我都喊醒~
我一年都唔會發1次惡夢或者發喊既夢...
今次連續發2個~第1個夢見花仔b死左~喊醒左~
第2個發夢~我哥隻龜纏住我隻腳~唔肯放~
想咬我~之後我就驚到喊醒左~之後我唔敢再訓~
依幾日~我唔係亂罵人~脾氣暴躁~小小事~我就罵~好炆~
有時做做下野~陪緊花仔時~就不停咁喊...我真係好難受~

事發: 前日早上~我發現花仔無大便~而且柯幾滴血水~尿都無~
我已經好擔心~佢又唔肯食野~半小時先哄得佢食1條草~
之後用針筒餵左佢食少少草粉~餵佢飲水~但都柯唔到大便~
但就柯到尿~帶少少血水~之後陪左佢成日~到夜晚~
佢柯到尿無血水~但情況都好差...唔肯食野~只肯飲水~
因為琴日book唔到時間~要等到今日先有期睇~

到今日早上情況愈來愈差~無咩精神~又唔肯郁~
成晚都無大便~已經好驚好驚~但安心的...佢無離開我~

到岩岩帶完佢睇醫生...驗左尿同超聲波~
膀胱就無石~或異物~但醫生話佢血有糖~
(唔知係咪我琴日俾得太多木瓜丸~哄佢食野...得本身就係)
怕腎有事~而且血含好多血份~同埋有感染~
最重要~佢胃有異物~唔知係乳膠定係毛球...
(因為佢有時會亂咬d膠墊或電線等...膠料)
同埋醫生話佢過瘦~牙仔有d長~依2日要谷肥佢...
如果依2日~佢都柯唔返d毛球~會影響佢消化~阻塞d腸胃~
柯唔返/異物消化唔到~就一定要開刀~拎返出哩...
開刀好大機會~會死...同埋全身麻醉~好高風險~
就算無事都好~都有後遺症~好影響腎臟同血糖...
對佢更加不利...所以做手術~同死...無分別...

依家醫生吩咐我~每日餵多d新鮮木瓜蓉俾佢~
食抗生素~食50ml up既草粉~同埋大量T草~
希望刺激佢腸胃~同埋醫好膀胱炎...

我覺得自己好無用...我被男友責罵~沒好好聽他說~
一直自以為事...係我硬要話俾個膠墊佢~
諗住俾佢訓好d~無咁易腳枕...點知弄巧成拙~
俾佢貪玩~咬左落肚都未定...都係我既錯...
我情緒已經失控~依2日~我罵完我男友阿爸~
又罵埋佢細佬~因為小小事~我仲成日罵我男友...
一個一個咁討厭我~我好辛苦...成日抱住花仔喊...
我真係唔想因為自己傷心~令花仔難過/唔開心~
我真係真係好希望花仔無事~唔駛做手術~
我真係好擔心好擔心~同埋錢銀上已經好大問題~
雖然男友說唔緊要~但我知道~我地手頭上既錢~
已經無多...我好想賣咁d~我儲既pillip~解決當務之急~
但我男友安慰我~叫我放心...好辛苦...點解我會咁差...
如果唔係我...花仔b唔會病~唔會咁瘦~更加唔會搞到依家咁...

但點都好~點都會搵返筆錢...帶花仔b覆疹...
只希望花仔b無事...我唔想佢做手術...亦唔打算俾佢做手術...
就算話我自私都好...錢已經唔係問題...我一定會解決到...
只係...風險我80%以上係死亡...就算好彩無事...
後遺症都會令佢以後...辛苦...我真係唔想再令佢咁痛苦...
我從來都唔覺得自己咁好運...20%可能令佢無事...
我真係唔想要佢受痛苦之餘...結果了結佢既一生...
我之前隻龍貓已經試過一次...做完手術...留院觀察...
最後要佢一個...孤伶伶係醫院...離去...
我真係好後悔好後悔...無好好陪伴佢最後一程...
所以大家見諒我...有這個想法...我真係唔想佢再痛苦...
我好想陪住佢走最後一程...我唔想佢要一個孤苦伶仃...

[ 本帖最後由 katatata 於 2009-8-15 07:49 PM 編輯 ]

我好明白你的諗法
你要陪多d花仔呀
等佢開心d

可能佢自己可以排出呢
唔好咁 down...
同埋你都唔好俾花仔見到你咁唔開心呀
如果唔係, 佢可能會驚
頂住呀....

先保住自己身體精神狀況
先可以全心全意照顧花B
keep住食藥觀察下啦
可能排得出異物就唔使開刀

我好明白你感受...
TOTAL都有D腸停...今日睇左醫生...
依家都未肯自己飲水,
所以我好明白你既心情...

我都好擔心,
但係未到最後,唔好諗到咁灰住~
連你自己都唔信花仔B會好返,
你點可以哄到花仔B乖乖食藥乖乖食野呢~係咪~?

盡你既能力照顧佢LA~
多D哄佢食野~陪住佢~同佢講下野傾下計...
加油呀!我都同你一齊努力緊架

過去左既事已經過左去, 最重要既係""現在""
先照顧好自己,  因為黎緊將會有好多事要你處理
一定要儲足精神, 控制好自己的情緒

花仔B會加油既..
你唔好禁自責啦~
好好照顧佢同埋自己..
佢會努力好返既~!

我睇到都好唔開心同擔心花b,不過你自己都要保重身體,好好照顧佢,佢一定知道架....

我都好明你既感受,但無自責都無用架啦,諗吓有咩辦法刺激吓佢D腸胃啦,可唔可以試吓幫佢按摩下個肚仔呀,可能會好D呢
你一定要信佢會好返呀,如果連你都唔信佢會好返,佢又點會有鬥志生存落去呢。千其唔好放棄呀

兔兔對主人的感覺好敏感,佢會感受到你的不安害怕,
你要硬淨d,安慰佢俾佢安心對佢復完好有幫助的.
獸醫好多時都會將所有可能講出黎但未必一定會發生.
有希望就要努力.
腸胃有異物亦有可能是食物+毛,
要腸胃保持活動就要keep住有一定的水份,
水和草粉都要餵,盡量久不久就餵下,避免一下大量灌一時又好耐冇野係肚.
花仔有食開菜菜既就多d俾下,菜菜味甜又多水份對腸胃缺水會有幫助.
vet有冇俾益生菌同止痛藥,兩樣都會有幫助.
花仔肯動就鼓勵多d郁動亦有助腸胃蠕動.
努力呀,你的鎮定關懷對花仔好重要.

你一定要繼續努力 唔好放棄丫

加油呀!!!
花仔B都唔想你唔開心o架~~
可能會排得出無事呢~!!!
要堅強d呀~~

嗯~我都應承左花仔b~唔會再唔開心~我會冷靜~
(只少唔會係佢面前再喊...)我都要佢應承我唔好令我再擔心~
乖乖食多d野~開心d~佢知我唔開心~佢會撲上我到~舔我...
依幾日我可以的~都訓地下~陪佢訓教~希望佢開心d~
都唔理咩鼻敏感~一直鼻塞~之後再算~依排可能睡眠不足~
或訓得唔好~所以情緒好差~我都唔理lu~仲之我會撐到最後~
陪住花仔b到最後~唔理結果如何~我都唔想後悔~或再令佢痛苦...

thx大家的關心~!! 我無事的~只希望花仔b一樣無事~!!

原帖由 光之天使 於 2009-8-15 10:03 PM 發表
我好明白你感受...
TOTAL都有D腸停...今日睇左醫生...
依家都未肯自己飲水,
所以我好明白你既心情...

我都好擔心,
但係未到最後,唔好諗到咁灰住~
連你自己都唔信花仔B會好返,
你點可以哄到花仔B乖乖食藥乖乖 ...

= ="  強迫...佢病病唔會主動食野飲水~
飲水手餵佢都會飲~但唔會成日主動飲~
計琴晚~到我起身都無飲過~但我手餵就飲左好多~
木瓜蓉就好少少~可能甜~肯食少少~
草粉同藥就一定強迫~我抱住~兔爸幫我"mark"大佢個口~
強迫用針藥迫佢食~係好辛苦~但一定要迫佢食~
依家我見到我~"~驚到跑走...但無計~
點都要迫佢每日食50ml up~= =鬼叫佢連草都唔肯食~

最大壓力~兔爸唔耐煩~每次叫佢幫忙餵草粉就好唔滿意~
餵多幾次就厭煩~我1個人就唔識餵...唉~所以好唔知點咁...
花仔b佢自己又唔緊咁~我知佢唔舒服~但佢死都唔肯食野飲水~
迫佢又唔食~水都唔飲太多~我真係好唔知點算...
只有我1個人擔心...自己1個人撐得好辛苦...無人幫我分擔...

你冷靜d先!我睇到你fb同呢度d post既內容...
都feel到你個人好緊,好大壓力....
其實可能你男朋友可能同你一樣都好關心花仔b..
只是收埋起個心,不懂如何表達姐...你不妨同佢坐低慢慢傾,表達你個諗法....
真係傾唔惦,不如就走去廚房吸啖氣or飯杯冰水,再唔係落街行下
唔好因為花仔b就同身邊所有人起哂衝突,搞到個個人都怕左你...
咁樣都會令花仔b唔開心,有壓力,,,阻礙到佢病情好返0既機會
兔兔會感受到主人既心情

仲有兔兔食草粉係唔洗"mark"大佢個口,就算人食藥都唔洗咁...
兔兔門牙隔離有個位置係無牙(大概嘴角位),你由佢嘴角慢慢地打入去....
唔好心急大量打入去,如果流左入肺就大件事
仲有你地睇邊個醫生,好少醫生會介紹兔兔食木瓜蓉呢d野

加油牙你!如果真係無人同你分擔,米同我地兔友傾訴lor:070:
大把人會聽你講GE

[ 本帖最後由 elyse 於 2009-8-16 07:42 PM 編輯 ]