[update 4/9]一次過發洩出黎 ... 唔係既話遲早痴線

好想發洩，同兔爸講，點知只係 "哦、哦"

上年11月，我同個朋友 (由中一開始識到而家) 係一間美容院分期買 package，
本來我唔諗住幫佢分期，
見佢講左咁耐，又話會 atm 過數俾我，
最後心軟就幫佢分期埋。

起初3個月，佢俾 cash，我推過佢好多次，唔好俾 cash，
用 atm 過數 (有証明丫ma)，但佢係都要俾 cash，
佢俾$500我，我就找返$40俾佢。

跟住我就比較少同佢一齊做 facial，都無乜時間見，
所以佢就局住 atm 過數俾我。

到左而家，開始數返佢仲要俾返幾多次錢我，
我就開始火 la ...

開頭個3次俾cash，我係有找返錢俾佢，我好記得。
因為第一次係佢要我找返俾佢，跟住個2次，佢俾張$500我，我就將我所以散紙都俾哂佢，
搞到我得返一張500蚊紙，要我拎去入錢再係atm禁返出黎先有$100紙。
而家佢竟然同我講，佢由一開始都係俾$500我，無收過我找錢 lor ....
頂 ....
都算數，都係百零蚊，當我豪俾佢。

但點解佢會變成咁 ??

我發誓以後都唔幫人分期 !!! 唔幫人用信用卡俾錢 !!!

---------------
前半年同佢一齊返化妝班，
明明要學化妝堂唔帶化妝工具
(解釋係因為唔想帶咁多野返工，我夠要返工，咪又係帶咁多野..)
就連唇膏呢D咁私人既野都要問我借，
仲要拎自己枝唇掃掃完自己個咀之後，
抹都唔搵紙巾抹又伸過黎掃枝唇膏，
我唔知其他女仔遇到咁既事會有乜反應啦，
但我真係好 mind lor，唔係 mind 佢用我d野，
而係一d衛生都無 ... 加上個排佢頻頻病 ...

------------------
上個排，佢知道我同兔爸有結婚打算，
咁佢就話想做我伴娘，點知 .... 佢之後加多句 "你怕唔怕我搶你鏡先 ?"
我聽完之後O哂咀，
(以前中學個陣，同級既男同學覺得佢好靚，係級花，起初佢都自己話自己唔靚 ga，
但係而家認自己靚囉..)
我真係好想講...
"你飛機場，無前又無後，想點搶鏡 = =||，
加上伴娘搶新娘鏡，d人只會話伴娘既不是，
再加上 ... 如果真係好朋友，就真係唔會搶自己好朋友既鏡啦。"

----------------------
好灰好灰 ...
搵工又 sd 左好多 e-mail 都無 reply，
搞到我都唔知係我個 e-mail 有問題定係人地個e-mail係block左free e-mail a/c ....
前個排布甸突然走左，
雖然而家 miffy 既日常食用既野都仍然可以提供得到，
但真係拜託佢唔好病 ....如果唔係真係死都唔得掂 /_\



[ 本帖最後由 lingyan 於 2009-9-4 06:04 PM 編輯 ]

咁少野就足以睇清一個人既面目
真係好"抵"
呢種朋友, 打聲招呼就好了, 深交就免...

布甸發生咩事啊?

布甸突然走左?!?!下下下...好驚訝...

真係睇你講都唔知佢係有心定無意...
講錢其實一定傷感情..就算幾好朋友都係咁...
你不如試下直接同佢講,睇下佢有無改善...無就就咁算啦

不過而家搵工真係好鬼難,有時我都以為e-mail壞左...
send左出去咁多都無回覆
好彩而家搵到份工,可以騎牛搵馬做住先...一邊做,一邊搵其他

我都係,依家搵到份part-time,搵少少,幫補下d交通費同飯$都好

布甸佢夜晚突然間手腳都係到抽搐，企唔穩，
想帶佢去睇醫生都已經趕唔切 .....

而家仲未搵到工，都唔知要捱到幾時 T.T.......
我連牛都無..... >3<

算啦,講錢就點都係失感情架啦...
都好既,至少你都叫做認清呢個人既真面目,下次就唔洗再俾佢揾笨吖嘛.....

布甸走咗你唔好咁傷心啦....請節哀順變........

係牙...銷售員會唔會易搵d...可以牛住先
我做個度係寵物店...都好易見工(我個人覺得),無咩要求,都係有養寵物就ok
佢而家仲請人,你如果想做pm我,send個電話比你

有時朋友就係咁, 越識得耐就越易出事, 似熟賣熟呀嘛~!! 我都有個識咗十幾年嘅火星朋友, 咪一樣係衰到冇人有~
算啦~ 唔好為咗呢啲咁嘅人傷心又傷身, 一啲都唔值得, 佢搵你咪SAY個HI就BYE囉~ 講多句都分分鐘有損失, 有時朋友間唔係用時間去計嘅, 有時可以識得好少時間嘅朋友都可以做倒知己, 所以, 唔好俾十幾年嘅感情拖累自己, 對呢啲人真係越早斷纜越對自己有著數~!!

布甸走左?!!!!!!:046:
最近睇到呢d壞消息令我好想即刻飛返hk見珍珍
好怕自己未返到就聽到....:050:
我係呢度都同個朋友有d錢銀問題
識左佢6,7年la....佢而家係咁問我攞錢....
呢d朋友真係.......:052:

lingyan 唔好太傷心~
會有didi o係彩虹橋陪住佢~

友情其實真係好化......所以真係要好好珍惜朋友~
雖然識左10幾年既朋友係咁...但都好既~起碼而家知佢既真面目~
總好過有咩大事發生佢出賣你~

人夾人緣~希望你心情會好返d......:038:

ps 你做開咩行業??睇下我公司可唔可以幫到你~^^

原帖由 kwaikwai 於 5-9-2009 11:44 AM 發表
lingyan 唔好太傷心~
會有didi o係彩虹橋陪住佢~

友情其實真係好化......所以真係要好好珍惜朋友~
雖然識左10幾年既朋友係咁...但都好既~起碼而家知佢既真面目~
總好過有咩大事發生佢出賣你~

人夾人緣~希望 ...

我做開 clerk，而家走去讀緊 lcc 1~
我都想做 sales / promoter，但無奈到我隻腳企唔到咁耐 .... 唯有 give u
畢業之後第2、3、4份工都係做 promoter，都係痛到忍無可忍先辭左~
有時都幾想去獸醫診所做助護 q.q