[update 4/9]一次過發洩出黎 ... 唔係既話遲早痴線

好想發洩，同兔爸講，點知只係 "哦、哦"

上年11月，我同個朋友 (由中一開始識到而家) 係一間美容院分期買 package，
本來我唔諗住幫佢分期，
見佢講左咁耐，又話會 atm 過數俾我，
最後心軟就幫佢分期埋。

起初3個月，佢俾 cash，我推過佢好多次，唔好俾 cash，
用 atm 過數 (有証明丫ma)，但佢係都要俾 cash，
佢俾$500我，我就找返$40俾佢。

跟住我就比較少同佢一齊做 facial，都無乜時間見，
所以佢就局住 atm 過數俾我。

到左而家，開始數返佢仲要俾返幾多次錢我，
我就開始火 la ...

開頭個3次俾cash，我係有找返錢俾佢，我好記得。
因為第一次係佢要我找返俾佢，跟住個2次，佢俾張$500我，我就將我所以散紙都俾哂佢，
搞到我得返一張500蚊紙，要我拎去入錢再係atm禁返出黎先有$100紙。
而家佢竟然同我講，佢由一開始都係俾$500我，無收過我找錢 lor ....
頂 ....
都算數，都係百零蚊，當我豪俾佢。

但點解佢會變成咁 ??

我發誓以後都唔幫人分期 !!! 唔幫人用信用卡俾錢 !!!

---------------
前半年同佢一齊返化妝班，
明明要學化妝堂唔帶化妝工具
(解釋係因為唔想帶咁多野返工，我夠要返工，咪又係帶咁多野..)
就連唇膏呢D咁私人既野都要問我借，
仲要拎自己枝唇掃掃完自己個咀之後，
抹都唔搵紙巾抹又伸過黎掃枝唇膏，
我唔知其他女仔遇到咁既事會有乜反應啦，
但我真係好 mind lor，唔係 mind 佢用我d野，
而係一d衛生都無 ... 加上個排佢頻頻病 ...

------------------
上個排，佢知道我同兔爸有結婚打算，
咁佢就話想做我伴娘，點知 .... 佢之後加多句 "你怕唔怕我搶你鏡先 ?"
我聽完之後O哂咀，
(以前中學個陣，同級既男同學覺得佢好靚，係級花，起初佢都自己話自己唔靚 ga，
但係而家認自己靚囉..)
我真係好想講...
"你飛機場，無前又無後，想點搶鏡 = =||，
加上伴娘搶新娘鏡，d人只會話伴娘既不是，
再加上 ... 如果真係好朋友，就真係唔會搶自己好朋友既鏡啦。"

----------------------
好灰好灰 ...
搵工又 sd 左好多 e-mail 都無 reply，
搞到我都唔知係我個 e-mail 有問題定係人地個e-mail係block左free e-mail a/c ....
前個排布甸突然走左，
雖然而家 miffy 既日常食用既野都仍然可以提供得到，
但真係拜託佢唔好病 ....如果唔係真係死都唔得掂 /_\



[ 本帖最後由 lingyan 於 2009-9-4 06:04 PM 編輯 ]

..........
百幾蚊........

我都明你感受既...話晒係朋友,為左錢銀就攪成咁樣...

大家冷靜一排la...
以後諗返,可能百零蚊唔值得無左個識咁耐既朋友~

錢真係好傷感情ga..
不過咁樣都好啦..
起碼證明左佢唔值得你去同佢做朋友啦..
為左果百幾蚊傷感情..
真係唔明佢..

所以講錢傷感情....

就算好FD都要數還數路還路。

如果有心同你FD O既係唔會為左錢而令你難做架...話ATM 就ATM，想KEEP 返個友誼架MA

人大係會變，你都係睇開D啦，至多以後做人小心D，百零蚊當買教訓....

最傷心係識左至少十幾年，
但就因為百零蚊就睇得出乜野人 ....

起初佢仲話只係俾返十期我，話只係 5k。
我諗諗下唔對路，
點解得返 5k ?
之後我搵返月結單，再計返條數，
係5.5k，每個月$500就係11期 ga la !!!

點解 ...
點解要咁做 ??
身為朋友，明知我失緊業，都仲搵我著數 ??
真係估我開金礦 ga = =|||
究竟知唔知對於失業既人，$500 係好大既數目 ??
佢無錢駛，可以問老豆媽媽拎，我無錢駛，無得問 ga ....
(自從畢業就已經唔問屋企拎錢...)

朋友，真係唔好有錢銀瓜葛  .....
講錢真係失感情 .....

前幾日佢知我有個格仔舖賣 accessory，
佢話佢都好想賣，係咁問我係邊到拎貨個d，
咁我覺得係fd，都無所謂，就同佢講，
跟住佢就話，咁辛苦 ar ??
有無興趣一齊搞 ar ??
當然 ... 我見到佢咁我當然 reject  .\/.

唉, 有時d朋友真係識耐左因呢d事就睇清哂人既真面目..
我都試過好幾次好似你咁, 無野做仲要咁幫佢嘔百幾蚊真係好慘
但你當係用百幾蚊二百蚊睇清楚呢一個朋友既真面目...

真係有d野, 佢個格係咁就係咁, 點都無得改
唔係話去到無朋友做咁絕, 只有自己之後醒定d, 知佢係份咁既人同錢有瓜葛就一定唔好啦..費事又煩又唔開心又做衰人又無朋友做..

EASON 隻 "最佳損友" 好岩你 ... 同我

yes....一關係到錢就可以睇清人既面目
你唔好話朋友 親人都係一樣
所以... 睇開d

百零蚊就睇得出佢係乜野人, 好抵ga la
朋友之间講錢真係失感情
但要借就先預左收唔番
只借俾真係有困難好須要果d

呢一個人真係唔當你係朋友…….
以後同佢hea下算啦…….

朋友真係識要得耐先睇到佢真面目..

你朋友好過份喎, 重要係中一識了十一年的好朋友
只可以講, 你今次用$5500認識清楚佢, 而佢用$5500出賣了佢的人格

俗語有曰: 唔做宗、唔做保、唔做媒人三代好
唉, 我都好同情你

不如試下正面d睇

會唔會因為太熟,佢覺得你唔會介意果百幾蚊..佢可能覺得大家老友唔洗計到咁足

hea左你就算...其實你可以認真同佢講一次

佢真係比小左錢你同埋計錯數..睇下佢有咩反應

唔好死得不明不白

[quote]原帖由 elvisli 於 4-9-2009 05:03 PM 發表
不如試下正面d睇
會唔會因為太熟,佢覺得你唔會介意果百幾蚊..佢可能覺得大家老友唔洗計到咁足
hea左你就算...其實你可以認真同佢講一次
佢真係比小左錢你同埋計錯數..睇下佢有咩反應
唔好死得不明不白 [/quote]

佢因為太熟而覺得我唔會介意個百幾蚊唔出奇，
我有同佢講過，頭個幾次我都有找返50蚊俾佢，所以第12個月仲要俾返$150。
但係佢講到係由一開始就話還$500 & 無收過我既找續，我先至火。
有收咪認 lor，我收唔收返又係另一回事，但係佢死口唔認無收過 ...
仲要搞笑到，乜都有印象，就係對我既找續無印象。

問心，知道朋友失緊業，你仲忍唔忍心去拎佢著數 ?

布甸走左?(*_*)
Why?

其實如果係咁,
我覺得無謂嬲,嬲佢都嫌晒自己d氣la~~
呢個"朋友"根本唔值得為左佢嬲到自己唔開心~

咪當係普通舊同學算lor~

ps. 布甸走左...????