什果做咗body check^^

琴日帶咗什果去九龍動物醫院做body check,今次係由Dr.ma同什果check,雖然第一次睇佢,但其實佢都好細心同好詳細解釋兔仔既野比我聽,雖然什果生咗bb,但dr.ma話佢好健康,仲問我d bb依家點?好彩^^但係dr.ma話其實兔仔係唔使食兔糧,因為野生兔仔係原野草地都冇兔糧食,淨係食草就足夠,因為兔糧對兔仔既牙齒唔好,容易令到兔仔會註牙同埋會因磨唔到牙令牙齒過長,雖然兔仔係靠食草黎磨牙,但兔仔會因為比兔糧佢食而唔食草,所以dr.ma話叫我依家開始逐少逐少咁比少d糧,之後就cut糧唔好再比佢食,淨係比草同比菜就ok,生果都唔好比,糖份太高容易註牙,咁樣兔仔就會好健康^^所以今次做舍body check令我對兔仔既野再加深咗...因為上網睇書都冇講話兔仔唔使食兔糧...
下個星期四我book咗dr.betty同啫喱做絕育,我想問,個姐姐叫我帶埋水樽同草去,咁要帶幾多草先夠呀?

講真你帶小小都ok嫁啦,,,
因為佢地出街會驚,只係比佢地安心d
我諗佢地都唔會食好多
恭喜你d寶貝健康呀
係wor~~d bb而家點呀..?

CHECK完冇事就好了

但係補充一點.兔兔係唔會蛀牙的..但係食兔糧確實對兔兔既牙唔係咁好

原帖由 BB囡 於 2009-9-11 03:02 PM 發表
講真你帶小小都ok嫁啦,,,
因為佢地出街會驚,只係比佢地安心d
我諗佢地都唔會食好多
恭喜你d寶貝健康呀
係wor~~d bb而家點呀..?

哦~~不過我之前帶啫喱什果出街都會擺d草比佢食...等佢地定d...
依家bb好健康呀...依家只係24日大，但已經大隻咗好多，不過黑豬就細隻d,白豬就大隻d...兩隻係個籠度跳黎跳去...好鬼得意...遲d post d相比大家睇下...可能係由bb開始養大啦~~依家我叫佢地個名好似已經識得咁...有時佢地瞓咗，我叫佢地個名會即刻彈起身之後衝過黎，兩隻都肥嘟嘟...依家開始食草同食糧...有時比菜什果食，佢地又會食少少...開頭我都擔心佢地bb會肚痾，但我又見佢地冇事喎，所以就由得佢地食，不過佢地都係食好少，應該都唔怕...

BB 得24日我覺得唔好俾糧好d，
怕佢地唔夠力咬，照吞既怕佢會"啃"親，
或者用水整林佢先俾佢地食。

原帖由 lingyan 於 2009-9-11 06:36 PM 發表
BB 得24日我覺得唔好俾糧好d，
怕佢地唔夠力咬，照吞既怕佢會"啃"親，
或者用水整林佢先俾佢地食。

但我見佢地咬好耐先吞咁...不過佢地都係食好少...食幾粒就會行開...冇咩食糧癮,唔會好似餵什果咁咁瘋狂,因為依家佢地仲要飲奶...有時我餵糧個時佢地仲瞓緊,到起身行到過黎什果已經食哂...之後佢地會食D草,食草都係咬好耐,有時見佢地咬條硬身個D草,咬好耐可能咬到好攰,之後佢地就會放棄,食第二條幼D...好攪笑!!不過都多謝你既提議,我另外搵個兜整淋比佢地食啦^^