我兔兔好唔舒服

我兔兔今朝開始就無曬精神,成日都攤係地下訓(平時佢最活躍既時間都係),連佢平時最鐘意食既糧佢都食左少少就無食,仲成日發呆。我已經book左星期四去睇betty。但係我想問下,佢咁樣會唔會關打風事?佢係咪感覺到所以好驚?

便便正常嗎??有冇食草飲水?

有冇縮埋一二角變波波..摸下肚仔感覺下有冇唔同.

兔媽搵個靜既地方..用自己隻耳仔..貼住兔兔既肚肚聽下.聽下有冇腸郁既聲

如果係腸停都幾危急

[ 本帖最後由 elvisli 於 2009-9-14 11:32 PM 編輯 ]

星期4~~幾點丫~!?

糯米糍都要睇E生~~~!

我就4點半~!唔知我地有冇機會見面呢~!?

原帖由 wesky 於 2009-9-14 10:29 PM 發表
便便正常嗎??有冇食草飲水?

飲少少水,唔肯食草,淨係食糧同菜(不過都無平時咁瘋狂)。岩岩痾左幾粒好細既屎屎(乾身)

有冇聽下D 腸有冇郁.

有幾細粒..如果可以.最好影相上黎比各位睇睇

原帖由 elvisli 於 2009-9-14 10:31 PM 發表
有冇縮埋一二角變波波..摸下肚仔感覺下有冇唔同.

兔媽搵個靜既地方..用自己隻耳仔..貼住兔兔既肚肚聽下.聽下有冇腸郁既聲

如果係腸停都幾危急

佢無變波,係攤左係地下度,肚仔同平時一樣,我都聽到肚仔有咕嚕咕嚕的聲音。
仲有我突然諗起有樣野想問,我之前同兔爸一齊感冒,跟住個排又天氣好熱,日日都3x度,所以都有keep左開冷氣比佢。
會唔會d感冒會傳左比兔兔?因為佢呢排都成日打乞次,其實由佢返我屋企4個月都一直打乞次,因有巴德斯干菌,已看醫生
同食兩個月藥都冇咩用,dr yen話係咁,斷唔到尾。但佢依家既乞次同平時既打法有d唔同,所以我懷疑會唔會我同兔爸既感冒傳左比佢:050:

人類同兔兔在不同的食物鍊上..

理論上人類既感冒唔會直接感染落兔兔身上

原帖由 small_tra 於 2009-9-14 11:31 PM 發表
星期4~~幾點丫~!?

糯米糍都要睇E生~~~!

我就4點半~!唔知我地有冇機會見面呢~!?

我睇5點15分,不過我會早d到,希望可以早d睇,反正我個日請左半日假,應該見到你的!

留意有無食草和呵糞
若長時間都無，就要小心佢腸停
必要時同打草粉和看急症啦

唔會，人類既傷風感冒同兔兔既唔同
(只係兔兔傷風同人類既病徵相似，先叫做傷風等人類易d理解，
但成因係同人類既唔同)
人類既病大部份都唔會傳染俾兔兔，反然亦之。

會唔會打風+天氣濕笠笠，兔兔有異常反應 ??

當個風慢慢遠離香港之際(即係今朝),我矇仔就變到勁活躍,周圍跳黎跳去,嘈到我朝早起身起左6,7次去捉佢。
而屎屎就都正常返少少,不過都係唔太肯食草,我有餵草粉比佢食。可能佢舒服真係關打風事><星期四會如常帶佢去檢查下。