非常非常咁耐冇上嚟Update我家兔兔Oreo嘅近況,先排兔公身體唔太舒服,搞到我心都亂哂。打後屋企又輕微裝修,除咗上嚟睇吓Post之外,原來自己變咗做隱形人,冇發言無建樹,哈哈。上一排收到EMAIL話Mini- House要更新兔兔名冊,所以立即捉住我家兔兔影咗輯非專業沙龍相。
兔爺兔嫲又就快嚟澳探我哋啦,除咗要同佢哋週圍去玩之外,重要扮乖唔好比佢哋以為我終日上網唔做家務(我認!雖然我係!),我諗佢哋喺度住嘅兩個禮拜我又要練下閉氣繼續潛水先。
以前買錯咗個貓狗用水樽,上次開Post後得兔友們搵出兔兔唔曉用水樽嘅原因,之後換咗個水樽仔。仲有隻黃鴨仔水位Indicator添,可愛!
上次有兔友建議加大個兔籠仔, 友儕亦說兔兔越來越巨大,我們每日同佢一齊反而一啲都唔覺得。不過抱住兔兔抱得耐其實都覺得佢幾重吓。Anyway, 加大咗個兔籠仔等佢住得舒舒服服!
[ 本帖最後由 Bolin 於 2009-9-22 11:23 AM 編輯 ] |
|